Pola Ouwa Kokamuvanda Konotesitu Mbupopia Tyike Nononkhwavo

M’Ombimbiliya Ikola Yaava Ekevelelo Liouye Omupe, ponthele pehina liefo, pena okamuvanda kena onotesitu mbupopia otyipuka tyike nononkhwavo. Tyina wamaikula otesitu m’Ombimbiliya yo peke, movasi ouletela umwe oututu. Pamwe uuvasa pokati, pamwe o konthyulilo yonondaka watanga, pahe ine wenda pokamuvanda oovola oletela wavasa, movasi-po otesitu ipopia tyike nei watanga-le. Ine uli nokutangela motelefone mo jw.org nomo JW Library®, umanga vala pokaletela, okaletela oko makekutwala motesitu ipopia tyike notesitu ankho uli nokutanga.

Onotesitu uvasa pokamuvanda mbupopia ovipuka ngeevi:

Mbupopia Etyi Tyilii: Pamwe mbupopia otyipuka otyikwavo tyahapopilwe motesitu watanga, mahi tyilii notesitu watanga. Tala vala etyi tyapopiwa mu 2 Samuwele 24:1 no mu 1 Ehipululo 21:1.

Iwana Onondaka Mbapopiwa-le: Pamwe omo mwatunda ondaka yapopiwa motesitu watanga. Tala vala etyi tyili mu Mateusi 4:4 no m’Epalukununo 8:3.

Eulo Liafwiswa-po: Pamwe otesitu watanga, ipopia eulo limwe liafwiswa-po. Pahe tyina wamaende pokamuvanda ovasi-po otesitu ipopia onalupi tyapopiwa. Tala vala etyi tyapopia Mateusi 21:5 na Sakaliya 9:9.