Soka Etyi Molingi Ukakale Nawa

Omanima 3.500 konyima, Siovaa wapopilile ovaumbili vae etyi vena okulinga opo vakale nomuenyo omuwa komutwe wandyila. Wevepopilile okuti: “Nemupakela omuenyo nononkhia, nononkhano onongwa nehingano; koya-po omuenyo ukakale nomuenyo kumwe novana vove.” — Deuteronômio 30:19.

Opo ovanthu va Huku vakakalele nomuenyo ukahi nawa, ankho vena okusoka nawa etyi mavalingi. No onthue hono, otyo tuna okulinga. Ombimbiliya ipopia oñgeni tuna okutyilinga, yati: “Humba Siovaa Huku yove, nokutehelela ondaka yae.” — Deuteronômio 30:20.

OÑGENI TUPONDOLA OKUHUMBA SIOVAA NOKUTEHELELA ONDAKA YAE?

OKULILONGESA OMBIMBILIYA: Opo uhumbe Siovaa, wesukisa okulilongesa etyi Ombimbiliya ipopia konthele yae. Ine utyilinga momono okuti Siovaa una oluembia, uhanda okukukuatesako. Tupu wati likuambela kwe mokonda ‘ngwe wesuka no ove.’ (1 Petulu 5:7) Ombimbiliya ipopia okuti ine ulinga ononkhono mbokukala epanga liae, ‘nae mafuene ku ove.’ — Tiaku 4:8.

ENDELA MUETYI WELILONGESA: Okutehelela Huku, okuendela muetyi welilongesa mo Mbimbiliya. Ine utyilinga, “ovipuka molingi moviendeka nawa okala omunongo.” — Josué 1:8.