Okuyawisa Ounongo Wetu Wokuivisa—Okuava Omukanda Ombimbiliya Ilongesa

Tyakolela Omokonda Yatyi? Omukanda Ombimbiliya Ilongesa, otyiti tyotete poviti vietu tulongesa navio. Mahi, tyina nkhele uhenehimbike okulongesa nao omunthu, tete nkhele tuna okumuavela wae. Moluotyo, atuho tuna okukala ovanongo, opo tutyivile okuava omukanda Ombimbiliya Ilongesa movilinga viokuivisa. (Pro. 22:29) Kuna ononkhalelo ononyingi tupondola okuundapesa omukanda oo, ovaivisi vapondola okuundapesa etyi tyeveviukila.

Linga Ñga:

Upondola okuholovona epulo limwe pomapulo okonthyimbi yokapitulu. Tyina omunthu a makumbulula epulo wemulinga, mutangela o testu yelikuata netyi muapopia, konyima omulekesa opalagrafu ikumbulula epulo olio. Tupu mupondola okutomphola vali katutu nomunthu oo.
Mongeleka, upondola okupopia konthele yovivi vikahi nokumoneka vipopiwa mo laliu, nomo televisau, iya omupopila okuti okutala ekumbululo liepulo likahi pefo 3, tyihuvisa unene. Okuti hatyo, upondola okupopia okuti, ukahi nokutalelapo ovanthu opo uvepopile ovipuka oviwa mavikamoneka komutwe. Konyima omulekesa omalutalatu ekahi pefo 4-5, opulu okuti: “Omulao patyi weete apa wahanda ñgeno ufuisuapo?” Onkhalelo onkhuavo tupu, okupopia okuti ukahi nokukuatesako ovanthu vanoñgonoke omakumbululo omapulo esukisa unene momuenyo. Pahe omulekesa omapulo ekahi pefo 6, omupulu olipi esuka vali nalio.
Upondola okupopia ñgaa: “Onthue tukahi nokulekesa ovanthu tukala navo pomaumbo etu omukanda utukuatesako okulilongesa Ombimbiliya. Okuti weumueneale omukanda ou? [Yeka akumbulule.] Ankho una omuvo, ame ndyipondola okukulekesa oñgeni upondola okulilongesa Ombimbiliya nomukanda ou.”

Tyilinga Mokueenda Kuohanyi:

Pilulula onkhalelo upopia ankho kaikuatesako ovanthu.