Ounkhembi Wa 6: Okuundapesa Ovilolo Novikuavo Vali Mefendelo Huku Utyitavela
Ounkhembi oo watuka pi? Omukanda umwe wati, “Ovilolo ankho kaviiwe mefendelo lio Vakristau votete . . . Ovilolo viehimbika okupakwa monongeleya motyita tya 4 no tya 5, vati pala okuvatela vana vahatange, okunoñgonoka nawa otyili Ovakristau valongesa, tyipona omalongomona nomikanda.”—Cyclopedia of Biblical, Theological, no Ecclesiastical Literature, via McClintock no Strong, Volume 4, pomafo 503 no 504.
Oityi Ombimbiliya ipopia? “Wehelihongele otyilolo natyike tyelifwa notyipuka tyimwe keulu, ine o kombanda yoohi ine o momeva. Uhanyongamene kolupala luavio, ine okuvifenda.” (Êxodo 20:4, 5, The Holy Bible—New International Version) Apostolu João wahonekelele Ovakristau votete okuti: “Vana vange, liyungei kovilolo.”—1 João 5:21.
Okuti ovilolo, ondyila vala yokunoñgonoka nohumba una vilekesa, ngetyi tyipopia onongeleya? Omukanda The Encyclopedia of Religion, wati, “Potete,” ankho opo vaamene otyituwa tyokuundapesa ovilolo ankho vati “vialingwa pala [okulongesa] mosikola, no pala okufiwisa. Mahi, momuvo uhehi, ovilolo avihimbika okuundapeswa mefendelo. Ovilolo haunene vieya okukala nenkhimano enene mongeleya itiwa Ortodoxia Oriental.” Anthi, omuuli Isaia wapula nawa okuti: “Olie mupondola okueeleka na Huku, oityi mupondola okumueeleka natyo?”—Isaías 40:18, The New Jerusalem.
[Ehangununo liolutalatu pefo 9]
ANYA OUNKHEMBI, KAKATELA MOTYILI
Oityi tuanoñgonoka mokandyaulula aka tuelilongesa konthele yomalongeso ounkhembi, nkhele ekahi nokulongeswa monongeleya ononyingi? “Ovihipululo ovio vinguanguanesa viomatutu [Greek, myʹthos],” kavipondola okulifwa notyili tyo Mbimbiliya tyapepuka nokuungumaneka.—2 Pedro 1:16, The New English Bible.
Nomutima waikuka, uhasete okueleka Ondaka ya Huku—ondyivindyivi yotyili—netyi uhole okulongeswa. (João 17:17) Ngotyo, omulao ou maufuiswapo muove, wati: “Onwe mamunoñgonoka otyili, iya otyili atyimuyovola.”—João 8:32.
[Ehangununo liolutalatu pefo 9]
Tyieleka no noversikulu ombu mbo Mbimbiliya: Isaías 44:13-19; Atos 10:25, 26; 17:29; 2 Coríntios 5:7
[Ehangununo liolutalatu pefo 9]
OTYILI:
[Ehangununo liolutalatu pefo 9]
Huku ketavela tuundapese ovilolo novikuavo vali
[Ehangununo liolutalatu pefo 9]
Pictorial Archive (Near Eastern History) Est.