Kodi Tiyenela Kucita Ciani Kuti Tikondweletse Mulungu?

Pewani zoipa. 1 Akorinto 6:9, 10

Ngati timakonda Yehova, sitidzacita zinthu zimene iye safuna.

Yehova safuna kuti tiziba, tizikolewa, kapena kuseŵenzetsa mankhwala osokoneza ubongo.

Mulungu amadana ndi kupha, kucotsa mimba, kugonana amuna kapena akazi okha-okha. Safuna kuti tikhale adyela kapena andeu.

Sitiyenela kulambila mafano kapena kucita zamizimu.

M’Paladaiso imene idzakhalako padziko lapansi, simudzakhala anthu ocita zoipa.

Citani zabwino. Mateyu 7:12

Kuti tikondweletse Mulungu, tiyenela kuyesa-yesa kukhala ngati iye.

Onetsani cikondi kwa ena mwa kukhala okoma mtima ndi opatsa.

Khalani oona mtima.

Uzani ena za Yehova ndi njila zake.—Yesaya 43:10.