Onondyale mba Huku Ovalie?

Satanasi Eliapu ondyale onene ya Huku. Satanasi oandyu yatetekela okuanya ovitumino via Yehova. Satanasi ukahi nokutualako nokuluisa Huku, nokuetela ovanthu ovitateka ovinene. Satanasi omukalavi. Onkhembi, tupu wipaa.—João 8:44.

Onoandyu ononkhuavo mbelipaka kumue na Satanasi okutyitukilapo Huku. Nga Satanasi, onoandyu ombo onombi nambo onondyale mbovanthu. Mbutyihole tyokulinga ovanthu omapita. (Mateus 9:32, 33; 12:22) Apa katutu Yehova makanyimako Satanasi nonoandyu mbae onombi.—Revelação 12:12.

Inkha uhanda okukala epanga lia Huku, uhalinge etyi Satanasi ahanda. Satanasi nonoandyu mbae onombi onondyale mba Yehova. Tupu vahanda noove ukale ondyale ya Huku. Ngotyo, ove una yokukoya pokati ka Yehova na Satanasi, olie uhanda okuhambukiswa. Inkha uhanda omuenyo waapeho, una yokulinga etyi Huku ahanda. Satanasi una omaliva omanyingi okuyapula ovanthu. Ovanthu ovanyingi vekahi nokuwila momaliva ae.—Revelação 12:9.