Okuyawisa Ounongo Wetu Wokuivisa​—Mokukuatesako Una Tuatunda Nae

Tyakolela Omokonda Yatyi: Jesus walekesa okuti tyakolela okuivisa vevali-vevali. Etyi atuma ovalongwa 70 opo vakaivise nae, avapiti komutwe, wevetepulilile vevali-vevali. (Luc. 10:1) Okuenda vevali mulikuatesako tyina umwe amavasi otyitateka ine una epulo ehevilile okukumbulula. (Ecl. 4:9, 10) Upondola upopia onongeleka nokuava onondonga mambukuatesako una vekahi nokuundapa nae akala omuivisi omunongo. (Pro. 27:17) Tupu upondola okupola ondundo ketompho lipameka valinga tyina vaivisa.​—Fil. 4:8.