19:11​—Polankhula ndi Pilato za munthu amene anamupereka, kodi Yesu anali kunena za Yudasi Isikariyoti? Yesu sanali kulankhula za Yudasi yekha kapena munthu wina wake, koma zikuoneka kuti anali kulankhula za anthu onse omwe anakhudzidwa ndi tchimo lomupha. Ena mwa anthu amenewa anali Yudasi, “ansembe aakulu ndi Bungwe Lalikulu lonse la Ayuda” ndiponso “anthu” amene ananyengereredwa kuti apemphe kumasulidwa kwa Baraba.​—Mat. 26:59-65; 27:1, 2, 20-22.

21:15, 19. Petulo anafunsidwa ngati anakonda Yesu kuposa “izi,” kutanthauza nsomba zinali pomwepo. Motero apa Yesu anatsindika kufunika koti Petulo asankhe kutsatira Yesuyo kwa moyo wake wonse, m’malo mwa ntchito yake ya usodzi. Popeza taona nkhani za m’Mauthenga Abwino, tisasiye kukonda Yesu kwambiri kuposa china chilichonse chimene tingakopeke nacho. Inde, tiyeni tipitirize kumutsatira ndi mtima wonse.