OMUENYO WETU WOUKRISTAU
Kalako Pala Okulinga Ehando lia Jeova!
Omuenyo otyiawa tyakolela unene. Onkhalelo tuundapesa omuenyo wetu kese nthiki mailekesa inkha tuapandula otyiawa otyo. Mokonda Tunombangi mba Jeova tulinga ononkhono mbokuundapesa ounongo wetu pala okunkhimaneka Jeova, mokonda oe Wetuavela Omuenyo. (Sal. 36:9; Apo. 4:11) Omasuka-suka tukala nao ononthiki ambuho mouye uno wovivi pamwe apondola okutulunda okuovola omalumono. (Mar. 4:18, 19) Kese umwe ponthue wesukisa okulipula okuti: ‘Okuti ndyikahi nokuavela Jeova atyiho ndyina? (Ose. 14:2) Okuti ovilinga viange vimpha omuvo wokuundapa movilinga via Jeova? Oityi ndyihanda okulinga movilinga via Jeova? Oñgeni ndyipondola okuundapa vali unene movilinga via Jeova?’ Inkha waimbuka okuti wesukisa okulinga omapiluluko, likuambela ku Jeova oiti ekuateso iya olingi omapiluluko esukisa. Tyotyili, okulinga ehando lia Jeova kese nthiki tyituhambukiswa unene!—Sal. 61:8.
Olie ove ukahi nokuavela ounongo wove?
TALEI O VIDIU YATI UNDAPESA OUNONGO WOVE PALA JEOVA IYA AMUKUMBULULA OMAPULO AA:
Omokonda yatyi ha-nondunge okuundapesa ounongo wetu pala ouye wa Satanasi? (1 João 2:17)
Ononkhano patyi onongwa mbupewa vana vaavela Jeova atyiho vena?
Omononkhalelo patyi ove upondola okuundapesa ounongo wove movilinga via Jeova?