Okuti Ove Utyihinangela?

Okuti welilongesa Omitala Viomulavi aviho vienima lino? Ine welilongesa-vio, tala ine utyivila okukumbulula omapulo aa:

Oñgeni Tuna Okutala Ovalembulwa?

Onthue tuhetekela ekolelo liavo, mahi katupondola okuvetala ngatyina ovanene vali. Tulityilika okuhuvila ovalembulwa. (Sunda 16) Katupondola okulinga omapulo ayemba kekevelelo liavo. — w20.01, pefo 29.

Oñgeni upondola okukala nonthumbi yokuti Siovaa ukueete?

Ombimbiliya ipopia okuti Siovaa wesuka no ove, atee umwe puetyi uhenetyitwe. Utehelela omalikuambelo ove. Siovaa wii nawa omalusoke ove netyi tyikahi momutima wove. Ovipuka ulinga vipondola okumuhambukiswa ine okumunumanesa. (1 Crô. 28:9; Pro. 27:11) Siovaa wekukokela kwe. — w20.02, pefo 12.

Onongeleka patyi mbulekesa onalupi tuna okupopia, no onalupi tuhapondola okupopia?

Onthue tupopia tyina tupopila vakuetu konthele ya Siovaa, natyina tumona okuti mukuetu ukahi nokulinga otyipuka matyimulingisisa onkhali. Tupu ovakulu vewaneno vapopia tyina vamona okuti omukuatate umwe wesukisa okupakelwa-mo. Katupondola okupopia tyina tupulwa oñgeni ovakuatate vekahi nokuivisa, nokuliongiya kovilongo oku ovatumini vailika ovilinga vietu. Natyina twii ovipuka viewaneno vihapondola okupopiwa. — w20.03, pomafo 20-21.

Oñgeni ovimphunia-mphunia viapopiwa na Joel kapitulu 2 vielikalela no viokuapo- piwa me Eholololo kapitulu 9?

Joel 2:20-29, ipopia okuti Huku makataatela kokule ovimphunia-mphunia iya akakondolela etyi ovimphunia-mphunia vianyona. Konyima evenengulila ononkhono mbae. Omaulo oo afuiswapo puetyi omafualali ova Mbambilonia ahanyako o Selusalei no puetyi Huku anengulila ononkhono mbae kovanthu vae mo pendekoste. Ovimphunia-mphunia viapopiwa me Eholololo 9:1-11, vilekesa ovalembulwa vatualako okuivisa nomutima wakola okuti ouye uno mauya okuhanyuako. Tyina ovanthu vameivi onondaka ombo vanumana, nokutila owoma. — w20.04, pomafo 3-6.

Hono, Olie Ohamba yo Kokulio Kuekumbi?

O Russia novilongo viahula kuyo. Vekahi nokumonesa ononkhumbi ovanthu va Huku. Vailika ovilinga viokuivisa iya vekahi nokulinga onya ovakuatate ovanyingi. Ohamba yo kokulio kuekumbi ikahi nokulilolela nohamba yo kokumbili kuekumbi. — w20.05, pefo 13.

Okuti “ovinyango viononkhono mba Huku” ovievi vala viapopiwa mu Ova Galata 5:22, 23?

Au. Ononkhono mba Huku mbutukuatesako okukala novituwa ovikuavo vali oviwa ngetyi ouviuki. (Efe. 5:8, 9) — w20.06, pefo 17.

Ovitateka patyi vipondola okutundililako tyina tupaka ovipuka mo internete?

Ovipuka upaka mo internete vipondola okulekesa okuti ulitalesa, ine weliola omutima. — w20.07, pomafo 6-7.

Oityi ovaivisi velilongesila kovanthu vokufwa ombisi?

Vesukisa okunoñgonoka oola nomphangu ombisi ivasiwa vali, nokunoñgonoka etyi vafwa natyo. Tupu vesukisa okukola omutima. — w20.09, pefo 5.

Oñgeni matukuatesako omulongwa okukala nonthyole na Huku?

Tupondola okuavela ondundo omulongwa atange Ombimbiliya ononthiki ambuho, nokusokolola Kondaka ya Huku. Tupu tumulongesa okulikuambela.— w20.11, pefo 4.

Onondaka “Mu Kilisitu aveho mavakakala nomuenyo” ovalie mbupopia? — 1 Kol. 15:22.

Omu Apositolu Paulu kapopile okuti ovanthu aveho mavakatutiliswa. Paulu wahonekelele onondaka ombo, Ovakilisitau ovalembulwa, vana ankho “vasukukiswa kumwe na Kilisitu.” (1 Kol. 1:2; 15:18) — w20.12, pomafo 5-6.

Otyilinga patyi matyikalinga Ovakilisitau Ovalembulwa ‘mavakapilululwa mokupanyina kueiho, tyina onkhuino yahulilila-ko yamahikwa’? — 1 Kol. 15:51-53.

Ovakilisitau Ovalembulwa mavakalandula monkhalamutwe yavo Sesusi, tyina vakanthita omalongo nonkhunye yotyivela. (Ehol. 2:26, 27) — w20.12, pomafo 12-13.