Kunola Luso Lathu mu Ulaliki— Afikeni Pamtima na Buku Yakuti, “Khalanibe m’Cikondi ca Mulungu”

CIFUKWA CAKE KULI KOFUNIKA: Anthu afunika kuphunzila miyezo ya Yehova na kuyamba kuitsatila kuti azimulambila movomelezeka. (Yes. 2:3, 4) Buku yakuti “Khalanibe m’Cikondi,” imene ni buku yaciŵili yophunzila, imathandiza ophunzila Baibo kudziŵa mmene angaseŵenzetsele mfundo za umulungu mu umoyo wawo. (Aheb. 5:14) Poŵaphunzitsa, tiyenela kuyesetsa kuwafika pamtima kuti atunthike kusintha umoyo wawo.—Aroma 6:17.

MMENE TINGACITILE

• Konzekelani bwino, poganizilanso zosoŵa za wophunzila wanu. Konzani mafunso amene adzakuthandizani kudziŵa maganizo ake na mmene akuionela nkhaniyo.—Miy. 20:5; be tsa. 259

• Seŵenzetsani mabokosi onse amene ali m’bukuli kuti muthandize wophunzila Baibo kuona ubwino woseŵenzetsa mfundo za m’Baibo

• Thandizani wophunzila Baibo kuti azilingalila bwino pankhani zokhudza cikumbumtima, koma osamupangila zosankha.—Agal. 6:5

• • Mosamala, onani ngati wophunzila wanu afunikila thandizo pa kugwilitsila nchito mfundo zina za m’Baibo. Muthandizeni kuona kuti afunika kusintha cifukwa ca cikondi cake pa Yehova.—Miy. 27:11; Yoh. 14:31