UMOYO WATHU WACIKHRISTU

Tengelani Cikondi Cosasintha ca Yehova

Yehova ndiye citsanzo cabwino kwambili pa nkhani yoonetsa cikondi cosasintha. (Sal. 103:11) Ici si cikondi ca kanthawi cabe. Cikondi cosasintha ni cikondi cacikulu komanso cokhalitsa. Yehova anaonetsa khalidwe limeneli kwa anthu ake Aisiraeli m’njila zambili. Anawamasula mu ukapolo ku Iguputo na kuwaloŵetsa m’Dziko Lolonjezedwa. (Sal. 105:42-44) Anali kuwamenyela nkhondo, ndipo mobweleza-bweleza anawakhululukila macimo awo. (Sal. 107:19, 20) ‘Tikamacita cidwi na nchito za Yehova’ zoonetsa cikondi cake cosasintha, timalimbikitsidwa kutengela citsanzo cake.—Sal. 107:43.

Zithunzi: Zithunzi zozikika pa vidiyo yakuti “Ganizilani Nchito za Yehova Zoonetsa Cikondi Cake Cokhulupilika.” 1. M’bale Capra na m’bale wina apita kukacezela mlongo kunyumba kwake. 2. M’bale Capra, amene tsopano ali m’ndende pamodzi na abale ena, akupatsa cakudya m’bale wina wodwala amene wagona pabedi.

ONELELANI VIDIYO YAKUTI “GANIZILANI NCHITO ZA YEHOVA ZOONETSA CIKONDI CAKE COKHULUPILIKA,” NDIYENO YANKHANI MAFUNSO AWA:

Kodi tingaonetse cikondi cosasintha m’njila ziti?

Your answer
N’cifukwa ciyani kuonetsa cikondi cosasintha kumafuna kudzimana?

Your answer