Elongeso 1

Oñgeni Ove Upondola Okuiwa Etyi Huku Ahanda

Onondaka patyi mbokwakolela mbuvahiwa Mombimbiliya? (1)

Mwene Wombimbiliya Olye?(2)

Omokonda yatyi ove una okulilongehila Ombimbiliya? (3)

1. Ombimbiliya otyiawa tyimwe tyokwakolela tya Huku. Ikahi ngo mukanda umwe he wokuna eholelo ahonekela kovana vae. Itutolela otyili kombinga ya Huku ​—⁠ oe olye nokutuwa kwae. Ihangununa oñgeni ovitateka vipunguhunwa noñgeni ehambu lyotyili lipondola okuvahiwa. Ombimbiliya oyo vala itutolela etyi tuna okulinga opo tuhambukiswe Huku.​—⁠Salmo 1:​1-3; Isaías. 48:​17, 18.

2. Ombimbiliya yahonekwa novalume vehika ko 40 mokwenda kwo 1.600 yomanima, okupolelela mo 1513 P.K.E. Ina 66 yomikanda omitutu. Vana vokwahoneka Ombimbiliya vatumwa na Huku. Ovo vahoneka omalusoke ae, kavahonekele avo mwene. Ngotyo Huku keulu, oe omwene Wombimbiliya, hayomunthuko pano pohi.​—⁠2 Timóteo 3:​16, 17; 2 Pedro 1:​20, 21.

3. Huku watala nawa okuti Ombimbiliya ipitaululwa okuhonekwa nokwelipwa, nokuiyunga nawa. Kwalingwa vali unene Onombimbiliya tyipona omukanda umwe omukwavo. Haavehoko mavakahambukwa mokutala okuti ove ulilongesa Ombimbiliya, anthi uhayekelele okuti vekutalameka. Mokonda, opo ukale nomwenyo waapeho komutwe wandyila, una okuiwa Huku nokulinga evangelo lyae namphila pena oundyale.​—⁠Mateus 5:​10-12; João17:⁠3.