Okuyawisa Ounongo Wetu Wokuivisa​—Okusapo etyi mamuya vali okupopia

OMOKONDA YATYI TYASUKISILA:

Tyasukisa mokonda onthue tuhanda tyina tuamakuno ombuto yotyili atuitapelela. (1 Cor. 3:6) Tyina tuamavasi omunthu una esuko, tusapo epulo matuya okukumbulula tyina tuamakodoka vali. Otyo tyikuatesako omulongwa okukala nehando liokutukevela iya nonthue tyitukuatesako okulongesa monkhalelo yapepuka. Tyina haa tuendako vali tupondola okupopia okuti, tueiya okukumbulula epulo tuekusilile.

TYILINGWA ÑGENI:

• Tyina tupongiya etyi matukapopia movilinga viokuivisa umbo-na-umbo, tupu otyiwa okufuiika ekumbululo liepulo tuasilepo opo tukemukumbulule tyina tuamakondokako vali. Pamwe tyihanda okuovola ekumbululo momukanda tuemuavela. Okuti hatyo, otyiwa okuovola momukanda umwe tulongesa nao omutuailao.

• Tyina muamamanuhula okutonphola nomunthu walekesa esuko, mupopila okuti ove uhanda okumukuatesako okulilongesa Ombimbiliya iya omupopopila epulo wafuiika. Muita ombalulo yotelefone yae inkha tyitavela.

• Tyina wamemulae onthiki mokondokako vali, endako umwe ngetyi walaele.—Mat. 5:37.