Kodi Ndani Ali Otsatira Oona a Khristu?

Kuti mudziwe yankho la funso lochititsa chidwili, tikukuitanani ku Msonkhano Wachigawo wa Mboni za Yehova wakuti “TSATIRANI KHRISTU!”

Padziko lonse padzachitika misonkhano yambirimbiri yotereyi ndipo idzayamba m’mwezi wa May, ku United States. Kuti mudziwe malo a kufupi ndi kwanu amene kukachitikire msonkhanowu, funsani Mboni za Yehova kwanuko kapena tilembereni kalata. Magazini ya Nsanja ya Olonda (yomwe ndi inzake ya magazini ino) ya March 1, 2007, ili ndi mndandanda wa malo onse amene kukachitikire msonkhanowu ku Malawi ndi ku Mozambique.