Kodi Mungayeseko kwa Caka Cimodzi?

Kuyesako ciani? Upainiya wa nthawi zonse. Mudzapeza madalitso ambili mukakhala mpainiya—Miy. 10:22.

KUKHALA MPAINIYA KUDZAKUTHANDIZANI . . .

• kukulitsa luso lolalikila, ndipo mudzasangalala kwambili ndi utumiki wanu

• kulimbitsa ubwenzi wanu ndi Yehova. Mukamauza ena za iye, mudzayamba kuganizila kwambili makhalidwe ocititsa cidwi a Mulungu

• kukhala wokhutila cifukwa coika Ufumu patsogolo mu umoyo wanu. Ndipo mudzakhala ndi cimwemwe kaamba ka kudzipeleka kuti muthandize ena. —Mat. 6:33; Mac. 20:35

• kukhala ndi mwayi wopezeka pa miting’i ya apainiya pamene woyang’anila dela akucezela mpingo wanu, miting’i yapadela msonkhano wadela usanayambe, ndi kupezeka pa Sukulu ya Apainiya

• kukhala ndi mwayi woyambitsa ndi kutsogoza maphunzilo ambili a Baibulo

• kukhala ndi nthawi yambili yoceza ndi kulimbikitsana ndi alaliki anzanu. —Aroma 1:11, 12