Oñgeni Omukanda ou Uundapeswa

Pomafo maalandulako, movasi otesitu ya kese nthiki no nondaka mbayawisuako. Namphila tyitei kuonthue oola yokutanga otesitu, mahi ovanyingi vetyihole okuitanga komuhuka. Okulinga ngotyo tyivekuatesako okusoka ko tesitu mokueenda kuonthiki. Tyina ombunga itangela kumwe otesitu ipola-ko ouwa. Onombunga mbomo Mbetele mouye auho vetyilinga komuhuka tyina vehenelie omphiu-piu.

Onondaka mbayawisuako mbapolwa mo (w) Mutala Womulavi, okuhimbika mu Abril yo 2021 atee mu Março yo 2022. Ombalulo yalandulako Komutala Womulavi ilekesa onthele omu yapolwa akulandula ombalulo yo palagrafu omu mbapolwa. (Tala ongeleka pombuelo.) Onondaka ononkhuavo mbuvasiwa monthele omu otesitu yapolwa.