Kodi Baibo Imakamba Ciani?

Kodi zidzatheka kuti padzikoli pakhale mtendele?

Kodi mungayankhe bwanji?

• Inde

• Iyai

• Kapena

Zimene Baibo imakamba

Mu ulamulilo wa Yesu Khristu, “padzakhala mtendele woculuka kwa nthawi yonse pamene mwezi udzakhalepo,” kutanthauza kwamuyaya.—Salimo 72:7.

Mfundo zina zimene Baibo imakamba

• Anthu oipa adzacotsedwa padziko lapansi, koma anthu abwino “adzasangalala ndi mtendele woculuka.” —Salimo 37:10, 11.

• Mulungu adzathetsa nkhondo zonse.—Salimo 46:8, 9.

Kodi n’zotheka kukhala na mtendele weni-weni wa m’maganizo lomba?

Anthu ena amakhulupilila kuti . . .

n’zosatheka kukhala na mtendele weni-weni wa m’maganizo m’dziko lino lodzala ndi mavuto na kupanda cilungamo. Nanga imwe muganiza bwanji?

Zimene Baibo imakamba

Ngakhale lomba, anthu amene ni mabwenzi a Mulungu angakhale na “mtendele wa Mulungu umene umaposa kuganiza mozama kulikonse.”—Afilipi 4:6, 7.

Mfundo zina zimene Baibo imakamba

• Mulungu analonjeza kuti adzacotsapo mavuto na kupanda cilungamo. Adzapanga zinthu zonse kukhala zatsopano.—Chivumbulutso 21:4, 5.

• Tingakhale na mtendele wa m’maganizo ngati tisamalila ‘zosoŵa zathu zauzimu.’—Mateyu 5:3.