Oñgeni Matukala Nombili Mokuivisa Otyili Konthele ya Jesus

Ombili yetu iliyawisa putyina tuamanoñgonoka oñgeni matupopila vakuetu otyili konthele ya Jesus. Jesus emanya oku kuatungilwa ekolelo liotyotyili. (Efé. 2:20) Inkha ha Jesus, ñgeno katuakalele nekevelelo liomuenyo. (Atos 4:12) Ngotyo, tyakolela atuho tuimbuke otyilinga tya Jesus mehando lia Huku. Ovanyingi vekahi nokuyondyua nomalongeso ehelikuatele novihonekwa. Inkha kavapiluluka, kamavakapewa ononkhano onongwa Huku makavela vana vena ekolelo mu Jesus. Ombili yetu tukala nayo notyili, maitulundu okukuatesako vana vomutima omuwa vanoñgonoke otyili konthele ya Jesus, noñgeni velikahi na Huku, notyilinga ena mehando liae. Mokueenda kuomuvo Wehinangelo, okuti mokala nombili yokuivisa otyili konthele ya Jesus?