ONTHELE 6

Ombila Onene Itulongesa-tyi?

Huku wahanyene-ko onondingavivi, ahupisa Nowee nombunga yae. Ehimbikilo 7:11, 12, 23

Otyikasa tyili kombanda yomaande, ovanthu vokulinga ovivi, veli nokweenda nomaande, onoandyu mbelityitula ovilulu

Ombila yalokele ovitenya 40 novinthiki 40, ohi aiho aiyula omaande. Ovanthu aveho onondingavivi vankhile.

Onoandyu mbokwahula ku Satanasi ambulityitula ovilulu.

Ovo Nowee nombunga yae, novinyama vatunda motyikasa, keulu kumonekela omuvia wonkhongolo

Vana vokwali motyikasa avahupu. Etyi pahe pakala, ovo Nowee nombunga yae avankhi, mahi Huku mekevetutilisa avakakala-ko umwe apeho.

Huku makahanya-ko vokulinga ovivi, ahupisa vokulinga oviwa. Mateusi 24:37-39

O Satanasi novilulu viae vahongilinya ovanthu okulinga ovipuka ovivi

Satanasi novilulu viae, nkhele veli ñgoo nokuyondya ovanthu.

Ngopononthiki mba Nowee, ovanthu ovanyingi hono, kavahande okutavela Siovaa. Apa katutu Siovaa makahanyauna-ko onondingavivi ambuho. — 2 Petulu 2:5, 6.

Onombangi mba Siovaa vekahi nokulongesa omulume umwe Ombimbiliya; omulume uli nokutanga Ombimbiliya

Hono kuna vanthu vamwe vekahi nga Nowee. Vetavela Huku nokulinga etyi apopia. Ovanthu ovo Onombangi mba Siovaa.