Nyimbo 78
Kuleza Mtima
Losindikizidwa
1. Yehova Mbuye wathu
Amakonda dzina lake.
Amafunitsitsadi
Kuti lisamanyozedwe.
Kwanthawi yaitali
Wakhala ’kupirira.
Iyetu sanatope
Amaleza mtima.
Anthu m’mitundu yonse
Amafuna ’pulumuke.
Kuleza kwake mtima
Sikudzapita pachabe.
2. Kuti tisapatuke
Tikhale oleza mtima.
Tidzapeza mtendere
N’kupewa kumangokwiya.
Pochita ndi anzathu
Tidzaona zabwino,
N’kukhala odziletsa
Ngakhale m’mavuto.
Kuleza mtima kwathu
Ndiko kudzatithandiza
Kutsanzira Mulungu
Amene tikumudziwa.
(Onaninso Eks. 34:14; Yes. 40:28; 1 Akor. 13:4, 7; 1 Tim. 2:4.)