Okuundapela Kumwe Mokuivisa Motelitoliu Mupopiwa Omalaka Omanyingi

Ovanthu ovanyingi vatehelela vali nawa onondaka Mbouhamba tyina vapopilwa melaka liavo muene. Tyafuile hamwe otyo mo Pendekoste yo 33 P.K Jeova alingile ehuviso opo “ova Judeu vatunda movilongo vielikalaila” veive onondaka onongwa “melaka liavo muene,” namphila ankho elaka lipopiwa vali unene olio Hebreu ine Gregu. (Atos 2:5, 8) Hono ponomphangu papopiwa omalaka omanyingi, omawaneno eliongiya momalaka elikalela iya pamwe vapondola okuivisa motelituliu ike. Oñgeni ovaivisi mewaneno vapondola okulipakela-mo opo vakaivise aveho iya velityilika okuwana-wana pomaumbo vaivisa opo velityilike okunumanesa ovanthu.

• Okulipakela-mo (Pro. 15:22): Ovakulu Vovilinga vena okulipakela-mo na vakuavo opo vavase onkhalelo ikahi nawa yokuivisa onondaka onongwa maikuatesako aveho momawaneno. Inkha otelitoliu onthutu, omawaneno okuivisa momalaka omakuavo apondola okutokola okuhakuate pomaumbo ovanthu vapopia elaka ekuavo ekahi motelitoliu yavo. Mahi, inkha kavetyivili okuundapa motelitoliu aiho mokonda onene, hamwe vatokola okuhasipo eumbo nalike mahi inkha vavasa omunthu walekesa esuko vapopila omukulu wovilinga. (Organizados pefo 93 § 37) Ine pamwe vapondola okuita ewaneno lienyi likuateseko okuvasa ovanthu vapopia elaka liewaneno liavo iya vapondola okutumwa kotelitoliu yavo. (Ovilinga Vietu Viouhamba 07/12 pefo 5 okakasa) Hinangela okuti, pamwe meumbo like mupondola okukala ovanthu vapopia omalaka elikalaila. Tupu tyesukisa okutavela ovitumino vyo potyilongo muivisa ovanthu vapopia elaka ekuavo.

• Okuundapela kumwe (Efé. 4:16): Landula nawa kese ehongolelo upewa nomukulu wovilinga. Okuti una ulongesa Ombimbiliya uhanda okulilongesila melaka lielikalela noliewaneno lienyi? Omulongwa mekulu vali liwa motyili inkha wenda mewaneno ine okotyikundyi tyipopia elaka liae tyikahi vali popepi na apa akala.

• Lifuiika (Pro. 15:28; 16:1): Inkha uvasa omunthu upopia elaka ekuavo motelitoliu wivisa, linga ononkhono mbokuava oumbangi. Tyina uheneende movilinga viokuivisa lifuiika mokonda upondola okuvasa ovanthu vapopia elaka ekuavo potelitoliu wivisa, ngotyo pola mo site Onondonga Mbombimbiliya no novidiu notelefone yove. Upondola okuundapesa JW Language opo ulilongese okukukunya momalaka amwe.