Oityi Tyikukalesa ‘Nehambu’?
1. Oityi tyitukalesa nehambu tyina kese hanyi ipwa?
1 Tyina ohanyi ipwa iya aveho vaitwa opo vaave olelatoliu yovilinga viavo viokuivisa, ove ‘oityi tyikukalesa nehambu’? (Gál. 6:4) Tyilinge tuvakokoli-ndyila vavilapo tuundapa onoola 130, ine tuvaivisi vapondola okuava ono minutu 15, atuho tupondola okuhambukwa mokonda tualingila Jeova nomuenyo wetu auho.—Sal. 100:2.
2. Oityi tuesukisila okulinga ononkhono movilinga via Jeova?
2 Mokonda Jeova Ohamba Yavilapo Tatekulu youye auho, watokala okupewa otyipuka otyiwa vali tuna. (Mal. 1:6) Mokonda yohole tuna nae, tuapakula omienyo vietu opo tulinge ehando liae. Ngotyo, tyina onthiki ipwa ine ohanyi, inkha tuna onthumbi yokuti tuaava ‘otyiwa vali’ pomuvo wetu, nounongo wetu, nononkhono movilinga via Jeova, kese umwe una ehunga liokuhambukwa. (Pro. 3:9) Anthi, inkha omutima wetu utupopila okuti ankho tupondola okulinga vali unene, iya tuesukisa okusoka oityi matulingi opo tuundape vali.—Rom. 2:15.
3. Okuti okulieleka na vakuetu ounongo?
3 ‘Uhelieleke Nomunthu Mukuenyi’: Okulieleka na vakuetu ine o netyi tualingaile puetyi ankho tuna ononkhono, haunongo ko. Ononkhalelo mbupilauluka. Ounongo welihilaila. Okulieleka na vakuetu apeho tyituala kokulilola ine okulitala ngatyina tuhasilivila. (Gál. 5:26; 6:4) Jesus kaelekele ovanthu navakuavo. Anthi, oe ankho upanda etyi kese omunthu evila okulinga.—Mar. 14:6-9.
4. Oityi tyakolela tulilongesila konthengele-popia ya Jesus yonokondu?
4 Monthengele-popia ya Jesus yonokondu, kese muundapi watambula onokondu ‘mbatokala mounongo wae.’ (Mat. 25:15) Etyi omuhona akondoka waita kese umwe olelatoliu yovilinga viae. Vana vaundapa nombili yatokala mounongo wavo no monkhalelo yavo, vapandulwa iya avanyingila mehambu liomuhona wavo. (Mat. 25:21, 23) Nonthue tyina tulinga ononkhono movilinga viokuivisa Ouhamba wa Huku, tupondola okukala nonthumbi yokuti Huku metupandula, iya atukala nehunga liokuhambukwa!