Omapulo Ombimbiliya Akumbululwa

Oñgeni ononkhia mba Jesus mbutuetela ouwa?

Etyi Huku atunga ovanthu, wahandele vakale apeho kombanda yohi tyihamono ononkhumbi mbokuvela ine okunkhia. Mahi, omulume wotete Andau, ketavelele Komutungi wae iya apumbwa omuenyo wokukalako apeho. Mokonda tuvana va Andau tuapiñgana kwe ononkhia. (Romanos 5:8, 12; 6:23) Huku yotyotyili, Jeova, watuma Omona wae, Jesus, pano pohi opo ankhie nokupindulapo etyi andau avombesa.​—Tanga João 3:16.

Ononkhia mba Jesus mbutukutulula ononkhali mbetu nokutuetela omuenyo wahapu. Ombimbiliya itukuatesako okunoñgonoka oñgeni omuenyo maukakala pano pohi tyina matuhakamona vali ononkhumbi mbokukulupa, nokuvela nokunkhia.​—Tanga Isaías 25:8; 33:24; Revelação 21:4, 5.

Oñgeni tuna okuhinangela ononkhia mba Jesus?

Motyinthiki tyahulililako etyi Jesus eheneipawe, wapopilile ovalanduli vae vahinangaile ononkhia mbae monkhalelo imwe yehepuiya. Okuhinangela ononkhia mba Jesus monkhalelo oyo, kese nima, tyitukuatesako okutala oluembia Jesus na Jeova vena novanthu.​—Tanga Lucas 22:19, 20; 1 João 4:9, 10.

Menima lino Ehinangelo liononkhia mba Jesus malilingwa Tyasikunda 14 ya Tyikukutu tyina ekumbi liamanyingila. Ove wakongua opo uliwaneke no Nombangi mba Jeova potyilongo tyenyi monthiki oyo.​—Tanga Romanos 1:11, 12.