Okuyawisa Ounongo Wetu Wokuivisa​—Mokutualako Okutuaila Omikanda Vana Vahanda Okutanga

Omokonda Yatyi Tyesukisila: Ovanthu ovanyingi vahanda okutanga omikanda vietu, mahi kavahande okulilongesa Ombimbiliya nonthue. Valinga ngotyo mokonda vesuka nongeleya yavo iya vasoka okuti vetupu omuvo wokulilongesa. Mahi, inkha tutualako okuvetuaila omikanda, vapondola okukala nehando liokunoñgonoka Ondaka ya Huku. (1 Ped. 2:2) Omikanda ovio vipondola okueta onthele imwe ivehika komutima, tupu pamwe onkhalelo yomuenyo wavo ipondola okupiluluka. Okuvetalelapo apeho tyihasete, mavetutyiliya iya otyo atyitukuatesako okunoñgonoka etyi vesuka vali natyo nomahando avo. Otyo tyikuatesako omuivisi okuhimbika okulongesa omunthu Ombimbiliya.