Okuyawisa Ounongo Wetu Wokuivisa — Okupilulula Onkhalelo Yetu Yokuivisa

OMOKONDA YATYI TYAKOLELA: Ovalembulwa nonongi ononkhuavo vekahi nokukonga ovanthu vatyo aveho opo veye okutambula “otyali omeva omuenyo.” (Ehol. 22:17) Omeva oo alekesa ovipuka aviho Siovaa aava opo ayovole ovanthu ovataveli konkhali no kononkhia. Opo tukuateseko ovanthu vena omalongeso avo, tuna okupopia “onondaka onongwa mbahapu” monkhalelo ikuatesako kese munthu okuhika komutima wae. — Ehol. 14:6.

TYILINGWA ÑGENI?:

• Holovona osapi no tesitu maikukuatesako okuhika komitima viovanthu motelitoliu yove. Holovona osapi maikukuatesako okuivisa nawa. Onotesitu patyi ovanthu vesuka vali nambo? Oityi tyikalesa vali nolumbwe ovanthu? Oityi tyikalesa vali nolumbwe ovakai novalume?

• Tyina wivisa kukunya monkhalelo ikukunyua potyilongo tyenyi. — 2 Kol. 6:3, 4

• Noñgonoka omikanda vietu no novidiu mbuli Motyipapo Tyetu Tyokulongesa opo utyivile okupopia nomunthu una esuko.

• Pola mo site yetu ovipuka vimwe viomalaka upondola okuvasa motelitoliu yenyi.

• Pilulula etyi mopopi okutalela kuetyi ovanthu vesuka vali natyo. (1 Kol. 9:19-23) Mongeleka, oityi upondola okupopia inkha unoñgonoka okuti omunthu umwe wankhisa wae?

TALA OVIDIU, IYA KONYIMA AMUKUMBULULA OMAPULO AA:

• Oñgeni ovakuatate vahimbika okutomphola novanthu?

• Oityi tyimoneka momienyo viovanthu?

• Movikando evi vivali, otyipi alongesa nawa no tesitu iya omokonda yatyi?

• Oñgeni tupondola okupilulula onkhalelo tupopia novanthu movilinga viokuivisa motelitoliu yetu?