Movilinga Viokuivisa — Himbikila Kovipuka Vili Nokumoneka

Sesusi tyina alongesa, ankho upopia ovipuka viandele-po viiwe novanthu aveho. (Luka 13:1-5) No ove upondola okulinga nga Sesusi movilinga viokuivisa opo ovanthu vakale nolumbwe avekutehelela etyi mopopi. Tyina wamavasi omunthu, upondola okupopia ovikulia vialia okalu, novilwa, novihuna, novanthu vetyiliya unene omapangwe. Pahe omupulu ngetyi: “Okuti nthiki imwe matukati umwe ñgaa, otyipuka otyo kouye katyi-ko vali?” Okuti hatyo, opulu okuti: “Tyina usoka, opo otyipuka otyo tyipwe-ko kouye, oityi tyina okulingwa?” Tyina omunthu amapopi etyi asoka, omutangela otesitu yayemba ku etyi wemupula. Ine watala ñgaa omunthu uli nokukutehelela nawa, mulekesa ovidiu, oo muavela omukanda umwe uli Moviti Vietu Viokulongesa. Tulingei ononkhono, movilinga viokuivisa atupopila ovanthu etyi matyivekuatesako. Mokulinga ngotyo, tuli nokulinga “ovipuka aviho mokonda yonondaka onongwa.” — 1 Kol. 9:22, 23.

Tyina usoka, oityi weete okuti okutyipopila ovanthu movilinga viokuivisa, mavakala nolumbwe avekutehelela?