Buku la Mulungu Ndi Chuma Chamtengo Wapatali

1. Pali buku limene mawu ake

Amatibweretsera chimwemwe.

Mfundo zake zodabwitsa n’zamphamvu,

Zimathandiza ’khungu aone.

Bukuli ndi Baibulo loyera.

Olilemba anauziridwa,

Ankakonda Yehova M’lungu wawo.

Mzimu wake unawathandiza.

2. Analemba zokhudza chilengedwe.

Mmene M’lungu anachilengera.

Analembanso za Paradaiso

Ndiponsotu mmene anathera.

Analemba za mngelo winawake

Amene ananyoza Yehova.

Zinabweretsa chisoni pa anthu

Koma Yehova adzapambana.

3. Masiku ano tili ndi chimwemwe,

Ufumu wa Mulungu wayamba.

Yehova ’kupatsa chipulumutso

Kwa onse omwe amamukonda.

M’buku lake muli zosangalatsa,

Chakudya chamwanaalirenji.

Limatipatsa mtendere wambiri,

N’lofunika kuliwerengadi.