“Nalumwe Vali Nemuvasile Meumbo”

Wapopiliale onondaka ombo konthele yomunthu umwe walekesile esuko pahe kukahi nokumuvasa? Namphila wakondaukako ehimbwe okukatalelapo omunthu, mahi kukahi nokutyivila okutapelela ombuto yotyili wakunine. (1 Cor. 3:6) Pamwe, ovaivisi vamwe ovanongo vahonekela omikanda ovanthu vehekahi nokuvasa meumbo avevisi pepito. Ovaivisi vamwe mokonda yokusoka okuti hamwe omunthu kamavemuvasi peumbo, vemuita ombalulo yae yotelefone mokumupula okuti: “Ove uhole okuhoneka onomesase?” Tyina tuvehonekela omikanda ine omo kombutador, ine okumuihana no telefone tupondola okuvalula okuti tuemutalelapo. Alo umwe inkha omunthu katukahi nokumuvasa peumbo, tyitavela okupameka esuka liae.