Kala Nokankhenda

Okankhenda oputyina mukuetu ametupopila etyi asoka, netyi tyili momutima wae, netyi esukisa, onthue atulingi ononkhono mbokunoñgonoka etyi eli nokutupopila. Okankhenda katuka komutima, iya vakuetu vetyimona tyina tuevetehila-mo okankhenda. Tyina tuna okankhenda movilinga viokuivisa, ovanthu vetyimona okuti Siovaa uvehole iya wesuka navo. Otyipuka otyo tyina ovanthu vametyimono, mavahande okufenda Siovaa. — Fili. 2:4.

Hakuti tukala vala nokankhenda putyina tulongesa ovalongwa vetu. Omunthu wokankhenda utalelwa konkhalelo atehelela vakuavo, no konkhalelo elivia-via tyina apopia, no kotyipala tyae. Mongeleka, tyina tulinga ononkhono mbokunoñgonoka nawa omunthu umwe, etyi ehole, netyi etavela, no ñgeni omuenyo wae ukahi, ngotyo tuna okankhenda. Tyina tuamemunoñgonoka nawa, tuesukisa okumukuatesako, mahi atuhemukuluminya okupiluluka. Iya tyina ovanthu vetavela tuvekuateseko, tuhambukilwa vali ovilinga viokuivisa.

TALA OVIDIU YATI: KALA NEHAMBU MOVILINGA VIOKULINGA OVALONGWA — YAWISA OUNONGO WOVE WOKULONGESA — KALA NOKANKHENDA. OKUMBULULA OMAPULO AA:

• 

  Oityi Nita alinga etyi Jade aseta?

• 

  Oñgeni Nita akala etyi Jade emupopila okuti kamatyitavela velilongese mokonda waponwa?

• 

  Oityi Nita alinga etyi Jade emupopila okuti ovipuka viae uvisa vala ombuandya?