Oityi Tyipondola Okutukalesa Nehambu Mombunga?

ETYI OMBIMBILIYA IPOPIA

“Vahambukwa ovava vatehelela ondaka ya Huku avalingi etyi veiva!” — Luka 11:28, Ombimbiliya Ikola.

OTYO OTYIWA MOKONDA YATYI?

Mokonda matyimukwatesako okulihumba. — Ova Efesu 5:28, 29.

Matyimukwatesako okulilinga unene onthilo. — Ova Efesu 5:33.

Matyimukwatesako okulikwata-po tyeheliyeke. — Maluku 10:6-9.

OKUTI TUPONDOLA UMWE OKUYUMBA ONTHUMBI MWEETYI OMBIMBILIYA IPOPIA?

Yoo, pena ovipuka vivali vituyumbisa-ko onthumbi:

• Huku oe Wauka ombunga. Ombimbiliya ipopia okuti o Siovaa Huku “upa enyina ombunga aiho.” (Ova Efesu 3:14, 15) Ngokuti, kouye kuna vala ombunga mokonda o Siovaa wetyihanda. Otyipuka otyo otyinene. Omokonda yatyi?

  Soka ñgeno walia okulia kumwe kwapepa nawa, pahe ñgeno noove wahanda okuteleka okulia ngooko. Oityi molingi, kumakapula ou wekuteleka? Otyo umwe molingi.

  Haityo ñgoo, noonthwe tuna okutehelela kweetyi Omuhindi wombunga metutolela opo tukale nehambu mombunga. — Ehimbikilo 2:18-24.

• Huku wesuka noove. Ovanthu ovanongo, vatala vala mu Siovaa evetolele etyi tyaviuka. Omokonda yatyi? ‘Mokonda una usuka noonthwe.’ (1 Petulu 5:6, 7) Siovaa usuka umwe unene noove, evi apopia aviho okuvilinga tukala umwe nawa! — Omihe 3:5, 6; Isaiya 48:17, 18.