“Humba Ho na Nyoko”

Puetyi Jesus ankho eli pano pohi wapopile okuti: “Humba tate yove na me yove.” (Êx. 20:12; Mat. 15:4) Jesus wapopile onondaka ombo, mokonda “watuaileko okutavela” ko votate yae puetyi ankho omututu. (Luc. 2:51 okatoi.) Etyi pahe ekula, akala nonthumbi yokuti me yae mesukisa okukuatesuako putyina ngwe amankhi.—João 19:26, 27.

Mononthiki mbetu, ovakuendye vaumbila Huku vetavela kovohe iya vapopia navo nonthilo, valekesa okuti vevehumba. Tyotyili, otyitumino tyokuhumba ovotate yetu tyitualako. Namphila ovo tate yetu vakulupa, mahi no ngotyo tuna okutualako okuvehumba nokuvetavela opo tupole ouwa kounongo wavo. (Pro. 23:22) Onthue tupu tuhumba ovo tate yetu tyina tuvekuatesako muetyi vesukisa. (1 Tim. 5:8) Tyilinge tuvakulu ine nkhele tuvana, okutualako okutomphola novo tate yetu, onkhalelo imwe ongwa yokuvehumba.

TALA O VIDIU YANTHIDWA YATI: OÑGENI NDYIPONDOLA OKUTOMPHOLA NOVO TATE? IYA KONYIMA AMUKUMBULULA OMAPULO AA:

• Omokonda yatyi pamwe tyipuilisila okutomphola novo tate yove?

• Oñgeni ove upondola okulekesa onthilo tyina upopia novo tate yove?

• Omokonda yatyi wesukisila okulinga ononkhono tyina upopia novo tate yove? (Pro. 15:22)