Onondonga Pala Ehinangelo Liononkhia Mba Tatekulu
Tyina ovakulu vewaneno velipongiya pala Ehinangelo Liononkhia mba Tatekulu vena okutala nawa onondonga ombu:
◼ Hinangelei okuti ombolo novinyu kavipondola okulambesua tyina ekumbi liehenenyingile.
◼ Tyesukisa okutaindya ombolo yahapakelue onkhiso novinyu tindu, vikahi nawa pala onthiki oyo.—Tala mo Sentinela 15 ya Fevereiro yo 2003, pomafo 14-15.
◼ Omalonga, no nokopo, no mesa novinyanga ovingonga viokuyala komesa, viesukisa okutualwa pomphangu mamulingila Ehinangelo tyina oola nkhele yehenehikepo.
◼ Pomphangu apa mamulingila Ehinangelo lia Tatekulu, tyilinge Mondyuo Yomaliongiyo ine omphangu onkhuavo, muna yokuikohokesa nawa. Tupu omawaneno omanyingi akuatekenya monthiki oyo pala okuviukisa ovipuka, alo umue okupindala Ondyuo Yomaliongiyo.
◼ Ovakuatate vokulekesa ovanthu kovipundi na vana mavapitisa ombolo novinyu, vesukisa okuholovonwa tyina onthiki oyo yeheneyike, avapopilwa ovipi ovilinga viavo noñgeni mavevilingi, nokuvepopila okuti vesukisa okuvala ovikutu vikahi nawa, nokuasukuka.
◼ Inkha pena ovakuatate ovanakua vavela veheile kehinangelo, tyesukisa okuvetwaila ombolo oyo novinyu.
◼ Inkha Mondyuo ike vala Yomaliongiyo mamuliongiyila omawaneno omanyingi, omawaneno oo esukisa okulionganeka nawa opo ovanthu vehelikunyaune pokunyingila nopokulupuka. Tupu inkha pena omatukutuku tyesukisa okutaindya apa maatalama opo ahatyike mondyila.
◼ Inkha eliongiyo olio kamalilingilwa Mondyuo Yomaliongiyo, mahi malikalingilwa pomphangu onkhuavo, tyesukisa okutaindya onomakina mbokupopila mbukahi nawa opo ovanthu aveho vatehelele nawa etyi tyikahi nokupopiwa.