Nyimbo 182

“Mvunguti mu Gileadi”

(Yeremiya 8:22)

1. Tamva kuti m’Gileadi;

Mulidi mvunguti.

Utonthoza opsinjika

Uchotsa chisoni.

Umatsitsimutsa ngati

Tiritu otopa,

Nkana okondedwa athu

Agona mu imfa.

2. “Mulungu ndiye chikondi,”

Ndiwamphamvu yonse.

Zimene amatumiza

Zitipindulitsa.

Pitaninso kwa Mulungu

Pemphani kwa iye,

Musabise chirichonse;

Muuzeni zonse.

3. Kumbukirani zinthuzo,

Zochitika kale,

Zinalembedwa kuti ’fe,

Titonthozedwetu.

Landirani chithangato

Modzichepetsatu,

Chidzakuthandizanidi

Kuti mupilire.

4. Kodi mwalingalirapo,

Opsinjika ena?

Kuti enanso ambiri

Ali kuyesedwa?

Muwatonthozetu iwo

Kuti akondwere.

Mukatero mudzadziŵa

Mphamvu ya mvunguti.