Vakai — Lingei Ononkhono Mbokuundapa Vali Unene Movilinga vya Siovaa!

Ovakai meongano vehole okuundapela unene Siovaa. (Sal. 68:11) Mongeleka, valongesa ovanthu ovanyingi Ombimbiliya. Ovakokoli-ndyila ovanyingi vali meongano, ovakai. Nkhele vamwe vaundapa mo Mbetele, ovakuavo vatumwa vakaivise kovilongo ovikuavo. Vamwe vaundapa movilinga viokutunga, ovakuavo vakuatesako ovilinga viokupitiya omikanda vietu. Ovakai vokuapama motyili vakuatesako ovanthu womeumbo liavo, novo mewaneno. (Pro. 14:1) Tutyii umwe nawa okuti ovakai kavapondola okukala ovakulu vewaneno, novakuatesiko vovakulu vewaneno, mahi no ngotyo vena ovipuka vimwe vapondola okulinga opo vakuateseko ewaneno. Ine umphange, ovipuka patyi upondola okulingila Siovaa?

• Okulinga ovipuka viomunthu uhole Huku. — 1 Tim. 3:11; 1 Pet. 3:3-6.

• Okukuatesako ovakai vakuenyi mewaneno vahanoñgonokele nawa ovipuka. — Titu 2:3-5.

• Okuundapa vali unene movilinga viokuivisa, nokulinga ononkhono mbokulongesa vali nawa.

• Okulilongesa okupopia elaka ekuavo.

• Okuilukila kotyilongo tyimwe tyesukisa ovaivisi.

• Okuhoneka omukanda wokuita ukaundape mo Mbetele, no movilinga viokutunga.

• Okuhoneka omukanda wokuita ukalongeswe Mosikola Yovaivisi Vouhamba.

TALA OVIDIU YATI: “OVAKAI VAUNDAPA UNENE MU TATEKULU.” OKUMBULULA EPULO ELI:

• Oñgeni etyi kese mphange apopia tyekukuatesako?