Watchtower OMBIMBILIYOTEKA
Omutala Womulavi
OMBIMBILIYOTEKA ONLNE
Nyaneka
  • OMBIMBILIYA
  • OMIKANDA
  • OMALIONGIYO
  • jy okap. 92 pp. 216-217
  • Ekwi Vavelulwa Otyilundu, Mahi Wike Vala Wapandula

Naike ovindiu iyeemba ku otyo

Tala mukwe pena etyi tyahaendele movindiu

  • Ekwi Vavelulwa Otyilundu, Mahi Wike Vala Wapandula
  • Sesusi — Ondyila, Otyili, Omuenyo
  • Tyelifwa
  • Sesusi Ulinga Ovipuka Vihuvisa
    Lilongesila Komahipululo Ombimbiliya
  • Lityilika Ovipuka Vitalukisa “Monthiki Ino Yonondaka Onongwa”
    Omutala Womulavi Wivisa Ouhamba Wa Jeova—2009
  • “Lekesei Olupandu”
    Ovilinga Vietu Viouhamba—2008
  • Nokankhenda Wahakula Omunthu Una Otyilundu
    Sesusi — Ondyila, Otyili, Omuenyo
Tala vali
Sesusi — Ondyila, Otyili, Omuenyo
jy okap. 92 pp. 216-217
Wike povanthu ekwi votyilundu Sesusi avelula, ukondoka opo ekemupandule

OKAPITULU 92

Ekwi Vavelulwa Otyilundu, Mahi Wike Vala Wapandula

LUKA 17:11-19

  • SESUSI UVELULA OVANTHU EKWI VENA OTYILUNDU

Opo Vombonge onene yova Sundeu vehemiupae, Sesusi aende no kempunda-umbo lyo Efalaii, kokulio kwo Selusalei. Akakala novalongwa vae, kokule nonondyale mbae. (Suau 11:54) Mahi mokonda omuvo wo Pasikwa yenima 33 P.K. ankho ukahi popepi, Sesusi ankho malingi vali oungendi. Sesusi akuate mo Samaliya, aende ko Ngalileya, iya otyo otyikando tyahulilila-ko atalela-po otyilongo otyo pu etyi eheneipawe.

Konthyimbi youngendi wae, etyi Sesusi ankho ekahi nokueenda pomaumbo amwe, avasi ovanthu ekwi ankho vena otyilundu. Ouvela oo pamwe utipula katutu-katutu ononthele mbumwe kolutu luomunthu, ngominwe vyo komavoko, no vyo konomphai, nomakutwi. (Números 12:10-12) Ovitumino vya Huku ankho vipopia okuti omunthu una otyilundu una okupopila peulu okuti: “Nasila, nasila!” tupu ankho una okukala aike. — Levítico 13:45, 46.

Mokonda yotyo, ovanthu ovo ekwi, ankho vakalela kokule na Sesusi. Mahi avalaveleya okuti: “Sesusi, mulongesi, kala-vo nokankhenda no onthue!” Etyi evemona, evetumu okuti: “Endei kelilekesei kovanakwa.” (Luka 17:13, 14) Etyi evetuma okulinga ngotyo, ankho walekesa okuti una onthilo Novitumino vya Huku, ankho vipopia okuti omunakwa oe upopila wotyilundu okuti wahakuka kotyilundu putyina amaveluka. Konyima, pahe vapondola okukala kumwe na vakuavo vahavelele. — Levítico 13:9-17.

Sesusi wavasa ovanthu ekwi vokuna otyilundu

Ovanthu ovo ekwi ankho vena onthumbi mepondolo lya Sesusi liokulinga omahuviso. Moluotyo, avaende kovanakwa pu etyi nkhele vehenevelulwe. Putyina ankho vekahi mondyila, avayambwa mokonda yonthumbi ankho vena mu Sesusi. Tyina vakati ñgaa, vekahi nawa iya veliivite nawa vakongoka!

Etyive vokuavelulwa otyilundu avaende nondyila yavo. Mahi wa tyekwi ahaende. Omulume oo, omu Samaliya, akondoka okukaovola Sesusi. Omokonda yatyi? Ankho ukapandula etyi Sesusi emuvelula. Omulume oo ankho wokuna otyilundu “ankhimaneka Huku nondaka yakaluluka,” mokonda wanoñgonoka okuti o Huku wemuhakula. (Luka 17:15) Etyi avasa Sesusi, aikila konongolo komutwe wae, emupandula.

Sesusi apopila vana ankho ekahi navo ati: “Aveho ekwi vaveluka, hatyo-ko? Iya ovakuavo etyive veli-pi? Nawike vali wakondoka opo ankhimaneke Huku, omulume ou vala wotyilongo otyikuavo?” Konyima Sesusi apopila omu Samaliya, ati: “Katuka enda, ekolelo liove liekukalesa nawa.” — Luka 17:17-19.

Etyi Sesusi avelula ovanthu ovo ekwi votyilundu, walekesa okuti ukahi nokukuateswako na Siovaa Huku. Pahe wike puvo wahakulwa na Sesusi, tupu tyafuile avasi ondyila yomuenyo. Onthue hono katukahi vali pomuvo Huku aundapesa Sesusi opo avelule ovanthu. Mahi, inkha tukala nekolelo mu Sesusi, tupondola okukala mondyila ituala komuenyo, omuenyo wahapu. Okuti tukahi nokulekesa okuti tuapandula, ngomulume oo omu Samaliya?

  • Opi Sesusi aile nako opo vehemuipae?

  • Oityi ovanthu ekwi votyilundu ankho vakalela kokule na vakuavo? Iya oityi Sesusi evetuminine okuenda kovanakwa?

  • Oityi tulilongesila ku etyi tyaendele nomu Samaliya?

    Nyaneka Publications (1998-2026)
    Lupukamo
    Nyingila
    • Nyaneka
    • Tuma
    • Likoyela
    • Copyright © 2025 Watch Tower Bible and Tract Society of Pennsylvania
    • Etyi Tyilingwa Pokunyingilamo
    • Etyi Munyingilwa
    • Etyi Tyilingwa Pokunyingilamo
    • JW.ORG
    • Nyingila
    Okutuma