Mu Setembro Matulingi Okambanya Kapopia Ouhamba wa Huku!

Mohanyi ya Setembro, matulingi ononkhono mbokuivisa unene, okupopila ovanthu okuti Huku oe vala meya okumanako ovitateka viovanthu. (Mat. 24:14) Mohanyi oyo, linga ononkhono mbokutangela ovanthu otesitu ipopia oviwa Huku makalingila ovanthu. Inkha utala okuti omunthu uhanda okulongeswa, muavela Omutala Womulavi wounyingi No. 2 wo 2020. Tyina wamakondoka-ko vali, upondola okuhimbika okumulongesa momukanda Kalako Nomwenyo Apeho! Vana mavakala ovakokoli-ndyila vapola pokati mohanyi ya Setembro, vapondola okulinga onoola 15 ine 30.

Apa katutu, Ouhamba wa Huku mauya okuhanyako omautumini aeho emutyitukilapo. (Dan. 2:44; 1 Kol. 15:24, 25) Ei omphitilo tuna yokulekesa okuti tuahula ku Siovaa, no Kouhamba wae. Ngotyo, undapa nombili movilinga viokuivisa mohanyi oyo!