5-11 YA KWENYE KUNENE

OLUMONO LUKAHI MONDAKA YA HUKU

1. ‘Hipululila Ava Mavekeya’ Ononkhono Mba Huku

(10 min.)

Tundee poututu Ndaviti ankho ukwatesiwako na Siovaa. (Ovii. 71:5; Omutala Womulavi 1/9/1999 pefo 18 § 17)

Etyi Ndaviti akulupa wetyimwene umwe okuti Siovaa ukahi nokumukwatesako. (Ovii. 71:9; Despertai! 8/10/2004 pefo 23 § 3)

Ndaviti walongesile ovakwendye. (Ovii. 71:17, 18; Omutala Womulavi 15/1/2014 pefo 23 §§ 4-5)

Ombunga ina yalekesilwe monthele yosimana yokwalamba yokwati: “Onondunge Mbululika Efendelo Liombunga.” Vakonga ovalinepi vakulupa mefendelo liavo liombunga, pahe vekahi nokuvetehelela tyina valekesa onofoto otyo vapopia ovipuka valinga-linga.

LIPULA OKUTI: ‘Olie mewaneno ukahiale nokufenda Siovaa nkhele tya kohale mandyikongo tutomphole nae Pefendelo Lietu Liombunga?’

2. Olumono Lwa Huku

(10 min.)

Ovii. 72:8 — Oñgeni etyi Siovaa apopilile Ambalayau tyivasiwa momukanda Ehimbikilo 15:18, tyafwiswapo moutumini Wohamba Salomau? (Perspicaz Vol. 1 pefo 768)

Etyi mokumbulula
Etyi watanga Ombimbiliya osimana ino, olumono patyi wavasa?

Etyi mokumbulula

3. Okutanga Ombimbiliya

(4 min.) Ovii. 71:1-24 (okulongesa-5)

KALA NOMBILI MOVILINGA VIOKWIVISA

4. Pokuhimbika Etompho

(3 min.) UMBO NA UMBO. Tyina omunthu amehimbika okupatana etyi ukahi nokumupopila, manuhula etompho monkhalelo ikahi nawa. (Humba Ovanthu, elongeso 4 onthele 5)

5. Pokukondoka-ko

(4 min.) OKWIVISA TYEHELI MOVILINGA VIOKWIVISA. Tomphola nomunthu watompholele-ale nae, walinga otyinkhe tyokulilongesa Ombimbiliya. ((Humba Ovanthu, elongeso 8 ponthele 4)

6. Okuhangununa Evi Tutavela

(5 min.) Elongomona. Omapulo Ovanthu Vehole Okulinga Konthele Yonombangi mba Siovaa, onthele 49 — Osapi: Omokonda Yatyi Onombangi Mba Siovaa Vapilululila Ovipuka Vimwe Ankho Vetavela? (okulongesa-17)

OMWENYO WETU WOUKILISITAU

7. Ovipuka Vipopiwa Pefendelo Liombunga

(15 min.) Elongomona otyo upula.

Umwe povana ukahi nokukumbulula tyimwe mee yae, pefendelo liombunga.

Efendelo Liombunga olio umwe haunene likwatesako ovana okunoñgonoka ‘onondunge mba Siovaa.’ (Efe. 6:4) Namphila okulongesa ovana tyahapepukile, mahi tyina pahe ovana vamahumbu otyili ty’Ombimbiliya tyihambukiswa ovohe. (Swau 6:27; 1 Pet. 2:2) Tala ovipuka vimwe vili pokakasa kati: “Ovipuka Vipopiwa Pefendelo Liombunga,” vipondola okukwatesako ovohe yovana okulinga nawa efendelo liombunga, Konyima pahe amutomphola omapulo aa:

Povipuka evi viapopiwa apa ovipi ove uhanda okuhetekela?

Etyi mokumbulula
Okuti pena vali otyipuka wavasa tyipondola okukukwatesako?

Etyi mokumbulula

OVIPUKA VIPOPIWA PEFENDELO LIOMBUNGA

OMBIMBILIYA:

Tehelelei Ombimbiliya yangalavalwa yovikapitulo vyo simanu, okuti hatyo, mwene onwe amuvitange mahi amuvitangela umwe peulu. Mupondola umwe okuti, ou utanga onondaka mbomunthu ou utanga onondaka mbomunthu ou
Ovola omapulo amwe ayemba kovikapitulo vyo simanu, kese wike meumbo akoyo-po like pomapulo oo, akaovola momikanda vietu. Konyima pahe kese wike apopi etyi elilongesa
Lilingei omapulo, oo mupaka-po otyitateka tyimwe, pahe amwovola onondunge mb’Ombimbiliya momukanda Evi Ombimbiliya Ipopia Vikwatesako Ovanthu va Huku
Lipakei movanthu vapopiwa-po m’Ombimbiliya, amulipe omanyina avo.
Kese Simanu honeka pokapapelo ovelesikulu ityayo y’Ombimbiliya, upola apa pokwati Evi Viapotoyolwa A mombulusula Humba Ovanthu — Velongesa Valinge Ovalongwa, amuhetekela okwiipaka momutwe. Upondola okupitaulila vali okutala poupapelo wonosimanu mbokwalamba
Lilongesei tyimwe tyili momukanda Kalako Nomwenyo Apeho!
Koya umwe meumbo apopia tyimwe povipuka vili pana pokwati; “Omapulo Ombimbiliya Akumbululwa,” ponthele yokwati: ETYI OMBIMBILIYA ILONGESA mo jw.org

OMALIONGIYO:

Lilongesei etyi matyikelilongeswa meliongiyo
Ovolei etyi momukakumbulula, amuhetekela okutyipopia. Eloo komuvo wahalinge otyinyingi
Imbei oviimbo mamukaimba keliongiyo
Talei etyi mupondola okulinga mukapameke vakwenyi tyina eliongiyo liehenehimbike na tyina liamapu
Tyina pena umwe makalinga onthele yomulongwa, eilinge mwitale

MOVILINGA VIOKWIVISA:

Talei etyi mamukapopia tyina mwivisa umbo na umbo
Talei etyi mamukapopia nomunthu mwapopile-ale nae
Sokei ñgeno kamuli movilinga viokwivisa pahe amumono omphitilo, tyihetekelei okutyilinga
Tompholei etyi mwapanga tyokuyawisa vali kovilinga viokwivisa pomuvo Wehinangelo, na tyina muli monofelia kovilinga a hamwe okosikola

ETYI MATYIKWATESAKO VO MEUMBO:

Hetekelei okulinga ngatyina uti muli movitateka vimwe vihole okumoneka, evi hamwe noonwe nthiki imwe mamukala navio, viopulitika, viokulewa, viokulihanda, no viovipito.
Lilongesei matiwa ovohe yatyo vena nokulipakailamo novana ovitumino vyo meumbo. Ovana vatyo avalingi ngatyina vaovola momikanda, pahe avatomphola no vohe evi vavasa

MUPONDOLA AMULINGI VALI ÑGAA:

Talei ovindiu yo JW Broadcasting^® amutomphola evi mwatala
Tangei omukanda umwe, oo mutala ovindiu mo jw.org, pahe amutomphola
Lilongesei onthele imwe mwapola mo jw.org, pokwati: “Ovana Ovatutu N’ovakwendye N’ovahikwena,” no pokwati: “ovana,” vivasiwa pokwati ETYI OMBIMBILIYA ILONGESA mo jw.org
Pitululei evi mwalongesilwe movionge, mwahoneka
Talei ovipuka Huku atunga, amulilongesa-ko tyimwe tyemuhuvisa, pahe amutale etyi tyimulongesa tyayemba ku Siovaa
Pamwe mupondola okukonga omunthu umwe amukala nae pefendelo, otyo mumupula ovipuka
Pangei evi mwahanda okulinga movilinga vya Huku, vitompholei mutale etyi mamulingi muvivile
Undapelei kumwe amutungu owato ya Nowee nokutanga onomapa, nokulilongesa pana pokwati omitete, m’Ombimbiliya

Talei OVINDIU yati: Viukisei Efendelo Lienyi Liombunga. Pahe opulu okuti:

Oñgeni omulume mahiviswa efendelo liombunga mbili vehena ovana meumbo?

Etyi mokumbulula

8. Elilongeso Li’Ombimbiliya Mewaneno

(30 min.) Omukanda Ava Oumbangi, okapitulu 13 opalangalafu 17-24.