Mkazi wolingalira wotchedwa Betty amatenga chinjirizo lina lake. Iye akuti: “Ndimakhala wochenjera ponena za kuyanjana ndi anzanga ogwira nawo ntchito chifukwa makhalidwe awo siali ofanana ndi anga.” (1 Akorinto 15:33) Ichi sichikutanthauza kuti muyenera kudzipatula kapena kukhala waukali kwa ogwira nawo ntchito. Koma pamene iwo akakamira pa kukambitsirana nkhani zomwe ziri zonyansa kwa Mkristu, musachedwe kudzichotsapo inu eni. (Aefeso 5:3, 4) Kumvetsera kwanu ku nkhani yoipa imeneyo kungapereke kwa amuna apantchito chikhutiritso chakuti mungakhale wovomereza ku kukufikirani kwawo.

Pomalizira, mkazi wolingalira amapewa mkhalidwe yogonjera. Kuitanidwa kumwa chakumwa choledzeretsa kapena kutsalira kuntchito pambuyo pa nthaŵi ya ntchito popanda chifukwa chenicheni kungakhale msampha. (Yerekezani ndi 2 Samueli 13:1-14. ) “Wochenjera awona zoipa nabisala,” umatero mwambo wanzeru.​—Miyambo 22:3.