YOPHUNZILA

Anthu a Yehova akusangalala ndi paladaiso wauzimu amene ali m’mbali ya padziko lapansi ya gulu la Mulungu. Kodi tingasonyeze bwanji kuti timayamikila mphatso imeneyi yocokela kwa Yehova? Nanga aliyense wa ife angacite ciani kuti athandize kukongoletsa paladaiso ameneyu? Nkhaniyi iyankha mafunso amenewa.

Nkhaniyi ikufotokoza zinthu zabwino zimene tikuyembekezela posacedwapa. Ifotokozanso cifukwa cake tifunika kukhulupilila kuti Yehova adzatipulumutsa pa cisautso cacikulu.

M’dziko la Satanali anthu ambili ndi okhulupilika ku dziko lao, fuko lao, ndi cikhalidwe cao. Koma, ife tinalonjeza Yehova kuti tidzakhala okhulupilika kwa iye. Nkhaniyi ifotokoza bwino cifukwa cake sititengamo mbali m’mikangano ya dzikoli ndiponso mmene tingaphunzitsile maganizo athu ndi cikumbumtima cathu kuti tisamatengemo mbali m’mikangano imeneyi.

Anthu a Yehova amakumana kuti alambile Mulungu mu Nyumba za Ufumu ndi malo ena masauzande ambilimbili padziko lonse lapansi. M’nkhaniyi tikambilana mfundo za m’Malemba zimene zidzatilimbikitsa kulemekeza malo amenewa ndi kupelekela ndalama zocilikizila nchito yomanga nyumbazi. Tikambilananso mmene tingasamalile malo amenewa kuti azipeleka ulemelelo kwa Yehova.