CUMA COPEZEKA M’MAWU A MULUNGU

Yehova Alinganiza Anthu Ake Mwadongosolo

[Onetsani vidiyo yakuti Mfundo Zokhudza Buku la Numeri.]

Aisiraeli anamanga misasa yawo m’magulu a mafuko atatu-atatu (Num. 1:52, 53; w94 12/1 9 ¶4)

Aisiraeli ayenela kuti analipo 3,000,000 kapena kuposelapo (Num. 2:32, 33; it-1 397 ¶4)

Yehova amafuna kuti anthu ake azimulambila mwadongosolo. Umu ni mmene zinalili na mtundu wa Aisiraeli, ndipo ni mmenenso zilili kwa ife masiku ano. —1 Akor. 14:33, 40.

Cithunzi coonetsa mmene Aisiraeli anali kumangila misasa yawo. Cihema copatulika cili pakati. Pafupi kwambili na cihema copatulikaco pali misasa ya mabanja a fuko la Levi: Banja la Aroni kum’maŵa, Akohati kum’mwela, Agerisoni kumadzulo, ndiponso Amerari kumpoto. Mafuko 12 a Isiraeli ali kutali na cihema copatulikaco. Kum’maŵa kuli mafuko a Isakara, Yuda, na Zebuloni. Kum’mwela kuli mafuko a Gadi, Rubeni, na Simiyoni. Kumadzulo kuli mafuko a Benjamini, Efuraimu, na Manase. Kumpoto kuli mafuko a Nafitali, Dani, na Aseri.

DZIFUNSENI KUTI, ‘Kodi ningaonetse bwanji kuti nikucilikiza makonzedwe a Yehova na mtima wonse?’