Ebibuuzo by’Okwegyeraho Ekitabo Kyangye eky’Ebitebyo by’Omu Baibuli
Ruhanga Okutandika Kuhanga Ebintu
1. Ebintu byona ebirungi bikaruga nkahi, mbwenu noobaasa kuheereza eky’okureeberaho?
2. Ekintu ky’okubanza eki Ruhanga yaabandize kuhanga niki?
3. Ahabw’enki maraika w’okubanza yaabaire ari ow’omutaano?
4. Shoborora oku ensi yaabaire neeshusha omu kutandika. (Reeba ekishushani.)
5. Ruhanga akatandika ata kutebeekanisa ensi okutuurwamu enyamaishwa n’abantu?
Ebindi bibuuzo:
1. Shoma Yeremia 10:12.
Ni miringo ki eya Ruhanga erikweyorekyera omu bihangirwe bye? (Isa. 40:26; Rom. 11:33)
2. Shoma Abakolosai 1:15-17.
Yesu akaba aine mwanya ki omu kuhanga, kandi eki kishemereire kutureetera kumutwara tuta? (Kol. 1:15-17)
3. Shoma Okutandika 1:1-10.
(a) Oburugo bw’ensi ni buuha? (Kut. 1:1)
(b) N’enki ekyabaireho aha kiro ky’okubanza eky’okuhanga? (Kut. 1:3-5)
(c) Shoborora ekyabaireho aha kiro kya kabiri eky’okuhanga. (Kut. 1:7, 8)
Omusiri Murungi Munonga
1. Ruhanga akatebeekanisa ata ensi okuba amaka gaitu?
2. Gamba aha miringo ey’enyamaishwa ezi Ruhanga yaahangire. (Reeba ekishushani.)
3. Ahabwaki omusiri gwa Edeni gwabaire guri ogw’omutaano?
4. Niki eki Ruhanga yaabaire naayenda ensi yoona kuba?
Ebindi bibuuzo:
1. Shoma Okutandika 1:11-25.
(a) N’enki eki Ruhanga yaahangire aha kiro kya kashatu eky’okuhanga? (Kut. 1:12)
(b) N’enki ekyabaireho aha kiro kya kana eky’okuhanga? (Kut. 1:16)
(c) Ni nyamaishwa za muringo ki ezi Ruhanga yaahangire aha kiro kya kataano n’ekya mukaaga? (Kut. 1:20, 21, 25)
2. Shoma Okutandika 2:8, 9.
Ni miti ki ebiri ey’omutaano ei Ruhanga yaataire omu musiri, kandi ekaba nekiikirira ki?
Omushaija n’Omukazi ab’Okubanza
1. Ekishushani ky’omu Kitebyo 3 nikitaana kita aha ky’omu Kitebyo 2?
2. N’oha owaahangire omushaija w’okubanza, kandi eiziina ry’omushaija ogwo ni riiha?
3. Ni murimo ki ogu Ruhanga yaahaire Adamu kukora?
4. Ahabw’enki Ruhanga yaareetaire Adamu kugwejegyera obutasisiimuka?
5. Adamu na Haawa bakaba nibaija kutuuraho kumara bwire ki, kandi ni murimo ki ogu Ruhanga yaabaire naayenda ngu bakore?
Ebindi bibuuzo:
1. Shoma Zaaburi 83:18.
Eiziina rya Ruhanga ni riiha, kandi omwanya gwe ogw’omutaano ahaiguru y’ensi ni guuha? (Yer. 16:21; Dan. 4:17)
2. Shoma Okutandika 1:26-31.
(a) N’enki eki Ruhanga yaahererukireyo kuhanga aha kiro kya mukaaga, kandi ekihangirwe eki kikaba kiri eky’omutaano kita kuruga aha nyamaishwa? (Kut. 1:26)
(b) N’ebiki ebi Yehova yaahaire abantu n’emyamaishwa? (Kut. 1:30)
3. Shoma Okutandika 2:7-25.
(a) N’enki ekyabaire nikitwarirwa omu murimo gwa Adamu ogw’okuha enyamaishwa amaziina? (Kut. 2:19)
(b) Okutandika 2:24 nirutuhwera ruta okwetegyereza oku Yehova arikutwara obushwere, okutaana, n’okugaitururwa? (Mat. 19:4-6, 9)
Enshonga Ahabwaki Baafeereirwe Amaka Gaabo
1. Omu kishushani, n’enki ekiriyo nikihika ahari Adamu na Haawa?
2. Ahabw’enki Yehova yaabafubiire?
3. N’enki eki enjoka yaagambiire Haawa?
4. N’oha owaareetaire enjoka kugamba na Haawa?
5. Ahabw’enki Adamu na Haawa baafeereirwe amaka gaabo ag’omu Kibanja kya Ruhanga?
Ebindi bibuuzo:
1. Shoma Okutandika 2:16, 17 na 3:1-13, 24.
(a) Ekibuuzo ki Sitaane yaabuuriize Haawa kikasiiga Yehova kita enziro? (Kut. 3:1-5; 1 Yoh. 5:3)
(b) Haawa naakora ata nk’eky’okurabura ahariitwe? (Fil. 4:8; Yak. 1:14, 15; 1 Yoh. 2:16)
(c) Ni mu muringo ki ogu Adamu na Haawa baaremirwemu kwikiriza enshobi zaabo? (Kut. 3:12, 13)
(d) Baakerubi abaatairwe aha rubaju rw’oburugwa-izooba bw’omusiri Edeni bakahamya bata obutegyeki bwa Yehova? (Kut. 3:24)
2. Shoma Okushuuruurwa 12:9.
Sitaane abaasize kuhitsya nkahi omu kwiha abantu ahari Ruhanga (1 Yoh. 5:19)
Amagara Mabi Gaatandika
1. Amagara ga Adamu na Haawa gakaba gari gata aheeru y’omusiri Edeni?
2. N’enki ekyatandikire kuhika ahari Adamu na Haawa, kandi n’ahabw’enki?
3. Ahabw’enki abaana ba Adamu na Haawa baabaire nibaza kukaikura kandi bakafa?
4. Kuri Adamu na Haawa baayorobeire Yehova, amagara gaabo n’ag’abaana baabo gakaba nigaija kuba gata?
5. Okushiisha kwa Haawa kukamureetera kuta obusaasi?
6. Amaziina g’abaana ba Adamu na Haawa babiri ni gaahi?
7. Abo bandi baana omu kishushani ni baahi?
Ebindi bibuuzo:
1. Shoma Okutandika 3: 16-23 na 4:1, 2.
(a) Amagara ga Adamu gaakakwatwaho gata omukyeeno gw’itaka? (Kut. 3:17-19; Rom. 8:20, 22)
(b) Ahabw’enki eiziina Haawa, eririkumanyisa ‘Ohuriire’ ryabaire rishemereire? (Kut. 3:20)
(c) Yehova akooreka ata ngu naafayo ahari Adamu na Haawa hoona n’ahanyima y’okushiisha? (Kut. 3:7, 21)
2. Shoma Okushuuruurwa 21:3, 4.
Ni bintu ki “ebyaira” ebi oyiniire ekihika kureeba birikumarwaho?
Omwana Murungi Hamwe n’Omubi
1. Ni mirimo ki ei Kaini na Abeeli baakozire?
2. Ni biconco ki ebi Kaini na Abeeli baareetaire Yehova?
3. Ahabw’enki Yehova yaashemerererwa ekiconco kya Abeeli, kandi ahabw’enki atashemerererwa ekya Kaini?
4. Kaini ni muntu wa muringo ki, kandi Yehova akagyezaho ata kumuhana?
5. N’enki eki Kaini yaakozire obu yaabaire ari n’omurumuna bonka omu musiri?
6. Shoborora ekyabaire ahari Kaini bwanyima y’okwita omurumuna.
Ebindi bibuuzo:
1. Shoma Okutandika 4:2-26.
(a) Yehova akooreka ata akabi ku Kaini yaabaire arimu? (Kut. 4:7)
(b) Kaini akooreka ata embeera y’omutima gwe? (Kut. 4:9)
(c) Yehova naatwara ata okusheesha eshagama etaine rubanja? (Kut. 4:10; Isa. 26:21)
2. Shoma 1 Yohaana 3:11, 12.
(a) Ahabw’enki Kaini yaagizire ekiniga kingi, kandi eki nikikora kita nk’eky’okurabura obwahati? (Kut. 4:4, 5; Enf. 14:30; 28:22)
(b) Baibuli neeyoreka eta ngu hoona n’obu ab’omwaitu boona baakuhakanisa Yehova, ngu nitubaasa kugumya obwesigwa bwaitu? (Zab. 27:10; Mat. 10:21, 22)
3. Shoma Yohaana 11:25.
Ni kuhamizibwa ki oku Yehova arikuheereza ahari boona abarikufa ahabw’okusherura okuhikiirira? (Yoh. 5:24)
Omushaija Emanzi
1. Enoka akaba ari ow’entaaniso ata?
2. Ahabw’enki abantu omu bunaku bwa Enoka baabaire nibakora ebintu bingi bibi?
3. Ni bintu ki ebibi ebi abantu baabaire nibakora? (Reeba ekishushani.)
4. Ahabw’enki Enoka yaabaire naayetenga kuba emanzi?
5. Abantu omu bunaku obwo bakaba nibatuuraho kumara bwire ki, kwonka we Enoka akatuuraho kumara bwire ki?
6. N’enki ekyabaireho bwanyima y’okufa kwa Enoka?
Ebindi bibuuzo:
1. Shoma Okutandika 5:21-24, 27.
(a) Enoka akaba eine nkorengana ya muringo ki na Yehova? (Kut. 5:24)
(b) Okurugiirira ahari Baibuli, omushaija orikukirayo obukuru orabaireho n’oha, kandi akaba eine emyaka engahi obu yaafa? (Kut. 5:27)
2. Shoma Okutandika 6:5.
Emituurire omu nsi ekaba eri mibi eta bwanyima y’okufa kwa Enoka, kandi kiri kita waazigyeranisa n’obunaku bwaitu? (2 Tim. 3:13)
3. Shoma Abaheburaayo 11:5.
Ni muringo ki ogwa Enoka ‘ogwashemeize Ruhanga kurungi,’ kandi n’enki ekyarugiremu? (Kut. 5:22)
4. Shoma Yuda 14, 15.
Abakristaayo ab’obunaku obu nibabaasa bata okutooreza Enoka baaba nibarabura abantu aha rugamba rwa Haramagedoni? (2 Tim. 4:2; Heb. 13:6)
Ebikaaka omu Nsi
1. N’enki ekyabaireho obu bamwe ahari baamaraika ba Ruhanga baahuririza Sitaane?
2. Ahabw’enki bamwe ahari baamaraika baarekire omurimo gwabo omu iguru bakaija hanu omu nsi?
3. Ahabw’enki kyabaire kitahikire baamaraika kwija hanu omu nsi n’okwekorera emibiri y’abantu?
4. N’enki ekyabaire kiri eky’omutaano aha baana ba baamaraika?
5. Nk’oku orikureeba omu kishushani, n’enki eki abaana ba baamaraika baakozire obu baahinduka ebikaaka?
6. Bwanyima ya Enoka, ni mushaija ki omurungi owaabaire ariho omu nsi, kandi ahabw’enki Ruhanga yaamukunzire?
Ebindi bibuuzo:
1. Shoma Okutandika 6:1-8.
N’enki eki Okutandika 6:6 rurikworeka aha ku emicwe yaitu erikubaasa kukwata aha ku Ruhanga arikuhurira? (Zab. 78:40, 41; Enf. 27:11)
2. Shoma Yuda 6.
Baamaraika abatararinzire “mwanya gwabo ogu baabaire batuuramu” omu bunaku bwa Noa nibakora bata nk’ekiijutsyo omu bunaku obu? (1 Kor. 3:5-9; 2 Pet. 2:4, 9, 10)
Noa Okwombeka Obwato
1. Ni bangahi abaabaire bari omu ka ya Noa, kandi amaziina g’abatabani be bashatu ni gaahi?
2. Ni kintu ki ekitari kyaba buriijo eki Ruhanga yaashabire Noa kukora, kandi n’ahabw’enki?
3. Bataahi ba Noa bakatwaza bata ku yaabagambiire ebirikukwata aha bwato?
4. N’enki eki Ruhanga yaagambiire Noa kukorera enyamaishwa?
5. Bwanyima ya Ruhanga kukinga orwigi rw’obwato, n’enki eki Noa n’eka ye baabaire baine kukora?
Ebindi bibuuzo:
1. Shoma Okutandika 6:9-22.
(a) N’enki ekyareetaire Noa kuba omuramya wa Ruhanga w’amazima ow’omutaano? (Kut. 6:9, 22)
(b) Yehova naakwatwaho ata obwinazi, kandi eki kishemereire kukwata kita aha by’okweshemeza ebi turi kutooranaho? (Kut. 6:11, 12; Zab. 11:5)
(c) Nitubaasa kutooreza tuta Noa twatunga obuhabuzi kurabira omu kibiina kya Yehova? (Kut. 6:22; 1 Yoh. 5:3)
2. Shoma Okutandika 7:1-9.
Okugira ngu Ruhanga akareeba Noa omushaija otashemeire kuba ohikiriire nikitugaruramu kita amaani? (Kut. 7:1; Enf. 10:16; Isa. 26:7)
Omwegyemure Rugambwa
1. Ahabw’enki omuntu weena yaabaire atarikubaasa kutaaha omu bwato bwanyima y’enjura kutandika kugwa?
2. Yehova akagwisa enjura kumara ebiro bingahe, kandi amaizi gakaba maraingwa kuhika nkahe?
3. N’enki ekyahikire aha bwato amaizi ku gaatandikire kushweka ensi?
4. Ebikaaka noogira ngu bikahonoka Omwegyemure, kandi shi n’enki ekyahikire ahari baishe b’ebikaaka?
5. N’enki ekyahikire aha bwato bwanyima y’ameezi ataano?
6. Ahabw’enki Noa yaashohoize ekikoona aheeru y’obwato?
7. Noa akamanya ata ngu amaizi omu nsi gakaba gaakyendeire?
8. N’enki eki Ruhanga yaagambiire Noa bwanyima we n’eka ye kubeera omu bwato kumara omwaka n’okurengamu?
Ebindi bibuuzo:
1. Shoma Okutandika 7:10-24.
(a) Okucwekyerera kw’amagara omu nsi kukagarukira nkahi? (Kut. 7:23)
(b) Kikatwara bwire ki amaizi gw’Omwegyemure kwijururuka? (Kut. 7:24)
2. Shoma Okutandika 8:1-17.
Okutandika 8:17 nirworeka ruta ngu ekigyendererwa kya Yehova eky’okubanza ahabw’ensi tikirahindukire? (Kut. 1:22)
3. Shoma 1 Petero 3:19, 20.
(a) Baamaraika abagomi ku baagarukire omu iguru, ni rubanja ki oru baatungire (Yuda 6)
(b) Ebihandiikirwe ebirikukwata ahari Noa n’eka ye nibigumya bita obwesigye bwaitu omu maani ga Yehova okujuna abantu be? (2 Pet. 2:9)
Omuhanganzima gw’Okubanza
1. Nk’oku kirikworekwa omu kishushani, n’enki eki Noa yaakozire ku yaarugire ati omu bwato?
2. Ni kiragiro ki eki Ruhanga yaahaire Noa n’eka ye bwanyima y’Omwegyemure?
3. Ni kuraganisa ki oku Ruhanga yaakozire?
4. Twareeba omuhanganzima, n’enki eki gushemereire kutwijutsya?
Ebindi bibuuzo:
1. Shoma Okutandika 8:18-22.
(a) Itwe omu bunaku obu nitubaasa kuheereza tuta Yehova “ekisoorora kirungi”? (Kut. 8:21; Heb. 13:15, 16)
(b) N’enki eki Yehova yaayetegyereize aha mutima gw’omuntu, kandi nikurabura ki oku tushemereire kukuratira? (Kut. 8:21; Mat. 15:18, 19)
2. Shoma Okutandika 9:9-17.
(a) Ni ndagaano ki ei Yehova yaakozire n’ebihangirwe byona eby’omu nsi? (Kut. 9:10, 11)
(b) Endagaano y’omuhanganzima neija kugumaho kuhitsya ryari? (Kut. 9:16)
Abashaija Okwombeka Omunaara Muraingwa
1. Nimuroodi akaba ari oha, kandi Ruhanga akaba naamutwara ata?
2. Omu kishushani, ahabw’enki abantu bariyo nibabumba amatafaari?
3. Ahabw’enki Yehova atarashemerereirwe omurimo gw’okwombeka?
4. Ruhanga akeemereza ata omurimo gw’okwombeka omunaara?
5. Orurembo rukaba nirwetwa ruta, kandi eryo iziina rikaba nirimanyisa ki?
6. N’enki ekyahikire aha bantu bwanyima ya Ruhanga kubuzabuza endimi zaabo?
Ebindi bibuuzo:
1. Shoma Okutandika 10:1, 8-10.
Ni mitwarize ki ei Nimuroodi yaayorekire, kandi eki nikitukurabura kita? (Enf. 3:31)
2. Shoma Okutandika 11:1-9.
Ni kigyendererwa ki ekyabaire kiri enyima y’okwombeka omunaara, kandi ahabw’enki omurimo gw’okwombeka gutarabaasize kugumizamu? (Kut. 11:4; Enf. 16:18; Yoh. 5:44)
Abrahamu—Munywani wa Ruhanga
1. Ni bantu ba muringo ki abaabaire nibatuura omu rurembo Uri?
2. Omushaija ori omu kishushani n’oha, akazaarwa ryari, kandi akaba naatuura nkahi?
3. Niki eki Ruhanga yaagambiire Abrahamu kukora?
4. Ahabw’enki yaayetsirwe munywani wa Ruhanga?
5. Ni baahi abaagyenzire na Abrahamu obu yaaruga Uri?
6. N’enki eki Ruhanga yaagambiire Abrahamu obu yaahika omu nsi ya Kanaani?
7. Ruhanga akaraganisa ki Abrahamu obu yaabaire aine emyaka 99 y’obukuru?
Ebindi bibuuzo:
1. Shoma Okutandika 11:27-32.
(a) Abrahamu na Looti bakaba baine buzaare ki? (Kut. 11:27)
(b) N’obu Teera arikusiimwa kuba yaagyenzire n’eka ye kuza Kanaani, nitumanya tuta ngu buzima Abrahamu niwe yaabandize kumuhiga kugyenda, kandi ahabw’enki yaakozire ekyo? (Kut. 11:31; Byak. 7:2-4)
2. Shoma Okutandika 12:1-7.
Yehova akahaangusyaata endagaano ya Abrahamu obu Abrahamu yaahika omu nsi ya Kanaani? (Kut. 12:7)
3. Shoma Okutandika 17:1-8, 15-17.
(a) Ni mpindahinduka ki ei Abramu yaatungire omu iziina obu yaabaire aine emyaka 99, kandi n’ahabw’enki? (Kut. 17:5)
(b) Yehova akaraganisa Saara migisha ki ey’omu maisho? (Kut. 17:15, 16)
4. Shoma Okutandika 18:9-19.
(a) Omu kitabo kya Okutandika 18:19, ni bujunaanizibwa ki oburikuheebwa abazaire? (Bir. 6:6, 7; Efe. 6:4)
(b) Niki ekyabaireho ahari Saara ekirikworeka ngu titukaabaasa kushereka Yehova ekintu kyona? (Kut. 18:12, 15; Zab. 44:21)
Ruhanga Okugyeza Okwikiriza kwa Abrahamu
1. Ruhanga akaraganisa ki Abrahamu, kandi Ruhanga akarinda ata okuraganisa kwe?
2. Nk’oku kirikworekwa omu kishushani, Ruhanga akagyeza ata okwikiriza kwa Abrahamu?
3. Abrahamu akakora ki n’obu araabe yaabaire atarikwetegyereza ahabw’enki Ruhanga yaaragiire atyo?
4. N’enki ekyabaireho Abrahamu ku yaakwatsire omusyo kwita omwana we?
5. Okwikiriza kwa Abrahamu omuri Ruhanga kukaba kuhamire kuhitsya nkahi?
6. N’enki eki Ruhanga yaahaire Abrahamu kutamba, kandi akakimuha ata?
Ebindi bibuuzo:
1. Shoma Okutandika 21:1-7.
Ahabw’enki Abrahamu yaashazire omwana we ekishushu aha kiro kya munaana? (Kut. 17:10-12; 21:4)
2. Shoma Okutandika 22:1-18.
Isaaka akooreka ata obuhurizi ahari ishe, Abrahamu, kandi eki kikooreka kita ekirikukirayo obukuru ekyabaire nikiija kubaho omu biro by’omu maisho? (Kut. 22:7-9; 1 Kor. 5:7; Fil. 2:8, 9)
Muka Looti Akareeba Enyima
1. Ahabw’enki Abrahamu na Looti baataine?
2. Ahabw’enki Looti yaacwiremu kutuura omuri Sodoma?
3. Abantu b’omuri Sodoma, bakaba bari bantu ba muringo ki?
4. Ni kurabura ki oku baamaraika babiri baahaire Looti?
5. Ahabw’enki Muka Looti yaahindukire enyomyo y’omwonyo?
6. N’eishomo ki eri turikubaasa kwegyera omu kyahikire ahari muka Looti?
Ebindi bibuuzo:
1. Shoma Okutandika 13:5-13.
Ebikwatiraine n’okushoborora enshonga ahagati y’abantu, n’ishomo ki eri turikubaasa kwega ahari Abrahamu? (Kut. 13:8, 9; Rom. 12:10; Fil. 2:3, 4)
2. Shoma Okutandika 18:20-33.
Enkorengana ya Yehova na Abrahamu netuheereza eta obwesigye ngu Yehova na Yesu baryacwa orubanja ruhikiriire? (Kut. 18:25, 26; Mat. 25:31-33)
3. Shoma Okutandika 19:1-29.
(a) Ebyahandiikirwe ebi omu Baibuli nibyoreka ki aha bikwatiraine n’oku Ruhanga arikutwara abashaija kubyama na bataahi baabo? (Kut. 19:5, 13; Lev. 20:13)
(b) Ni mbaganisa ki ei turikureeba omu miringo i Looti na Abrahamu baatwairemu obuhabuzi bwa Ruhanga, kandi n’enki eki turikubaasa kwega omuri eki? (Kut. 19:15, 16, 19, 20; 22:3)
4. Shoma Luka 17:28-32.
Ni miteekateekyere ki ei muka Looti yaabaire aine aha by’eitungo, kandi eki nikikora kita nk’eky’okureeberaho ahariitwe? (Luk. 12:15; 17:31, 32; Mat. 6:19-21, 25)
5. Shoma 2 Petero 2:6-8.
Omu kutooreza Looti, ni miteekateekyere ki ei tushemereire kuba nayo aha nsi egi etwetoroire etarikutiina Ruhanga? (Ezk. 9:4; 1 Yoh. 2:15-17)
Isaaka Okutunga Omukazi Murungi
1. Ogu mushaija n’ogu mukazi omu kishushani ni baahi?
2. Niki eki Abrahamu yaakozire okushwererera omutabani omukazi, kandi n’ahabw’enki?
3. Eshaara y’omuheereza wa Abrahamu ekagarukwamu eta?
4. Rebeka akagarukamu ata ku yaabuziibwe yaaba yaabaire naayenda kugyenda kushwerwa Isaaka?
5. N’enki ekyareetaire Isaaka kugaruka kushemererwa?
Ebindi bibuuzo:
1. Shoma Okutandika 24:1-67.
(a) Ni mitwarize ki emirungi ei Rebeka yaayorekire obu yaabugana omuheereza wa Abrahamu aha iziba? (Kut. 24:17-20; Enf. 31:17, 31)
(b) Entebeekanisa ya Abrahamu ahabwa Isaaka neeheereza ky’okureeberaho ki aha Bakristaayo obwahati? (Kut. 24:37, 38; 1 Kor. 7:39; 2 Kor. 6:14)
(c) Ahabw’enki tushemereire kutunga obwire bw’okwecumintiriza, nk’oku Isaaka yaakozire? (Kut. 24:63; Zab. 77:12; Fil. 4:8)
Empasha Ezaabaire Ziri ez’Omutaano
1. Esau na Yakobo bakaba bari baahi, kandi bakaba bari ab’entaniso bata?
2. Esau na Yakobo bakaba baine emyaka engahi obu ishenkurubo Abrahamu yaafa?
3. Niki eki Esau yaakozire ekyareetaire ishe na nyina kugira amaganya maingi?
4. Ahabw’enki Esau yaagiriire omurumuna Yakobo, ekiniga kingi?
5. Ni buhabuzi ki obu Isaaka yaahaire omutabani Yakobo?
Ebindi bibuuzo:
1. Shoma Okutandika 25:5-11, 20-34.
(a) Niki eki Yehova yaaragwire aha batabani ba Rebeka babiri? (Kut. 25:23)
(b) Ni ntaniso ki eyaabaire eriho ahagati y’oku Yakobo na Esau baabaire nibatwara eby’obukuru? (Kut. 25:31-34)
2. Shoma Okutandika 26:34, 35; 27:1-46 na 28:1-5.
(a) Okutasiima kwa Esau okw’eby’omwoyo kukeyoreka kuta? (Kut. 26:34, 35; 27:46)
(b) N’enki eki Isaaka yaagambiire Yakobo kukora okubaasa kutunga emigisha ya Ruhanga? (Kut. 28:1-4)
3. Shoma Abaheburaayo 12:16, 17.
Eky’okureeberaho kya Esau nikyoreka ki aha kirikurugiramu abo abarikugaya ebintu bikuru eby’omwoyo?
Ekitebyo 18
1. Ogu mukazi muto omu kishushani n’oha, kandi n’enki eki Yakobo yaamukoreire?
2. N’enki eki Yakobo yaabaire ayekundiire kukora okubaasa kushwera Rakeeli?
3. N’enki eki Labaani yaakozire obu obwire bwa Yakobo kushwera Rakeeli bwahika?
4. N’enki eki Yakobo yaikiriize kukora okutunga Rakeeli nk’omukazi we?
Ebindi bibuuzo:
1. Shoma Okutandika 29:1-30.
(a) N’obu Labaani araabe yaamugobeize, Yakobo akeeyoreka ata kuba murungi, kandi n’enki eki turikubaasa kwega omuri eki? (Kut. 25:27; 29:26-28; Mat. 5:37)
(b) Eky’okureeberaho kya Yakobo nikyoreka kita entaniso eriho rwagati ya rukundo n’akahararo? (Kut. 29:18, 20, 30; Kyesh. 8:6)
(c) Ni bakazi ki bana abaahindukire ekicweka ky’enju ya Yakobo kandi bwanyima bakamuzaarira abaana b’aboojo? (Kut. 29:23, 24, 28, 29)
Yakobo Aine Eka Mpango
1. Amaziina ga batabani ba Yakobo mukaaga abu yaazaire aha mukazi we w’okubanza Lea gakaba gari gaahi?
2. Ni baana ki babiri ab’aboojo abu omuzaana wa Lea, Zilupa yaazaariire Yakobo?
3. Amaziina g’abaana babiri b’aboojo abu omuzaana wa Rakeeli Biliha yaazaariire Yakobo gakaba gari gaahi?
4. Ni baana ki b’aboojo babiri abu Rakeeli yaazaire, kwonka n’enki ekyamubaireho obu omwana wa kabiri yaabaire naazaarwa?
5. Okurugiirira aha kishushani, Yakobo akaba aine abatabani bangahi, kandi n’enki ekyabarugiremu?
Ebindi bibuuzo:
1. Shoma Okutandika 29:32-35; 30:1-26 na 35:16-19.
Nk’oku kiri ahabw’abatabani ba Yakobo 12, aboojo b’Abaheburaayo obutoosha bakaba babeeta bata amaziina omu biro byaira?
2. Shoma Okutandika 37:35.
N’obu Dina ari we wenka orikugambwaho omu Baibuli, nitumanya tuta ngu Yakobo akaba aine abandi baishiki? (Kut. 37:34, 35)
Dina Okugwa omu Kabi
1. Ahabw’enki Abrahamu na Isaaka baabaire batarikwenda abaana baabo okushwera abantu b’omu nsi ya Kanaani?
2. Noogira ngu Yakobo akashemerererwa eky’omuhara kunywana n’abaishiki b’Abakanaani?
3. Ogwo mushaija oriyo naareeba Dina omu kishushani n’oha, kandi akakora kintu eki ekibi?
4. N’enki eki Simeoni na Leevi banyaanya ba Dina baakozire ku baahuriire ekyabaireho?
5. Noogira ngu Yakobo akaikirizana n’eki Simeoni na Leevi baakozire?
6. Oburemeezi bw’omu ka obu bwona bukatandika buta?
Ebindi bibuuzo:
1. Shoma Okutandika 34:1-31.
(a) Noogira ngu Dina okukwatanisa n’abahara b’omu nsi ya Kanaani kikaba kiri ekintu kitarikumanywa? Shoborora. (Kut. 34:1)
(b) Ahabw’enki Dina yaabaire aine eki arikujunaanwa ahabw’okushiishwa kwe? (Gal. 6:7)
(c) Abato ebiro ebi nibabaasa kworeka bata ngu nibakuratira okurabura okuri omu ky’okureeberaho kya Dina? (Enf. 13:20; 1 Kor. 15:33; 1 Yoh. 5:19)
Bakuru ba Yosefu Nibamwanga
1. Ahabw’enki bakuru ba Yosefu baamugiriire eihari, kandi n’enki eki baakozire?
2. N’enki eki bakuru ba Yosefu barikwenda kumukora, kwonka n’enki eki Reubeeni agamba?
3. N’enki ekyabaireho obu Abaishamaeli abashuubuzi baija nibahingura?
4. N’enki eki bakuru ba Yosefu baakozire okureetera ishebo kuteekateeka ngu Yosefu afiire?
Ebindi bibuuzo:
1. Shoma Okutandika 37:1-35.
(a) Abakristaayo nibabaasa kutooreza bata eky’okureeberaho kya Yosefu omu kumanyisa ebikorwa bibi omu kibiina? (Kut. 37:2; Lev. 5:1; 1 Kor. 1:11)
(b) N’enki ekyareetaire bakuru ba Yosefu kumureebya batyo? (Kut. 37:11, 18; Enf. 27:4; Yak. 3:14-16)
(c) Ni kikorwa ki aha rubaju rwa Yakobo ekiri ekya buriijo omu kuganya? (Kut. 37:35)
Yosefu Okuteebwa omu Kihome
1. Yosefu akaba aine emyaka engahi obu yaatwarwa Misri, kandi n’enki ekyamubaireho ku yaahikireyo?
2. Yosefu akaija ata kweshanga omu kihome?
3. Ni bujunaanizibwa ki obu Yosefu yaahairwe ari omu kihome?
4. Ari omu kihome, n’enki eki Yosefu yaakoreire omugabuzi wa viinyo n’omuteeki w’emigaati aba Faraho?
5. N’enki ekyabaireho bwanyima y’omugabuzi wa viinyo kuruga omu kihome?
Ebindi bibuuzo:
1. Shoma Okutandika 39:1-23.
N’obu haraabe haabaire hatariho biragiro bihandiikirwe kuruga ahari Ruhanga ebirikujumiirira obushambani omu bunaku bwa Yosefu, n’enki ekyamureetaire kuhunga muka Potifaari? (Kut. 2:24; 20:3; 39:9)
2. Shoma Okutandika 40:1-23.
(a) Omu bigufu gamba aha kirooto ky’omugabuzi wa viinyo n’okushoboorora oku Yehova yaahaire Yosefu. (Kut. 40:9-13)
(b) Ni kirooto ki eki omuteeki w’emigaati yaabaire aine, kandi kikaba nikimanyisa ki? (Kut. 40:16-19)
(c) Omwambari ow’okwesigwa kandi ow’obwengye obwahati naakuratira ata emiteekateekyere ya Yosefu? (Kut. 40:8; Zab. 36:9; Yoh. 17:17; Byak. 17:2, 3)
(d) Okutandika 40:20 nirumuritsya ruta aha ku Abakristaayo barikureebamu emikoro y’okukuza amazaarwa? (Mub. 7:1; Mak. 6:21-28)
Ebirooto bya Faraho
1. N’enki ekyahikire ahari Faraho ekiro kimwe?
2. Ahabw’enki omugabuzi wa viinyo yaijukire Yosefu aha muheru?
3. Nk’oku kirikworeka omu kishushani, ni birooto ki bibiri ebi Faraho yaatungire?
4. Yosefu naagira ngu ebirooto nibimanyisa ki?
5. Yosefu akahinduka ata omukuru wa kabiri ahari Faraho omuri Misri?
6. Ahabw’enki bakuru ba Yosefu baija omuri Misri, kandi ahabw’enki bataamanya Yosefu?
7. Ni kirooto ki eki Yosefu yaijukire, kandi n’eki eki kimuhwera kwetegyereza?
Ebindi bibuuzo:
1. Shoma Okutandika 41:1-57.
(a) Yosefu akooreka ata ngu naayesiga Yehova, kandi ni mu muringo ki ogu Abakristaayo barikubaasa kukuratiramu eky’okureeberaho kye? (Kut. 41:16, 25, 28; Mat. 5:16; 1 Pet. 2:12)
(b) Emyaka y’omweru omuri Misri eyaakuratiirwe ey’enjara negyeranisibwa eta n’embeera y’abantu ba Yehova hamwe n’egyo ey’Amakanisa obwahati? (Kut. 41:29, 30; Amo. 8:11, 12)
2. Shoma Okutandika 42:1-8 na 50:20.
Ni kibi abaramya ba Yehova okwinamira omuntu okumuha ekitiinisa ahabw’obukuru bw’omwanya gwe, ekyo kyaba kiri omugyenzo gw’omu mwanya ogwo? (Kut. 42:6)
Yosefu Okugyeza Bakuru Be
1. Ahabw’enki Yosefu naayomesereza bakuru be okuba entatsi?
2. Ahabw’enki Yakobo yaikiriza bucura bwe Benyamiini, okuza Misiri?
3. Ekikopo kya Yosefu eky’efeeza kikaza kita omu nshaho ya Benyamiini?
4. N’enki eki Yuda yaayehaireyo kukora okubaasa kugarurirwa Benyamiini?
5. Bakuru ba Yosefu bahindukire bata?
Ebindi bibuuzo:
1. Shoma Okutandika 42:9-38.
Ni mu muringo ki ogu ebigambo bya Yosefu ebirikushangwa omu Okutandika 42:18 biri ekiijutsyo kirungi ahari abo abaine obujunaanizibwa omu kibiina kya Yehova ebiro ebi? (Neh. 5:15; 2 Kor. 7:1, 2)
2. Shoma Okutandika 43:1-34.
(a) N’obu Reubeeni araabe yaabaire ari omujigaijo, nikyorekwa gye kita ngu Yuda niwe yaabaire omugambirizi wa barumuna be? (Kut. 43:3, 8, 9; 44:14, 18; 1 Bus. 5:2)
(b) Yosefu akagyeza ata bakuru be, kandi n’ahabw’enki? (Kut. 43:33, 34)
3. Shoma Okutandika 44:1-34.
(a) Nk’eky’okwebuzaabuza kuteemanyisa bakuru be, Yosefu akeeyoreka mu muringo ki? (Kut. 44:5, 15; Lev. 19:26)
(b) Bakuru ba Yosefu bakooreka bata ngu eihari eri baabaire bainiire murumuna waabo hati rikaba ryahweireho? (Kut. 44:13, 33, 34)
Ekika Kyona Okuza Misri
1. N’enki ekyabaireho Yosefu ku yaayemanyise bakuru be?
2. Niki eki Yosefu yaashobororoire bakuru be n’embabazi?
3. N’enki eki Faraho agamba ku ahurira ebirikukwata ahari bakuru ba Yosefu?
4. Eka ya Yakobo ekaba eri mpango kwingana ki obu baaza Misri?
5. Eka ya Yakobo ekaija kwetwa eta, kandi n’ahabw’enki?
Ebindi bibuuzo:
1. Shoma Okutandika 45:1-28.
Eby’omu Baibuli ebirikukwata ahari Yosefu nibyoreka bita ngu Yehova naahindura ebigyendereirwe kukora kubi abaheereza be kurugamu ebirungi? (Kut. 45:5-8; Isa. 8:10; Fil. 1:12-14)
2. Shoma Okutandika 46:1-27.
Ni kuhamizibwa ki oku Yehova yaahaire Yakobo omu muhanda arikuza Misri? (Kut. 46:1-4)
Yobu n’Omwesigwa Ahari Ruhanga
1. Yobu akaba ari oha?
2. N’enki eki Sitaane yaagyerizeho kukora, kwonka shi akabaasa?
3. N’enki eki Yehova yaikiriize Sitaane kukora, kandi n’ahabwaki?
4. Ahabw’enki muka Yobu yaamugambiire ‘okukyeena Ruhanga akafa’? (Reeba ekishushani.)
5. Nk’oku orikureeba omu kishushani kya kabiri, Yehova akaheereza ata Yobu emigisha, kandi n’ahabw’enki?
6. Itwe, nka Yobu, twaba abeesigwa ahari Yehova, ni migisha ki ei turikwija kutunga?
Ebindi bibuuzo:
1. Shoma Yobu 1:1-22.
Abakristaayo obwa hati nibabaasa kutooreza Yobu bata? (Yob. 1:1; Fil. 2:15; 2 Pet. 3:14)
2. Shoma Yobu 2:1-13.
Ni mu miringo ki ebiri ey’omutaano ei Yobu n’omukazi we baatwarizemu okuhiiganisibwa kwa Sitaane? (Yob. 2:9, 10; Enf. 19:3; Mik. 7:7; Mal. 3:14)
3. Shoma Yobu 42:10-17.
(a) Ni kushushana ki okuriho ahagati y’ebiconco ebi Yobu yaatungire hamwe n’ebyo ebi Yesu yaatungire ahabw’omuhanda gwe ogw’obwesigwa? (Yob. 42:12; Fil. 2:9-11)
(b) Emigisha ei Yobu yaatungire ahabw’okurinda obwesigwa ahari Ruhanga netugararumu amaani eta ? (Yob. 42:10, 12; Heb. 6:10; Yak. 1:2-4, 12; 5:11)
Omugabe Mubi Okutegyeka Misri
1. Omu kishushani, omushaija ogwo oine kibooko n’oha, kandi n’oha ou ariyo naateera?
2. Bwanyima y’okufa kwa Yosefu, n’enki ekyahikire aha Baisraeli?
3. Ahabw’enki Abanyamisri baatiinire Abaisraeli?
4. Ni kiragiro ki eki Faraho yaahaire abakazi abaabaire nibahwera Abaisraelikazi kuzaara?
Ebindi bibuuzo:
1. Shoma Okuruga 1:6-22.
(a) Ni mu muringo ki ogu Yehova yaatandikiremu kuhikiiriza okuraganisa kwe ahari Abrahamu? (Kur. 1:7; Kut. 12:2; Byak. 7:17)
(b) Abazaarisa Abaheburaayo bakooreka bata ngu nibaha amagara ekitiinisa? (Kur. 1:17; Kut. 9:6)
(c) Aba bazaarisa bakaheebwa bata ebiconco ahabw’obwesigwa bwabo ahari Yehova? (Kur. 1:20, 21; Enf. 19:17)
(d) Sitaane akagyezaho ata kushiisha ekigyendererwa kya Ruhanga aha bikwatiraine n’Oruzaaro rwa Abrahamu orwaraganisiibwe? (Kur. 1:22; Mat. 2:16)
Oku Omwana Musa Yaahonire
1. Omwana ori omu kishushani n’oha, kandi orukumu oru akwatsire n’orw’oha?
2. Niki eki nyina wa Musa yaakozire okumujuna kwitwa?
3. Ogu mwishiki muto omu kishushani n’oha, kandi n’enki eki yaakozire?
4. Muhara wa Faraho ku yaaboine omwana, ni kiteekateeko ki eki Miriamu yaahaire?
5. N’enki eki muhara w’omugabe yaagambiire nyina wa Musa?
Ebindi bibuuzo:
1. Shoma Okuruga 2:1-10.
Ni mugisha ki ogu nyina wa Musa yaatungire okutendeka n’okwegyesa Musa omu buto bwe, kandi nikiheereza ky’okureeberaho ki aha bazaire ebiro ebi? (Kur. 2:9, 10; Bir. 6:6-9; Enf. 22:6; Efe. 6:4; 2 Tim. 3:15)
Enshonga Ahabwaki Musa Yaahungire
1. Ni nkahi ei Musa yaakuriire, kwonka n’enki eki yaabaire naamanya aha bazaire be?
2. N’enki eki Musa yaakozire obu yaabaire aine emyaka 40 y’obukuru?
3. N’enki eki Musa yaagambiire omushaija Omuisraeli owaabaire naarwana, kandi omushaija akamugarukamu ata?
4. Ahabw’enki Musa yaahungire kuruga Misri?
5. Ni nkahi ei Musa yaahungiire, kandi n’oha ou yaashangireyo okwo?
6. N’enki eki Musa yaabaire naakora okumara myaka 40 bwanyima y’okuhunga kuruga Misri?
Ebindi bibuuzo:
1. Shoma Okuruga 2:11-25.
Hoona n’obu araabe yaamazire emyaka mingi omu kwegyesibwa obwengye bw’Abanyamisri, Musa akooreka ata obwesigwa ahari Yehova n’abantu be? (Kur. 2:11, 12; Heb. 11:24)
2. Shoma Ebyakozirwe 7:22-29.
N’ishomo ki eri turikwega kuruga aha ku Musa we ahabwe yaagyerizeho okujuna Israeli kuruga omu buhuuku bw’Abanyamisri? (Byak. 7:23-25; 1 Pet. 5:6, 10)
Orushaka Orurikwaka
1. Eiziina ry’ekibungo ekyo omu kishushani ni riiha?
2. Shoborora ekintu ekitari kya buriijo eki Musa yaareebire obu yaaza aha kibungo n’entaama ze.
3. Eiraka kuruga omu rushaka orurikwaka rikagira ngw’enki, kandi eryo iraka rikaba riri ery’oha?
4. Musa akagarukamu ata, Ruhanga ku yaamugambiire ngu akaba naaza kwebembera abantu ba Ruhanga kuruga omuri Misri?
5. N’enki eki Ruhanga yaagambiire Musa kugambira abantu ku baakumubuurize omwohereize?
6. Musa akaba naabaasa kubahamiza ata ngu kwo Ruhanga akaba amutumire?
Ebindi bibuuzo:
1. Shoma Okuruga 3:1-22.
Ebyahikire ahari Musa nibituha bita obwesigye ngu n’obu twakwehurira nk’abatashemeire kuhikiiriza omurimo gwa Ruhanga, ngu Ruhanga naija kutubangira? (Kur. 3:11, 13; 2 Kor. 3:5, 6)
2. Shoma Okuruga 4:1-20.
(a) Ni mpindahinduka ki eyabaireho omu miteekateekyere ya Musa omu myaka 40 ei yaamazire omuri Midiani, kandi n’ishomo ki eri abo abarikwenda obujunaanizibwa omu kibiina barikubaasa kwega omuri eki? (Kur. 2:11, 12; 4:10, 13; Mik. 6:8; 1 Tim. 3:1, 6, 10)
(b) Hoona n’obu twakuhanwa Yehova kurabira omu kibiina kye, ni bwesigye ki obu eky’okureeberaho kya Musa kirikubaasa kutuheereza? (Kur. 4:12-14; Zab. 103:14; Heb. 12:4-11)
Musa na Arooni Okuza Kureeba Faraho
1. Eby’okutangaaza ebi Musa na Arooni baakozire bikakwata bita aha Baisraeli?
2. N’enki eki Musa na Arooni baagambiire Faraho, kandi niki eki Faraho yaabagarukiremu?
3. Nk’oku kirikworekwa omu kishushani, n’enki ekyabaireho Arooni ku yaatambikire enkoni ye ahansi?
4. Yehova akeegyesa ata Faraho eishomo, kandi Faraho akaryakiira ata?
5. N’enki ekyabaireho bwanyima y’ekibonaboneso ky’ikumi?
Ebindi bibuuzo:
1. Shoma Okuruga 4:27-31 na 5:1-23.
N’enki eki Faraho yaabaire naamanyisa obu yaagira ati: ‘Yehova niwe oha, ou nyowe nshemereire kuhurira,’? (Kur. 5:2; 1 Sam. 2:12; Rom. 1:21)
2. Shoma Okuruga 6:1-13, 26-30.
(a) Ni mu muringo ki ogu Yehova atarayemanyisizemu Abrahamu, Isaaka na Yakobo? (Kur. 3:13, 14; 6:3; Kut. 12:8)
(b) Nikitukwataho kita okumanya ngu Yehova akeejunisa Musa, hoona n’obu Musa yaabaire naahurira atahikire kukora omurimo gwa Yehova? (Kur. 6:12, 30; Luka 21:13-15)
3. Shoma Okuruga 7:1-13.
(a) N’obumanzi, Musa na Arooni ku bahikize obutumwa bw’emanja za Yehova ahari Faraho, ni ky’okureeberaho ki eki baateeraireho abaheereza ba Ruhanga ab’ebiro ebi? (Kur. 7:2, 3, 6; Byak. 4:29-31)
(b) Yehova akooreka ata obukuru bwe ahari baaruhanga ba Misri? (Kur. 7:12; 1 Bus. 29:12)
Ebibonaboneso 10
1. Orikwejunisa ebishushani ebi aha, shoborora ebibonaboneso bishatu by’okubanza ebi Yehova yaaretsire ahari Misri.
2. Ni ntaaniso ki eyabaire eriho ahagati y’ebibonaboneso bishatu by’okubanza hamwe n’ebindi ebyakuratiireho?
3. Ekibonaboneso kya kana, ekya kataano, n’ekya mukaaga bikaba biri biiha?
4. Shoborora ekibonaboneso ekya mushanju, ekya munaana, n’ekya mwenda.
5. N’enki eki Yehova yaagambiire Abaisraeli kukora ekibonaboneso ky’ikumi kitakabaireho?
6. Ekibonaboneso ky’ikumi kikaba kiri kiiha, kandi n’enki ekyabaireho bwanyima yaakyo?
Ebindi bibuuzo:
1. Shoma Okuruga 7:19–8:23.
(a) N’obu abanyabwengye ba Misri baabaasize kukora ebirikushushana n’ebibonaboneso bibiri by’okubanza, n’enki eki baagyemesereziibwe kwikiriza bwanyima y’ekibonaboneso kya kashatu? (Kur. 8:18, 19; Mat. 12:24-28)
(b) Ekibonaboneso kya kana kikooreka kita obushoboorozi bwa Ruhanga okurinda abantu be, kandi okumanya eki nikikwata kita aha bantu ba Ruhanga nk’oku boorekyereire ‘okubonabona okwingi’ okwarangirweho? (Kur. 8:22, 23; Kush. 7:13, 14; 2 Bus. 16:9)
2. Shoma Okuruga 8:24; 9:3, 6, 10, 11, 14, 16, 23-25; na 10:13-15, 21-23.
(a) Ni bigombe ki bibiri ebi Ebibonaboneso Ikumi byayorekire, kandi eki nikikwata kita aha ku turikutwara ebigombe ebyo eri izooba? (Kur. 8:10, 18, 19; 9:14)
(b) Okuruga 9:16 nirutuhwera ruta okwetegyereza enshonga ahabwaki Yehova aikiriize Sitaane kugumaho n’okuhitsya hati? (Rom. 9:21, 22)
3. Shoma Okuruga 12:21-32.
Okuhingurwaho kukabaasisa kuta baingi kujunwa, kandi n’enki eki kwabaire nikworeka? (Kur. 12:21-23; Yoh. 1:29; Rom. 5:18, 19, 21; 1 Kor. 5:7)
Okwambuka Enyanja Erikutukura
1. N’Abaisraeli bangahi abashaija, hamwe n’abakazi n’abaana, abaarugire omuri Misri, kandi ni baahi abaagyenzire nabo?
2. Faraho akahurira ata bwanyima y’okwikiriza Abaisraeli kugyenda, kandi n’enki eki yaakozire?
3. N’enki eki Yehova yaakozire okuzibira Abanyamisri kutaahirira abantu be?
4. N’enki ekyabaireho obu Musa yaagororera enkoni ye aha Nyanja Erikutukura, kandi n’enki eki Abaisraeli baakozire?
5. N’enki ekyabaire aha Banyamisri obu baasyoka bakaza omu nyanja bakuratiire Abaisraeli?
6. Abaisraeli baakoreka bata ngu bakashemererwa kandi bakasiima Yehova ahabw’okubajuna?
Ebindi bibuuzo:
1. Shoma Okuruga 12:33-36.
Yehova akahamya ata ngu abantu be baashuumbushibwa emyaka yoona ei baamazire omu buhuuku ahansi y’Abanyamisri? (Kur. 3:21, 22; 12:35, 36)
2. Shoma Okuruga 14:1-31.
Ebigambo bya Musa ebihandiikirwe omu Okuruga 14:13-14 nibikwata bita aha baheereza ba Yehova ab’obunaku obu nk’oku boorekyereire orugamba rwa Haramagedoni orurikwija? (2 Bus. 20:17; Zab. 91:8)
3. Shoma Okuruga 15:1-8, 20, 21.
(a) Ahabw’enki abaheereza ba Yehova bashemereire kweshongorera Yehova ebyeshongoro by’okuhimbisa? (Kur. 15:1, 2; Zab. 105:2, 3; Kush. 15:3, 4)
(b) Miriamu n’abakazi aha Nyanja Erikutukura nibateeraho abakazi Abakristaayo ky’okureeberaho ki omu kuhimbisa Yehova ebiro ebi? (Kur. 15:20, 21; Zab. 68:11)
Omuringo Musya gw’Eby’Okurya
1. Omu kishushani, niki ebi abantu bariyo nibatorotoora ahansi, kandi nibyetwa bita?
2. Ni kiragiro ki eki Musa yaahaire abantu aha bikwatiraine n’okutorotoora emaanu?
3. N’enki eki Yehova yaagambiire abantu kukora aha kiro kya mukaaga, kandi n’ahabw’enki?
4. Ni ky’okutangaaza ki eki Yehova yaakozire obu emaanu yaabiikwa aha kiro kya mushanju?
5. Yehova akariisa Abaisraeli emaanu kumara bwire ki?
Ebindi bibuuzo:
1. Shoma Okuruga 16:1-36 na Okubara 11:7-9.
(a) N’enki eki Okuruga 16:8 rurikworeka aha bikwatiraine n’obukuru bw’okuha obwebembezi omu kibiina Ekikristaayo ekitiinisa? (Heb. 13:17)
(b) Omu ihamba, Abaisraeli buri-izooba bakaba baijutsibwa bata ahabwa Yehova? (Kur. 16:14-16, 35; Bir. 8:2, 3)
(c) Ni makuru ki ag’akabonero agu Yesu yaahaire emaanu, kandi “omugaati oguruga omu iguru” nigutugasira guta? (Yoh. 6:31-35, 40)
2. Shoma Yoshua 5:10-12.
N’emyaka engahe ei Abaisraeli baamazire nibarya emaanu, eki kikabagyeza kita, kandi n’enki eki turikwega omu byahandikirwe ebi? (Kur. 16:35; Kub. 11:4-6; 1 Kor. 10:10, 11)
Yehova Okuheereza Amateeka Ge
1. Hahingwireho ameezi nk’abiri baherize kuruga omuri Misri, ni nkahi ei Abaisraeli baataire orusiisira?
2. N’enki eki Yehova yaagizire ngu akaba naayenda abantu bakore, kandi n’enki eki baagarukiremu?
3. Ahabw’enki Yehova yaahaire Musa ebishate bibiri by’amabaare?
4. Oyihireho Ebiragiro Ikumi, ni biragiro ki ebindi ebi Yehova yaahaire Abaisraeli?
5. Ni biragiro ki bibiri ebi Yesu Kristo yaagizire ngu nibyo birikukirayo obukuru?
Ebindi bibuuzo:
1. Shoma Okuruga 19:1-25; 20:1-21; 24:12-18; na 31:18.
Ebigambo ebihandiikirwe omu kitabo kya Okuruga 19:8 nibituhwera bita okwetegyereza ekirikutwarirwa omu kwehayo kw’Ekikristaayo (Mat. 16:24; 1 Pet. 4:1-3)
2. Shoma Eky’Ebiragiro 6:4-6; Abaleevi 19:18; na Matayo 22:36-40.
Abakristaayo nibooreka bata rukundo yaabo ahari Ruhanga n’aha bataahi? (Mak. 6:34; Byak. 4:20; Rom. 15:2)
Akanyana k’Ezaabu
1. Omu kishushani, n’enki eki abantu bariyo nibakora, kandi n’ahabw’enki?
2. Ahabw’enki Yehova aine ekiniga, kandi n’enki eki Musa akora ku areeba ebi abantu bariyo nibakora?
3. N’enki eki Musa agambira bamwe aha bashaija kukora?
4. Ni eishomo ki eri eki kitebyo kishemereire kutwegyesa?
Ebindi bibuuzo:
1. Shoma Okuruga 32:1-35.
(a) Ekihandiikirwe eki nikyoreka kita oku Yehova arikutwara okujwanzya ediini y’ebishuba n’ey’amazima (Kur. 32:4-6, 10; 1 Kor. 10:7, 11)
(b) Ni kurabura ki oku Abakristaayo bashemereire kugyenderaho baaba nibatooranaho eby’okweshemeza, nk’okweshongora hamwe n’okuzina? (Kur. 32:18, 19; Efe. 5:15, 16; 1 Yoh. 2:15-17)
(c) Oruganda rwa Leevi rukaheereza ruta eky’okureeberaho kirungi omu kuhamira aha kuhikiirira? (Kur. 32:25-28; Zab. 18:25)
Eihema ry’Okuramizamu
1. Eki kyombeko ekiri omu kishushani nikyetwa kita, kandi nikyejunisibwa nka ki?
2. Ahabw’enki Yehova yaagambiire Musa okukora eihema eryo kugira ngu ribaase kwanguha kupangururwa?
3. Ako kashanduuko omu kashengye akakye aha muheru gw’eihema niki, kandi akashanduuko ako karimu ki?
4. N’oha ou Yehova atoorana kuba omunyamurwa omukuru, kandi n’enki eki omunyamurwa omukuru akora?
5. Gamba ebintu bishatu ebiri omu kishengye ekihango eky’ihema.
6. Ni bintu ki bibiri ebiri omu mbuga y’ihema, kandi n’ebyaki?
Ebindi bibuuzo:
1. Shoma Okuruga 25:8-40; 26:1-37; 27:1-8; na 28:1.
N’enki eki baakerubi aha “shanduukye y’endagaano” barikukiikirira? (Kur. 25:20, 22; Kub. 7:89; 2 Bag. 19:15)
2. Shoma Okuruga 30:1-10, 17-21; 34:1, 2; na Abaheburaayo 9:1-5.
(a) Ahabw’enki Yehova yaayehanangiriize abanyamurwa abarikuheereza omu ihema kuba abeecumi omu mubiri, kandi eki kishemereire kutukwataho kita eri izooba? (Kur. 30:18-21; 40:30, 31; Heb. 10:22)
(b) Entumwa Paulo naayoreka ata ngu eihema n’endagaano y’ebiragiro bikaba bitakiriho obu yaahandiikira Abakristaayo Abaheburaayo ebaruha ye? (Heb. 9:1, 9; 10:1)
Entatsi 12
1. N’enki eki orikwetegyereza aha mutsitsa gw’emizaabibu omu kishushani, kandi gukaruga nkahi?
2. Ahabw’enki Musa naayohereza entatsi 12 omu nsi ya Kanaani?
3. Niki eki entatsi ikumi zaagambire obu baagaruka kumanyisa Musa?
4. Entatsi ibiri zo zikooreka zita obwesigye omuri Yehova, kandi amaziina gaabo ni gaahi?
5. Ahabw’enki Yehova aine ekiniga, kandi n’enki eki yaagambira Musa?
Ebindi bibuuzo:
1. Shoma Okubara 13:1-33.
(a) Ni baahi abaatoorainwe kutata ensi, kandi ni mugisha ki omuhango ogu baabaire baine? (Kub. 13:2, 3, 18-20)
(b) Ahabw’enki emiteekateekyere ya Yoshua na Kalebu yaabaire etari nk’ey’entatsi ziri ezindi, kandi eki nikitwegyesa ki? (Kub. 13:28-30; Mat. 17:20; 2 Kor. 5:7)
2. Shoma Okubara 14:1-38.
(a) Ni kurabura ki aha kwetomboitera abarikukiikirira Yehova omu nsi oku tushemereire kutaho omutima? (Kub. 14:2, 3, 27; Mat. 25:40, 45; 1 Kor. 10:10)
(b) Okubara 14:24 nirworeka ruta ngu we Yehova naafayo aha buri omwe omu baheereza be? (1 Bag. 19:18; Enf. 15:3)
Enkoni ya Arooni Okumeraho Ebimuri
1. Ni baahi abagomera obushoboorozi bwa Musa na Arooni, kandi niki eki bagambira Musa?
2. N’enki eki Musa yaagambira Koora n’abakuratsi be 250 kukora?
3. N’enki eki Musa yaagambiire abantu, kandi n’enki ekyabaireho yaaheza ati kugamba?
4. N’enki ekyahikire ahari Koora n’abakuratsi be 250?
5. N’enki eki Eleazaari, mutabani wa Arooni akorera ebyoterezo by’abashaija abafiire, kandi n’ahabw’enki?
6. Ahabw’enki Yehova yaareetera enkoni ya Arooni kumeraho ebimuri? (Reeba ekishushani.)
Ebindi bibuuzo:
1. Shoma Okubara 16:1-49.
(a) N’enki eki Koora n’abakuratsi be baakozire, kandi ahabw’enki kyabaire kiri ekikorwa ky’obugomi ahari Yehova? (Kub. 16:9, 10, 18; Lev. 10:1, 2; Enf. 11:2)
(b) Koora n’abakuratsi be 250 “abeebembezi b’eihanga” bakaba baine nteekateeka ki etahikire? (Kub. 16:1-3; Enf. 15:33; Isa. 49:7)
2. Shoma Okubara 17:1-11 na 26:10.
(a) Enkoni ya Arooni kumeraho ebimuri kikooreka ki, kandi ahabw’enki Yehova yaaragiire ngu ebiikwe omu shanduukye? (Kub. 17:5, 8, 10)
(b) N’eishomo ki erikuru eri turikubaasa kwegyera omu kamanyiso ak’aha nkoni ya Arooni? (Kub. 17:10; Byak. 20:28; Fil. 2:14; Heb. 13:17)
Musa Okuteera Orukiri
1. Yehova akareeberera ata Abaisraeli obu baabaire bari omu ihamba?
2. Ni kwetomboitwa kwa muringo ki oku Abaisraeli baagizire obu baasiisira ahari Kadeshi?
3. Yehova akaheereza ata abantu n’enyamaishwa amaizi?
4. Omu kishushani, omushaija oyetungire orukumu n’oha, kandi ahabw’enki yaakora ekyo?
5. Ahabw’enki Yehova yaagiriire Musa na Arooni ekiniga, kandi bakafubirwa bata?
6. N’enki ekyabaireho aha kibungo Hoori, kandi n’oha owaahindukire omunyamurwa omukuru w’Abaisraeli?
Ebindi bibuuzo:
1. Shoma Okubara 20:1-13, 22-29 na Eky’Ebiragiro 29:5.
(a) N’enki eki turikwega kuruga aha muringo gu Yehova yaareebereiremu Abaisraeli omu ihamba? (Bir. 29:5; Mat. 6:31; Heb. 13:5; Yak. 1:17)
(b) Yehova akatwara ata Musa na Arooni okuremwa kumuhaisa ekitiinisa omu maisho g’Abaisraeli? (Kub. 20:12; 1 Kor. 10:12; Kush. 4:11)
(c) Niki eki turikubaasa kwega aha muringo gu Musa yaatwairemu okuhana ku yaatungire kuruga ahari Yehova? (Kub. 12:3; 20:12, 27, 28; Bir. 32:4; Heb. 12:7-11)
Enjoka y’Omuringa
1. Omu kishushani, niki ekyezingiriire aha muti, kandi ahabw’enki Yehova yaagambiire Musa okugihanikaho?
2. Abantu n’entasiima bata omuri byona ebi Ruhanga abakoreire?
3. N’enki eki abantu baashabire Musa kukora bwanyima ya Yehova kwohereza enjoka z’obushegu kubafubira?
4. Ahabw’enki Yehova yaagambira Musa kukora enjoka y’omuringa?
5. N’enki eki turikubaasa kwega omuri eki?
Ebindi bibuuzo:
1. Shoma Okubara 21:4-9.
(a) Ni kurabura ki oku turikutunga kuruga omu ky’Abaisraeli kwetomboitera ebi Yehova yaabahaire? (Kub. 21:5, 6; Rom. 2:4)
(b) Omu byasha ebya bwanyima, Abaisraeli bakakoresa bata enjoka ey’omuringa, kandi n’enki eki Omugabe Hezekia yaakozire? (Kub. 21:9; 2 Bag. 18:1-4)
2. Shoma Yohaana 3:14, 15.
Okuta enjoka y’omuringa aha muti kikooreka gye kita okuhanikwa kwa Yesu Kristo? (Gal. 3:13; 1 Pet. 2:24)
Endogoya Okugamba
1. Balaki n’oha, kandi ahabw’enki yaatumire ahari Balamu?
2. Ahabw’enki endogoya ya Balamu yaabyama ahansi omu muhanda?
3. Niki eki Balamu yaahuriire endogoya neegamba?
4. N’enki eki maraika yaagambiire Balamu?
5. N’enki ekyabaireho Balamu ku yaagyerizeho kukyeena Israeli?
Ebindi bibuuzo:
1. Shoma Okubara 21:21-35.
Ahabw’enki Israeli yaasingwire Sihooni Omugabe w’Abaamori na Ogi Omugabe wa Bashani? (Kub. 21:21, 23, 33, 34)
2. Shoma Okubara 22:1-40.
Ekigyendererwa kya Balamu kikaba kiri ki omu kugyezaho kukyeena Israeli, kandi niki eki turikubaasa kwega omuri eki? (Kub. 22:16, 17; Enf. 6:16, 18; 2 Pet. 2:15; Yuda 11)
3. Shoma Okubara 23:1-30.
N’obu Balamu yaagambire ari nk’omuramya wa Yehova, ebikorwa bye bikooreka bita ekindi? (Kub. 23:3, 11-14; 1 Sam. 15:22)
4. Shoma Okubara 24:1-25.
Ekyahandiikirwe eki nikigumya kita okwikiriza kwaitu omu kuhikiirizibwa kw’ebigyendererwa bya Yehova? (Kub. 24:10; Isa. 54:17)
Yoshua Okuhinduka Omwebembezi
1. Omu kishushani, abo abashaija babiri abeemereire na Musa ni baahi?
2. N’enki eki Yehova agambira Yoshua?
3. Ahabw’enki Musa yaatembire ahaiguru aha Kibungo Nebo, kandi n’enki eki Yehova yaamugambiire?
4. Musa akaba aine emyaka engahi obu yaafa?
5. Ahabw’enki abantu baine enaku, kwonka ni nshonga ki eshemereire kubareetera okushemererwa?
Ebindi bibuuzo:
1. Shoma Okubara 27:12-23.
Yoshua akatunga murimo ki omuhango kuruga ahari Yehova, kandi Yehova naayoreka ata ngu naafayo aha bantu Be ebiro ebi? (Kub. 27:15-19; Byak. 20:28; Heb. 13:7)
2. Shoma Eky’Ebiragiro 3:23-29.
Ahabw’enki Yehova ataraikiriize Musa na Arooni kwambuka seeri omu nsi eyaaraganisiibwe, kandi n’enki eki turikwega omuri eki? (Bir. 3:25-27; Kub. 20:12, 13)
3. Shoma Eky’Ebiragiro 31:1-8, 14-23.
Ebigambo bya Musa ebirikuhererukayo ahari Israeli nibyoreka bita ngu n’obucureezi akaikiriza okuhana kwa Yehova? (Bir. 31:6-8, 23)
4. Shoma Eky’Ebiragiro 32:45-52.
Ekigambo kya Ruhanga kishemereire kukwata kita aha magara gaitu? (Bir. 32:47; Lev. 18:5; Heb. 4:12)
5. Shoma Eky’Ebiragiro 34:1-12.
Hoona n’obu Musa atarareebire Yehova wenyine, niki eki Eky’Ebiragiro 34:10 rurikworeka aha nkorengana ye na Yehova? (Kur. 33:11, 20; Kub. 12:8)
Rahabu Okushereka Entatsi
1. Rahabu naatuura nkahi?
2. Abo bashaija babiri omu kishushani ni baahi, kandi ahabw’enki bari omuri Yeriko?
3. N’enki eki omugabe wa Yeriko yaaragiire Rahabu kukora, kandi Rahabu akamugarukamu ata?
4. Rahabu akahwera ata aba bashaija babiri, kandi niki eky’embabazi eki yaashabire?
5. Ni kuraganisa ki oku ezi ntatsi zaakoreire Rahabu?
Ebindi bibuuzo:
1. Shoma Yoshua 2:1-24.
Okuraganisa kwa Yehova okurikushangwa omu Okuruga 23:28 kukahikiirizibwa kuta obu Abaisraeli baazinda Yeriko? (Yos. 2:9-11)
2. Shoma Abaheburaayo 11:31.
Eky’okureeberaho kya Rahabu nikyoreka kita obukuru bw’okwikiriza? (Rom. 1:17; Heb. 10:39; Yak. 2:25)
Okwambuka Omugyera Yorudani
1. Ni ky’okutangaaza ki eki Yehova yaakozire kugira ngu Abaisraeli baabaasa kwambuka Omugyera Yorudaani?
2. Ni kikorwa ki eky’okwikiriza eki Abaisraeli baine kukora okubaasa kwambuka Omugyera Yorudani?
3. Ahabw’enki Yehova naagambira Yoshua okutorotoora amabaare 12 kuruga omu mugyera?
4. N’enki ekyabaireho abanyamurwa ahonaaho ku barugire bati omuri Yorudani?
Ebindi bibuuzo:
1. Shoma Yoshua 3:1-17.
(a) Nk’oku kirikworekwa omu byahandiikirwe ebi, niki eki turikwetenga kukora okubaasa kutunga obuhwezi n’emigisha ya Yehova? (Yos. 3:13, 15; Enf. 3:5; Yak. 2:22, 26)
(b) Omugyera Yorudani gukaba guri mu muringo ki obu Abaisraeli baayambuka kuza omu Nsi Eyaraganisiibwe, kandi eki kikahaisa kita eiziina rya Yehova ekitiinisa? (Yos. 3:15; 4:18; Zab. 66:5-7)
2. Shoma Yoshua 4:1-18.
Amabaare 12 agaihirwe omuri Yorudani kandi gakasimbwa ahari Gilugaari gakaba gagyendereire kumanyisa ki? (Yos. 4:4-7)
Engo za Yeriko
1. N’enki eki Yehova agambira abashaija endwani hamwe n’abanyamurwa kukora kumara ebiro mukaaga?
2. N’enki eki abashaija baine kukora aha kiro kya mushanju?
3. Nk’oku orikureeba omu kishushani, n’enki ekiriyo nikihika aha ngo za Yeriko?
4. Ahabw’enki hariho akagoye karikutukura akarikureeretera omu dirisa?
5. Niki eki Yoshua yaagambiire abashaija endwani kukorera abantu n’orurembo, kwonka shi kandi efeeza, ezaabu, emiringa, hamwe n’ebyooma?
6. N’enki eki entatsi ziriya ibiri zaagambiirwe kukora?
Ebindi bibuuzo:
1. Shoma Yoshua 6:1-25.
(a) Okutambura kw’Abaisraeli barikwehinguririza Yeriko aha kiro kya mushanju nikushushana kuta n’emirimo y’okubuurira eya Abajurizi ba Yehova omu biro ebi eby’aha mperu? (Yos. 6:15, 16; Isa. 60:22; Mat. 24:14; 1 Kor. 9:16)
(b) Oburangi obuhandiikirwe omuri Yoshua 6:26 bukahikiirizibwa buta bwanyima y’emyaka nka 500, kandi eki nikitwegyesa ki aha kigambo kya Yehova? (1 Bag. 16:34; Isa. 55:11)
Omushuma Omuri Israeli
1. Omu kishushani, n’oha ogwo oriyo naaziika eby’eitungo ebyaihirwe Yeriko, kandi ni baahi abo abariyo nibamuhwera?
2. Ahabw’enki ekikorwa kya Akani n’eka ye kiri kibi munonga?
3. Niki eki Yehova yaagambire Yoshua ku abuuza ahabw’enki Abaisraeli basingwirwe omu rugamba ahari Ai?
4. Bwanyima ya Akani n’eka ye kureetwa omu maisho ga Yoshua, n’enki ekyababaireho?
5. Ni kikuru ki eki turikwega okuruga aha rubanja rwa Akani?
Ebindi bibuuzo:
1. Shoma Yoshua 7:1-26.
(a) Eshaara za Yoshua zikooreka ki aha bikwatiraine n’enkorengana ye n’Omuhangi we? (Yos. 7:7-9; Zab. 119:145; 1 Yoh. 5:14)
(b) Eky’okureeberaho kya Akani nikyoreka ki, kandi eki n’eky’okurabura kita ahariitwe? (Yos. 7:11, 14, 15; Enf. 15:3; 1 Tim. 5:24; Heb. 4:13)
2. Shoma Yoshua 8:1-29.
Ni bujunaanizibwa ki obu buri omwe aine aha kibiina Ekikristaayo omu bunaku obu? (Yos. 7:13; Lev. 5:1; Enf. 28:13)
Aba Gibeoni Abanyabwengye
1. Aba Gibeoni n’ab’omutaano bata aha Bakanaani ab’omu ndembo ezibahereire?
2. Nk’oku kirikworekwa omu kishushani, n’enki eki aba Gibeoni baakozire, kandi n’ahabw’enki?
3. Ni kuraganisa ki oku Yoshua n’abakuru b’Abaisraeli baakoreire aba Gibeoni, kwonka niki eki baazoire bwanyima y’ebiro bishatu?
4. N’enki ekyabaireho abagabe omu ndembo ezindi ku baahuriire ngu aba Gibeoni bakozire endagaano y’obusingye na Israeli?
Ebindi bibuuzo:
1. Shoma Yoshua 9:1-27.
(a) Obu Yehova yaabaire yaaragiire eihanga rya Israeli ‘okuhwerekyereza abatwire omu nsi egyo boona,’ ni mitwarize ki erikweyorekyera omuri Ruhanga kusaasira aba Gibeoni? (Yos. 9:22, 24; Mat. 9:13; Byak. 10:34, 35; 2 Pet. 3:9)
(b) Arikuhamira aha ndagaano ei yaakozire n’aba Gibeoni, Yoshua akateeraho ata Abakristaayo eky’okureeberaho obwahati? (Yos. 9:18, 19; Mat. 5:37; Efe. 4:25)
2. Shoma Yoshua 10:1-5.
Ni mu muringo ki ogu abantu nyamwingi abaine amatsiko g’okutuura omu nsi barikutoorezamu Aba Gibeoni, batyo beeta omu kabi ki? (Yos. 10:4; Zek. 8:23; Mat. 25:35-40; Kush. 12:17)
Eizooba Okuguma Ryemereire
1. Omu kishushani, n’enki eki Yoshua ariyo naagamba, kandi n’ahabw’enki?
2. Yehova akahwera ata Yoshua n’abashaija be abarwani?
3. Yoshua akasingura abagabe abazigu bangahi, kandi eki kikatwara bwire ki?
4. Ahabw’enki Yoshua naabaganisa eitaka rya Kanaani?
5. Yoshua akaba aine emyaka engahi obu afa, kandi n’enki ekyahikire aha bantu bwanyima?
Ebindi bibuuzo:
1. Shoma Yoshua 10:6-15.
Okumanya ngu Yehova akeemereza eizooba n’okwezi ahabwa Abaisraeli, twine bwesigye ki eri izooba? (Yos. 10:8, 10, 12, 13; Zab. 18:3; Enf. 18:10)
2. Shoma Yoshua 12:7-24.
Buzimazima n’oha owaarugiirireho okusingurwa kw’abagabe 31 ab’omu Kanaani, kandi ahabw’enki eki kiri kikuru ahariitwe eri izooba? (Yos. 12:7; 24:11-13; Bir. 31:8; Luka 21:9, 25-28)
3. Shoma Yoshua 14:1-5.
Ensi ekabaganisizibwa eta enganda za Israeli, kandi eki nikyoreka ki aha bikwatiraine n’obuhunguzi omu Kibanja kya Ruhanga? (Yos. 14:2; Isa. 65:21; Ezk. 47:21-23; 1 Kor. 14:33)
4. Shoma Abaramuzi 2:8-13.
Nka Yoshua omuri Israeli, ni baahi eri izooba abarikukora nk’ekirikuzibira ebirikuhakanisa? (Bar. 2:8, 10, 11; Mat. 24:45-47; 2 Tes. 2:3-6; Tit. 1:7-9; Kush. 1:1; 2:1, 2)
Abakazi Babiri Emanzi
1. Abaramuzi ni baahi, kandi agamwe aha maziina gaabo ni gaahi?
2. Ni mugisha ki ogw’omutaano ogu Debora aine, kandi nigutwariramu ki?
3. Israeli ku yaatiinatinisiibwe Omugabe Yabini hamwe n’omukuru w’amahe ge Sisera, ni butumwa ki kuruga ahari Yehova obu Debora yaahaire Omuramuzi Balaki kandi n’oha ou yaagizire ngu akaba naija kuheebwa ekitiinisa?
4. Yayeli akooreka ata ngu n’omukazi emanzi?
5. N’enki ekyabaireho aha nyima y’okufa kw’Omugabe Yabini?
Ebindi bibuuzo:
1. Shoma Abaramuzi 2:14-22.
Abaisraeli bakereetaho bata ekiniga kya Yehova, kandi n’enki eki turikubaasa kwega omuri eki? (Bar. 2:20; Enf. 3:1, 2; Ezk. 18:21-23)
2. Shoma Abaramuzi 4:1-24.
Ni by’okwega ki ebikwatiraine n’okwikiriza n’obumanzi ebi abakazi Abakristaayo barikubaasa kwegyera omu by’okureeberaho bya Debora na Yayeli? (Bar. 4:4, 8, 9, 14, 21, 22; Enf. 31:30; 1 Kor. 16:13)
3. Shoma Abaramuzi 5:1-31.
Ekyeshongoro ky’okusingura ekya Balaki na Debora nikibaasa kita kwejunisibwa nk’okushaba aha bikwatiraine n’orugamba rwa Haramagedoni orurikwija? (Bar. 5:3, 31; 1 Bus. 16:8-10; Kush. 7:9, 10; 16:16; 19:19-21)
Ruusi na Naomi
1. Naomi akaija ata kuba omu nsi ya Moabu?
2. Ruusi na Orupa ni baahi?
3. Ruusi na Orupa bakakora ki Naomi ku yaabagambiire kugaruka omuri beene waabo?
4. Boazi n’oha, kandi akahwera ata Ruusi na Naomi?
5. Eiziina ry’omwana ou Ruusi yaazaariire Boazi ni riiha, kandi ahabw’enki tushemereire kumwijuka?
Ebindi bibuuzo:
1. Shoma Ruusi 1:1-17.
(a) Ni bigambo ki ebya rukundo n’obwesigwa ebyagambirwe Ruusi? (Rus. 1:16, 17)
(b) Omutima murungi gwa Ruusi nigworeka kurungi guta enteekateeka ei “entaama ezindi” ziine aha bashukirweho amajuta abari omu nsi obwahati? (Yoh. 10:16; Zek. 8:23)
2. Shoma Ruusi 2:1-23.
Ruusi naateeraho ata abakazi abato eky’okureeberaho kirungi obwahati? (Rus. 2:17, 18; Enf. 23:22; 31:15)
3. Shoma Ruusi 3:5-13.
(a) Boazi akatwara ata Ruusi okweyikiririza kumushwerwa omu mwanya gw’okushwerwa omutsigazi muto?
(b) Emitwarize ya Ruusi netwegyesa ki aha bikwatiraine n’okugira rukundo? (Rus. 3:10; 1 Kor. 13:4, 5)
4. Shoma Ruusi 4:7-17.
Abashaija Abakristaayo ab’ebiro ebi nibabaasa bata kuba nka Boazi? (Rus. 4:9, 10; 1 Tim. 3:1, 12, 13; 5:8)
Gideoni n’Abashaija Be 300
1. Ni mu muringo ki kandi n’ahabw’enki Abaisraeli bari omu kabi kahango?
2. Ahabw’enki Yehova naagambira Gideoni ngu aine abashaija baingi omu ihe rye?
3. N’abashaija bangahi abaatsigaireho bwanyima ya Gideoni kugambira abashaija abatiini kugaruka omuka?
4. Kurugiirira aha kishushani, shoborora oku Yehova yaakyenderize omuhendo gw’amahe ga Gideoni kuhika aha bashaija 300 bonka.
5. Gideoni akatebeekanisa ata abashaija be 300, kandi Israeli ekasingura eta orugamba?
Ebindi bibuuzo:
1. Shoma Abaramuzi 6:36-40.
(a) Gideoni akahamya ata eki Yehova arikukunda?
(b) Itwe eri izooba nituzoora tuta eki Yehova arikwenda? (Enf. 2:3-6; Mat. 7:7-11; 2 Tim. 3:16, 17)
2. Shoma Abaramuzi 7:1-25.
(a) Niki eki turikwega aha bashaija 300 abaatsigaire bazoire amaisho obagyeraniise n’abo abaayorekire obutafayo? (Bar. 7:3, 6; Rom. 13:11, 12; Efe. 5:15-17)
(b) Nk’oku aba 300 baayegire barikwetegyereza ‘Gideoni, nitwega tuta turikwetegyereza Yesu Kristo, Gideoni orikukira obukuru, ? (Bar. 7:17; Mat. 11:29, 30; 28:19, 20; 1 Pet. 2:21)
(c) Abaramuzi 7:21 nirutuhwera ruta kuhurira tumazirwe okuheereza Yehova hoona-hoona ei turikutumwa omu kibiina Kye? (1 Kor. 4:2; 12:14-18; Yak. 4:10)
3. Shoma Abaramuzi 8:1-3.
Ku kirikuhika aha kushobororamu obutetegyerezana ahagati y’ab’eishe-emwe, niki eki turikwega omu muringo gu Gideoni yaashoboroiremu obutaikirizana bwe n’abantu ba Efuraimu? (Enf. 15:1; Mat. 5:23, 24; Luk. 9:48)
Okuraganisa kwa Yefusa
1. Yefusa niwe oha, kandi akabaho mu bwire ki?
2. Ni kuraganisa ki oku Yefusa yaakoreire Yehova?
3. Ahabw’enki Yefusa yaagizire enaku nyingi obu yaagaruka omuka arikuruga kusingura Abaamoni?
4. N’enki eki muhara wa Yefusa yaagambire ku yaamanyire okuraganisa oku Ishe yaakozire?
5. Ahabw’enki abantu nibakunda muhara wa Yefusa?
Ebindi bibuuzo:
1. Shoma Abaramuzi 10:6-18.
Ni kurabura ki oku tushemereire kukuratira kuruga omu bihandiikirwe aha butari bwesigwa bwa Israeli ahari Yehova? (Bar. 10:6, 15, 16; Rom. 15:4; Kush. 2:10)
2. Shoma Abaramuzi 11:1-11, 29-40.
(a) Nitumanya tuta ngu ekya Yefusa okuhayo muhara we ‘nk’ekitambo ekyokize’ kikaba kitarikumanyisa okumuhayo nk’ekitambo ekyokize? (Bar. 11:31; Lev. 16:24; Bir. 18:10, 12)
(b) Ni mu muringo ki ogu Yefusa yaahaireyo muhara we nk’ekitambo?
(c) N’enki eki turikubaasa kwega kuruga aha ku Yefusa yaatwairemu okuraganisa kwe ahari Yehova? (Bar. 11:35, 39; Mub. 5:4, 5; Mat. 16:24)
(d) Muhara wa Yefusa n’eky’okureeberaho kirungi kita aha Bakristaayo abato omu buheereza obw’obutwire bwona? (Bar. 11:36; Mat. 6:33; Fil. 3:8)
Omushaija Orikukirirayo Kimwe Amaani
1. Eiziina ry’omushaija orikukirirayo kimwe amaani orabaireho ni riiha kandi n’oha owaamuhaire amaani ago?
2. Eizooba rimwe, n’enki eki Samusooni yaakoreire ekicuncu kihango, nk’oku orikureeba omu kishushani?
3. Ni kihama ki eki Samusooni ariyo naagambira Delila omu kishushani, kandi kikamuhitsya kita aha kukwatwa Abafilistia?
4. Samusooni akabaasa ata kwita Abafilistia abazigu 3,000 aha izooba eri yaafeereireho?
Ebindi bibuuzo:
1. Shoma Abaramuzi 13:1-14.
Manoa n’omukazi we nibateeraho bata abazaire eky’okureeberaho ekirungi omu kukuza abaana baabo? (Bar. 13:8; Zab. 127:3; Efe. 6:4)
2. Shoma Abaramuzi 14:5-9 na 15:9-16.
(a) Ebihandiikirwe ebya Samusooni arikwita ekicuncu, okucwa emigoye misya eyaabaire emukomire, hamwe n’okwejunisa eigufa ry’orushaya rw’omwana gw’endogoya okwita abashaija 1,000 nibyoreka ki aha ku omwoyo wa Ruhanga arikukora?
(b) Omwoyo orikwera naatuhwera ata ebiro ebi? (Bar. 14:6; 15:14; Zek. 4:6; Byak. 4:31)
3. Shoma Abaramuzi 16:18-31.
Ebigombe bibi bikakora ki ahari Samusooni, kandi n’enki eki turikubaasa kwega omuri eki? (Bar. 16:18, 19; 1 Kor. 15:33)
Omwojo Muto Okuheereza Ruhanga
1. Eiziina ry’ogu mwojo muto omu kishushani ni riiha, kandi abandi aba bo ni baahi?
2. Ni shaara ki ei Haana yaashabire obu yaijaho omu ihema rya Yehova, kandi Yehova akamugarukamu ata?
3. Samueli akaba aine emyaka engahe obu yaatwarwa kuheereza Yehova omu ihema rye, kandi niki eki nyina yaabaire amukorera buri mwaka?
4. Amaziina ga batabani ba Eli ni gaahi, kandi n’abashaija ba muringo ki?
5. Yehova akeeta ata Samueli, kandi ni butumwa ki obu Yaamuhaire?
6. Samueli akahinduka ki ku yaakuzire, kandi n’enki ekyabaireho yaaheza kukurira kimwe?
Ebindi bibuuzo:
1. Shoma1 Samueli 1:1-28.
(a) Ni ky’okureeberaho ki ekirungi aha beebembezi omu maka eki Elukaana yaataireireho omu kutwara obwebembezi omu kuramya okw’amazima? (1 Sam. 1:3, 21; Mat. 6:33; Fil. 1:10)
(b) N’enki eki turikubaasa kwega kuruga aha muringo gu Haana yaatwarizemu obushoberwa?
2. Shoma 1 Samueli 2:11-36.
Eli akaheereza ata batabani be ekitiinisa okukira Yehova, kandi eki n’eky’okurabura kita ahariitwe? (1 Sam. 2:22-24, 27, 29; Bir. 21:18-21; Mat. 10:36, 37)
3. Shoma 1 Samueli 4:16-18.
Ni butumwa ki bw’emirundi ena obw’enaku obwarugire omu rugamba, kandi bukakwata buta ahari Eli?
4. Shoma 1 Samueli 8:4-9.
Israeli ekagwisa kubi Yehova eta, kandi n’obwesigwa nitubaasa tuta okushagika Obukama bwe eri izooba? (1 Sam. 8:5 7; Yoh. 17:16; Yak. 4:4)
Saulo—Omugabe wa Israeli w’Okubanza
1. Omu kishushani, Samueli naakora ki, kandi n’ahabw’enki?
2. Ahabw’enki Yehova naakunda Saulo, kandi Saulo n’omuntu wa muringo ki?
3. Eiziina rya mutabani wa Saulo ni riiha, kandi n’enki eki yaakozire?
4. Ahabw’enki Saulo naahayo ekitambo omu mwanya gw’okurindirira Samueli kukihayo?
5. Niki eki turikubaasa kwega aha bihandikirwe ebi ebirikukwata ahari Saulo?
Ebindi bibuuzo:
1. Shoma 1 Samueli 9:15-21 na 10:17-27.
Obucureezi bwa Saulo bukamuyamba buta okwetantara okurahukiiriza kugira eki yaakora obu abashaija baamugambireho omu muringo gutarikumuheereza kitiinisa? (1 Sam. 9:21; 10:21, 22, 27; Enf. 17:27)
2. Shoma 1 Samueli 13:5-14.
Ni kibi ki eki Saulo yaakozire ari Gilugaari (1 Sam. 10:8; 13:8, 9, 13)?
3. Shoma 1 Samueli 15:1-35.
(a) Ni kibi ki eky’amaani eki Saulo yaakozire ekiine akakwate na Agagi, omugabe w’Abaameleki? (1 Sam. 15:2, 3, 8, 9, 22)
(b) Saulo akagyezaho ata kwekwatsakwatsa n’okweihaho orubanja? (1 Sam. 15:24)
(c) Ni kurabura ki oku tushemereire kugyenderaho obwahati twaheebwa okuhabura? (1 Sam. 15:19-21; Zab. 141:5; Enf. 9:8, 9; 11:2)
Ruhanga Okutoorana Daudi
1. Eiziina ry’ogu mwojo omu kishushani ni riiha, kandi nitumanya tuta ngu n’emanzi?
2. Daudi naatuura nkahi, eiziina ry’ishe ni riiha kandi ery’ishenkuru ni riiha?
3. Ahabw’enki Yehova yaagambiire Samueli okuza omu nju ya Yese omuri Betelehemu?
4. N’enki ekyabaireho obu Yese yaareetaire Samueli abatabani be mushanju?
5. Ku baareetsire Daudi, n’enki eki Yehova yaagambiire Samueli?
Ebindi bibuuzo:
1. Shoma1 Samueli 17:34, 35.
Ebyabaireho ebi nibigumya bita obumanzi bwa Daudi n’obwesigye bwe omuri Yehova? (1 Sam. 17:37)
2. Shoma 1 Samueli 16:1-14.
(a) Ebigambo bya Yehova eby’omu 1 Samueli 16:7 nibituyamba bita okutashoroora hamwe n’okwetantara okugira okubangaanisa aha muntu obwo nitwihirira aha kyemerero? (Byak. 10:34, 35; 1 Tim. 2:4)
(b) Eky’okureeberaho kya Saulo nikyoreka kita ngu Yehova ku arikwiha omwoyo we aha muntu, omwanya ogwo nigugibwamu omwoyo omubi, nari ebyetengo by’okukora ebitahikire? (1 Sam. 16:14; Mat. 12:43-45; Gal. 5:16)
Daudi na Goliasi
1. Goliasi akaba ateera ata eihe rya Israeli eibanja?
2. Goliasi nimuhango kwingana ki, kandi ni kiconco ki eki Omugabe Saulo yaaraganiise kuha omushaija oriita Goliasi?
3. N’enki eki Daudi yaagambire obu Saulo yaamugambira ngu tarikubaasa kurwanisa Goliasi ngu ahabw’okuba Daudi n’omwojo muto?
4. Omu kugarukamu Goliasi, Daudi akooreka ata obwesigye bwe omuri Yehova?
5. Nk’oku orikureeba omu kishushani, n’enki eki Daudi yaakoreise okwita Goliasi, kandi n’enki ekyahikire aha Bafilistia ahanyima y’eki?
Ebindi bibuuzo:
1. Shoma 1 Samueli 17:1-54.
(a) Ekihama ky’obumanzi bwa Daudi kikaba kiri kiiha, kandi nitubaasa tuta kutooreza obumanzi bwe?
(b) Ahabw’enki Abakristaayo bashemereire kwetantara omwoyo gw’okuhayahayana nk’ogwo ogwa Goliasi baaba nibejumba omu mizaano n’eby’okweshemeza? (1 Sam. 17:8; Gal. 5:26; 1 Tim. 4:8)
(c) Ebigambo bya Daudi nibyoreka bita ngu akaba aine obuhwezi bwa Ruhanga? (1 Sam. 17:45-47; 2 Bus. 20:15)
(d) Kutari kugira ngu n’orugamba rw’ahagati y’amahe g’embaju ibiri kwonka, ebyahandikirwe ebi nibyoreka bita ngu buzima orugamba rukaba ruri ahagati ya baaruhanga b’ebishuba na Ruhanga ow’amazima, Yehova? (1 Sam. 17:43, 46, 47)
(e) Abashukirweho amajuta abatsigaireho nibatooreza bata eky’okureeberaho kya Daudi omu kwesiga Yehova? (1 Sam. 17:37; Yer. 1:17-19; Kush. 12:17)
Enshonga Ahabwaki Daudi Aine Kuhunga
1. Ahabw’enki Saulo ainiire Daudi eihari, kwonka Yonasaani mutabani wa Saulo we n’ow’omutaano ata?
2. N’enki ekyabaireho eizooba rimwe obu Daudi yaabaire naateerera Saulo enanga
3. N’enki eki Saulo yaagizire ngu Daudi aine kukora atakataahize omuhara Mikaali kuba omukazi we, kandi ahabw’enki Saulo naagira atyo?
4. Daudi ku yaateeraire Saulo enanga, n’enki ekyabaireho omurundi gwa kashatu, nk’oku ekishushani kirikworeka?
5. Mikaali akahwera ata omu kujuna amagara ga Daudi, kandi n’enki eki Daudi aine kukora okumara emyaka mushanju?
Ebindi bibuuzo:
1. Shoma 1 Samueli 18:1-30.
(a) Rukundo y’entacweka ei Yonasaani yaabaire ainiire Daudi ekooreka eta rukundo ehamire eriho rwagati ‘y’entaama ezindi’ hamwe ‘n’obusyo obukye’? (1 Sam. 18:1; Yoh. 10:16; Luk. 12:32; Zek. 8:23)
(b) Nk’oku kiri ngu Yonasaani niwe yaabaire naija kuhinduka omuhunguzi wa Saulo, 1 Samueli 18:4 nirworeka ruta obuhurizi bwa Yonasaani ahari ogwo owaatoorainwe kuba omugabe?
(c) Eky’okureeberaho kya Saulo nikyoreka kita ngu eihari nirihitsya omu kibi ky’amaani, kandi eki nikiturabura kita? (1 Sam. 18:7-9, 25; Yak. 3:14-16)
2. Shoma 1 Samueli 19:1-17.
Yonasaani akata ata amagara ge omu kabi obu yaagambira Saulo ebirikukwata ahari Daudi? (1 Sam. 19:1, 4-6; Enf. 16:14)
Abigaili na Daudi
1. Eiziina ry’ogwo mukazi orikwija kubugana Daudi omu kishushani ni riiha, kandi ni mukazi wa muringo ki?
2. Nabali niwe oha?
3. Ahabw’enki Daudi yaayohereize abashaija be okushaba Nabali obuhwezi?
4. N’enki eki Nabali yaagambiire abashaija ba Daudi, kandi Daudi akacwamu kukora ki?
5. Abigaili akooreka ata ngu n’omukazi w’obwengye?
Ebindi bibuuzo:
1. Shoma1 Samueli 22:1-4.
Eka ya Daudi ekaheereza ata eky’okureeberaho kirungi aha ku tushemereire kuhwerahwerana omu bw’eishe-emwe bw’Ekikristayo? (Enf. 17:17; 1 Tes. 5:14)
2. Shoma 1 Samueli 25:1-43.
(a) Ahabw’enki Nabali naashobororwaho nk’omushaija w’emicwe mibi? (1 Sam. 25:2-5, 10, 14, 21, 25)
(b) N’enki eki abakazi Abakristaayo barikubaasa kwega omu ky’okureeberaho kya Abigaili? (1 Sam. 25:32, 33; Enf. 31:26; Efe. 5:24)
(c) Abigaili akazibira Daudi kukora bintu ki bibiri ebibi? (1 Sam. 25:31, 33; Rom. 12:19; Efe. 4:26)
(d) Oku Daudi yaayakiiremu ebigambo bya Abigaili nikuhwera kuta abashaija okugira enteekateeka ei Yehova aine aha bakazi? (Byak. 21:8, 9; Rom. 2:11; 1 Pet. 3:7)
Daudi Okuhindurwa Omugabe
1. N’enki eki Daudi na Abishai baakozire obu Saulo yaabaire abyami omu rusiisira?
2. Ni bibuuzo ki ebi Daudi yaabuuriize Saulo?
3. Bwanyima y’okuruga ahari Saulo, ni nkahi ei Daudi yaagiire?
4. N’enki ekyareetaire Daudi kugira amaganya, kuhika n’aha kuhandiika ekyeshongoro kirungi?
5. Daudi akaba aine emyaka engahi obu yaahindurwa omugabe omuri Heburooni, kandi gamwe aha maziina g’abatabani be ni gaahi?
6. Ni nkahi ei Daudi bwanyima yaategyekire nk’omugabe?
Ebindi bibuuzo:
1. Shoma 1 Samueli 26:1-25.
(a) Ebigambo bya Daudi ebihandiikirwe omuri 1 Samueli 26:11 nibyoreka nteekateeka ki ey’okugira aha ntebeekanisa ya Ruhanga? (Zab. 37:7; Rom. 13:2)
(b) Twagyezaho n’agaitu goona okworeka rukundo n’embabazi kwonka tutasiimwe, ebigambo bya Daudi ebirikushangwa omuri 1 Samueli 26:23 nibituhwera bita okuguma twine enteekateeka ehikire? (1 Bag. 8:32; Zab. 18:20)
2. Shoma 2 Samueli 1:26.
Abakristaayo nibabaasa bata kwongyera aha ‘kugirirana rukundo ehamire’ nk’ei Daudi na Yonasaani baabaire baine? (1 Pet. 4:8; Kol. 3:14; 1 Yoh. 4:12)
3. Shoma 2 Samueli 5:1-10.
(a) Daudi akamara bwire ki naategyeka nk’omugabe, kandi obunaku obwo bukabaganisibwamu buta?
(b) N’oha oshemereire kuheebwa ekitiinisa ahabw’ebyo byona ebi Daudi yaakozire, kandi eki nikikora kita nikitwijutsya ki ebiro ebi? (2 Sam. 5:10; 1 Sam. 16:13; 1 Kor. 1:31; Fil. 4:13)
Emirabanamu omu Nju ya Daudi
1. N’obuhwezi bwa Yehova, n’enki ekyahikire aha nsi ya Kanaani aha muheru?
2. N’enki ekyabaireho omu mwabazyo gumwe Daudi ku aba ari ahaiguru y’enju omu kikaari kye?
3. Ahabw’enki Yehova ainiire Daudi ekiniga?
4. Omu kishushani, n’oha ou Yehova yaayohereize kugambira Daudi eby’ekibi kye, kandi n’enki eki ogwo mushaija yaagizire ngu kiryahika ahari Daudi?
5. Ni mirabanamu ki ei Daudi yaagizire?
6. Ahanyima ya Daudi, n’oha owaahindukire omugabe wa Israeli?
Ebindi bibuuzo:
1. Shoma 2 Samueli 11:1-27.
(a) Okwejumba obutoosha omu kuheereza Yehova nikiturinda kita?
(b) Daudi akagwa ata omu kibi, kandi eki nikirabura kita abaheereza ba Yehova omu bunaku obu? (2 Sam. 11:2; Mat. 5:27-29; 1 Kor. 10:12; Yak. 1:14, 15)
2. Shoma 2 Samueli 12:1-18.
(a) Niki eki abareeberezi n’abazaire barikubaasa kwega kuruga aha muringo gu Nasani yaahikiriiremu Daudi okumuheereza obuhabuzi? (2 Sam. 12:1-4; Enf. 12:18; Mat. 13:34)
(b) Ahabw’enki Yehova yaagiriire Daudi embabazi?
Sulemaani Omugabe Omunyabwengye
1. N’enki eki Yehova yaabuurize Sulemaani, kandi Sulemaani akagarukamu ata?
2. Ahabw’okushemerererwa ebi Sulemaani yaashabire, n’enki eki Yehova yaaraganiise kumuheereza?
3. Ni nshonga ki egumire ei abakazi babiri baareetaire Sulemaani?
4. Nk’oku orikureeba omu kishushani, Sulemaani akashoborora ata enshonga egyo?
5. Obutegyeki bwa Sulemaani bukaba buri buta, kandi n’ahabw’enki?
Ebindi bibuuzo:
1. Shoma 1 Abagabe 3:3-28.
(a) Abashaija abarikuheebwa obushoboorozi omu kibiina kya Ruhanga ebiro ebi nibabaasa kwega ki kuruga omu bigambo bya Sulemaani eby’omu 1 Abagabe 3:7? (Zab. 119:105; Enf. 3:5, 6)
(b) Okushaba kwa Sulemaani n’eky’okureeberaho kirungi kita aha bintu ebihikire ebi tushemereire kushaba? (1 Bag. 3:9, 11; Enf. 30:8, 9; 1 Yoh. 5:14)
(c) Omuringo gu Sulemaani yaashoboroiremu orubanja rw’abakazi babiri nigutuha bwesigye ki aha bikwatiraine n’obutegyeki bw’omu biro by’omu maisho obwa Yesu Kristo, Sulemaani orikukira obukuru? (1 Bag. 3:28; Isa. 9:6, 7; 11:2-4)
2. Shoma 1 Abagabe 4:29-34.
(a) Yehova akagarukamu ata okushaba kwa Sulemaani okuheebwa omutima gw’obuhurizi? (1 Bag. 4:29)
(b) Turikureeba oku abantu baataireho amaani kuhurira ebigambo bya Sulemaani eby’obwengye, ni nteekateeka ki ei tushemereire kugira aha kwega Ekigambo kya Ruhanga? (1 Bag. 4:29, 34; Yoh. 17:3; 2 Tim. 3:16)
Sulemaani Okwombeka Hekalu
1. Sulemaani akamara bwire ki arikwombeka Hekalu ya Yehova, kandi n’ahabw’enki hekalu egyo yaatwire empiiha nyingi?
2. Hekalu eine ebishengye ebikuru bingahe, kandi n’enki ekyataibwe omu kishengye eky’omunda?
3. N’enki eki Sulemaani yaagambire omu shaara ye obu hekalu yaahwa kwombekwa?
4. Yehova akooreka ata ngu akashemerererwa eshaara ya Sulemaani?
5. Abakazi ba Sulemaani bakamureetera kukora ki, kandi n’enki ekyahikire ahari Sulemaani?
6. Ahabw’enki Yehova yaitiirwe Sulemaani ekiniga, kandi n’enki eki Yehova yaamugambiire?
Ebindi bibuuzo:
1. Shoma 1 Obusingye 28:9, 10.
Turikwetegyereza ebigambo bya Daudi eby’omu 1 Obusingye 28:9, 10, n’enki eki tushemereire kutaho amaani kukora omu magara gaitu aga butoosha? (Zab. 19:14; Fil. 4:8, 9)
2. Shoma 2 Obusingye 6:12-21, 32-42.
(a) Sulemaani akooreka ata ngu tihaine kyombeko ky’omuntu ekirikubaasa kuhikwamu Ruhanga Rukira Boona? (2 Bus. 6:18; Byak. 17:24, 25)
(b) Ebigambo bya Sulemaani ebirikushangwa omu 2 Obusingye 6:32, 33 nibyoreka ki ahari Yehova? (Byak. 10:34, 35; Gal. 2:6)
3. Shoma 2 Obusingye 7:1-5.
Nk’oku abaana ba Israeli baahimbiise Yehova ahabw’okureeba ekitiinisa kye, itwe obwahati tushemereire kukwatwaho tuta ku turikwecumintiriza aha migisha ya Yehova aha bantu be? (2 Bus. 7:3; Zab. 22:22; 34:1; 96:2)
4. Shoma 1 Abagabe 11:9-13.
Amagara ga Sulemaani nigooreka gata obukuru bw’okuguma turi abeesigwa okuhika aha muheru? (1 Bag. 11:4, 9; Mat. 10:22; Kush. 2:10)
Obugabe Bwabaganisibwamu
1. Amaziina g’abashaija babiri abari omu kishushani ni gaahi, kandi bo ni baahi?
2. N’enki eki Ahiya yaakorera ekanzu ei ajwaire, kandi ekyo kikorwa nikimanyisa ki?
3. N’enki eki Sulemaani yaagyerizeho kukorera Yeroboamu?
4. Ahabw’enki abantu baahindwire Yeroboamu omugabe w’enganda ikumi?
5. Ahabw’enki Yeroboamu naakora obunyana bubiri bw’ezaabu, kandi n’enki ekyahikire aha nsi yaabo bwanyima y’omwanya mukye?
6. N’enki ekyahikire aha bugabe bw’enganda ibiri hamwe na Hekalu ya Yehova omuri Yerusaalemu?
Ebindi bibuuzo:
1. Shoma 1 Abagabe 11:26-43.
Yeroboamu akaba ari muntu wa muringo ki, kandi n’enki eki Yehova yaamuraganiise ku yaakukuratiire ebiragiro Bye? (1 Bag. 11:28, 38)
2. Shoma 1 Abagabe 12:1-33.
(a) Kurugiirira aha ky’okureeberaho kibi kya Yeroboamu, n’enki eki abazaire n’abareeberezi barikubaasa kwega aha bikwatiraine n’okukoresa kubi obushoboorozi? (1 Bag. 12:13; Mub. 7:7; 1 Pet. 5:2, 3)
(b) N’oha ou eminyeeto y’eri-izooba eshemereire kwebuuzaho okutunga obuhabuzi obuhikire baaba baine ebikuru eby’okucwamu omu magara? (1 Bag. 12:6, 7; Enf. 1:8, 9; 2 Tim. 3:16, 17; Heb. 13:7)
(c) N’enki ekyareetaire Yeroboamu kutaho emyanya ebiri ey’okuramizamu akanyena, kandi eki nikyoreka kita okutagira kwikiriza okurengaine omuri Yehova? (1 Bag. 11:37; 12:26-28)
(d) N’oha owaayebembeire abantu b’obugabe bw’enganda ikumi omu kugomera okuramya okw’amazima? (1 Bag. 12:32, 33)
Yezebeeli—Omugabekazi Omwinazi
1. Yezebeeli niwe oha?
2. Ahabw’enki eizooba rimwe Omugabe Ahabu yaatuntwire?
3. N’enki eki Yezebeeli yaakozire okunyagira iba omusiri gwa Nabosi ogw’emizaabibu?
4. N’oha ou Yehova yaayohereize okufubira Yezebeeli?
5. Nk’oku orikureeba omu kishushani, n’enki ekyabaireho Yehu ku yaahikire omu kikaari kya Yezebeeli?
Ebindi bibuuzo:
1. Shoma 1 Abagabe 16:29-33 na 18:3, 4.
Embeera omuri Israeli zikaba ziri mbi kwingana ki omu butegyeki bw’Omugabe Ahabu? (1 Bag. 14:9)
2. Shoma 1 Abagabe 21:1-16.
(a) Nabosi akooreka ata obumanzi n’obwesigwa ahari Yehova? (1 Bag. 21:1-3; Lev. 25:23-28)
(b) Kuruga omu ky’okureeberaho kya Ahabu, n’enki eki turikwega ebikwatiraine n’okwemeramu okugwisibwa kubi? (1 Bag. 21:4; Rom. 5:3-5)
3. Shoma 2 Abagabe 9:30-37.
N’enki eki turikwega kuruga aha bweziriki bwa Yehu omu kukora ebi Ruhanga akunda? (2 Bag. 9:4-10; 2 Kor. 9:1, 2; 2 Tim. 4:2)
Yehoshafaati Okwesiga Yehova
1. Yehoshafaati n’oha, kandi naatuuraho mu bwire ki ?
2. Ahabw’enki Abaisraeli batiinire, kandi n’enki eki baingi omuri bo bakora?
3. Yehova akagarukamu ata eshaara ya Yehoshafaati?
4. N’enki eki Yehova yaabaisizeho orutaro rutakatandikire?
5. Niki eki turikubaasa kwega kuruga ahari Yehoshafaati?
Ebindi bibuuzo:
1. Shoma 2 Obusingye 20:1-30.
(a) Yehoshafaati akooreka ata eki abaheereza ba Ruhanga abeesigwa bashemereire kukora baayorekyerera embeera erikwerarikiriza? (2 Bus. 20:12; Zab. 25:15; 62:1)
(b) Obu obutoosha Yehova atuura naayejunisa omuhanda gw’okuhurizana yaaba naakorengana n’abantu be, ni muhanda ki ogu arikwejunisa ebiro ebi? (2 Bus. 20:14, 15; Mat. 24:45-47; Yoh. 15:15)
(c) Ruhanga ku aritandikaho “[o]rugamba orw’ekiro kikuru kya Ruhanga ow’obushoboorozi bwona,” embeera yaitu eryashushana eta nk’egyo eya Yehoshafaati? (2 Bus. 20:15, 17; 32:8; Kush. 16:14, 16)
(d) Barikutooreza Abaleevi, baapayoniya n’abamiishani nibahagira bata omurimo gw’okubuurira omu nsi yoona obwahati? (2 Bus. 20:19, 21; Rom. 10:13-15; 2 Tim. 4:2)
Aboojo Babiri Abaahimbuukire
1. Aba bantu bashatu aha omu kishushani ni baahi, kandi n’enki ekyaba ahari ogu mwojo muto?
2. N’enki eki Eliya yaashabire aha bikwatiraine n’omwojo, kandi n’enki ekyabaireho bwanyima?
3. Eiziina ry’omuhwezi wa Eliya ni riiha?
4. Ahabw’enki Elisa yaayetsirwe kuza omu ka y’omukazi omuri Shuneemu?
5. Niki eki Elisa yaakora, kandi n’enki ekyahika aha mwana ofiire?
6. Yehova aine maani ki, nk’oku kirikweyorekyera omuri Eliya na Elisa?
Ebindi bibuuzo:
1. Shoma 1 Abagabe 17:8-24.
(a) Obwesigwa n’obuhurizi bwa Eliya bikagyezibwa bita? (1 Bag. 17:9; 19:1-4, 10)
(b) Ahabw’enki okwikiriza kw’omufaakazi wa Zarefaasi kwabaire kuri okw’omutaano? (1 Bag. 17:12-16; Luk. 4:25, 26)
(c) Ebyabaire aha mufaakazi wa Zarefaasi nibihamya bita ebigambo bya Yesu ebihandiikirwe omuri Matayo 10:41, 42? (1 Bag. 17:10-12, 17, 23, 24)
2. Shoma 2 Abagabe 4:8-37.
(a) Niki eki omukazi wa Shuneemu arikutwegyesa aha bikwatiraine n’obufura? (2 Bag. 4:8; Luk. 6:38; Rom. 12:13; 1 Yoh. 3:17)
(b) Ni mu miringo ki ei turikubaasa kworekamu obufura aha baheereza ba Ruhanga eri izooba? (Byak. 20:35; 28:1, 2; Gal. 6:9, 10; Heb. 6:10)
Omwishiki Okuhwera Omushaija Rugambwa
1. Aha omu kishushani, ogu mwishiki muto ariyo naagambira ki ogwo mukazi?
2. Omukazi ogu omu kishushani n’oha, kandi n’enki eki ogwo mwishiki muto ariyo naakora omu nju y’ogu mukazi?
3. N’enki eki Elisa yaatumire omuheereza we kugambira Naamani, kandi n’ahabw’enki Naamani yaitsirwe ekiniga?
4. N’enki ekyabaireho ahari Naamani ku yaikiriize eby’omuheereza we?
5. Ahabw’enki Elisa yaayangire ekiconco kya Naamani, kwonka n’enki eki Gehazi yaakozire?
6. N’enki ekyahikire ahari Gehazi kandi n’enki eki turikubaasa kwega omuri eki?
Ebindi bibuuzo:
1. Shoma 2 Abagabe 5:1-27.
(a) Eky’okureeberaho ekyatairweho omwishiki Omuisraeli nikigaruramu kita abato amaani? (2 Bag. 5:3; Zab. 8:2; 148:12, 13)
(b) Ahabwaki kiri kirungi okuguma nitwijuka eky’okureeberaho kya Naamani twatunga obuhabuzi bw’omu Byahandiikirwe? (2 Bag. 5:15; Heb. 12:5, 6; Yak. 4:6)
(c) Nitubaasa kwega ki omu kugyeranisa eky’okureeberaho kya Elisa hamwe n’ekyo ekya Gehazi? (2 Bag. 5:9, 10, 14-16, 20; Mat. 10:8; Byak. 5:1-5; 2 Kor. 2:17)
Yona Hamwe n’Eky’Enyanja Kihango
1. Yona niwe oha, kandi n’enki eki Yehova yaamugambiire kukora?
2. Ahabw’okugira ngu tarikwenda kuza ei Yehova amutumire, niki eki Yona akora?
3. N’enki eki Yona agambira abarimbi kukora okubaasa kucureeza omuyaga?
4. Nk’oku orikureeba omu kishushani, n’enki ekyabaireho Yona ku yaatobeire omu maizi?
5. Yona akaguma omu nda y’eky’enyanja kihango kumara bwire ki, kandi n’enki eki yaakozire ari omwo?
6. Yona akaza nkahi bwanyima y’okuruga omu nda y’eky’enyanja, kandi eki nikitwegyesa ki?
Ebindi bibuuzo:
1. Shoma Yona 1:1-17.
Nk’oku kirikureebeka, Yona akatwara ata omurimo gwe ogw’okubuurira abantu ba Nineeve? (Yona 1:2, 3; Enf. 3:7; Mub. 8:12)
2. Shoma Yona 2:1, 2, 10.
Ebyahikire ahari Yona nibituheereza bita obwesigye ngu Yehova naija kugarukamu eshaara zeitu? (Zab. 22:24; 34:6; 1 Yoh. 5:14)
3. Shoma Yona 3:1-10.
(a) Ni kuhamizibwa ki oku turikutunga kuruga omu kugira ngu Yehova akagumizamu kwejunisa Yona hoona n’obu araabe yaaremirwe kuhikiiriza omurimo gwe omu kubanza? (Zab. 103:14; 1 Pet. 5:10)
(b) Ebyahikire ahari Yona n’abantu ba Nineeve nibitwegyesa ki aha kubangaanisa aha bantu omu kicweka ki turimu? (Yona 3:6-9; Mub. 11:6; Byak. 13:48)
Ruhanga Okuraganisa Ekibanja Kye
1. Isaaya akaba ari oha, akaba ariho ryari, kandi n’enki eki Yehova yaamworekire?
2. Ebigambo ‘Ekibanja kya Ruhanga’ nibimanyisa ki, kandi n’enki eki birikukwijutsya?
3. N’enki eki Yehova yaagambiire Isaaya kuhandiika aha bikwatiraine n’Ekibanja kya Ruhanga ekisya?
4. Ahabw’enki Adamu na Haawa baafeeriirwe amaka gaabo amarungi munonga?
5. Niki eki Yehova arikuraganisa abo abarikumukunda?
Ebindi bibuuzo:
1. Shoma Isaaya 11:6-9.
(a) Ekigambo kya Ruhanga nikyoreka kita obusingye oburibaho ahagati y’enyamaishwa n’abantu omu nsi ensya? (Zab. 148:10, 13; Isa. 65:25; Ezk. 34:25)
(b) Ni kuhikiirira ki omu by’omwoyo okw’ebigambo bya Isaaya okurikubaho omu bantu ba Yehova obwahati? (Rom. 12:2; Efe. 4:23, 24)
(c) N’oha oshemereire kuheebwa ekitiinisa ahabw’empindahinduka omu mitwarize y’abantu hati n’omu nsi ensya? (Isa. 48:17, 18; Gal. 5:22, 23; Fil. 4:7)
2. Shoma Okushuuruurwa 21:3, 4.
(a) Ebyahandiikirwe nibyoreka bita ngu Ruhanga okutuura n’abantu nikimanyisa ngu ariho omu muringo gw’akabonero, kutari kubaho omu nsi omu buntu? (Lev. 26:11, 12; 2 Bus. 6:18; Isa. 66:1; Kush. 21:2, 3, 22-24)
(b) Ni marira ki kandi ni busaasi bwa muringo ki ebitarigaruka kubaho? (Luk. 8:49-52; Rom. 8:21, 22; Kush. 21:4)
Ruhanga Okuhwera Omugabe Hezekia
1. Omushaija ogu omu kishushani n’oha, kandi ahabw’enki ari omu kabi kahango?
2. Ebaruha ezi Hezekia yaata omu maisho ga Ruhanga n’ez’enki, kandi n’enki eki Hezekia yaashabire?
3. Hezekia ni mugabe wa muringo ki, kandi ni butumwa ki obu Yehova yaamwoherereize kurabira omu murangi Isaaya?
4. N’enki eki maraika yaakoreire Abasiria, nk’oku kirikworekwa omu kishushani?
5. N’obu obugabe obw’enganda ibiri bwine obusingye kumara akaanya kakye, n’enki ekyabaireho bwanyima y’okufa kwa Hezekia?
Ebindi bibuuzo:
1. Shoma 2 Abagabe 18:1-36.
(a) Omugambirizi wa Asiria Rabushaake akagyezaho ata kumaramu Abaisraeli amaani? (2 Bag. 18:19, 21; Kur. 5:2; Zab. 64:3)
(b) Omu kubugabugana n’abazigu, Abajurizi ba Yehova nibakuratira bata eky’okureeberaho kya Hezekia? (2 Bag. 18:36; Zab. 39:1; Enf. 26:4; 2 Tim. 2:24)
2. Shoma 2 Abagabe 19:1-37.
(a) Abantu ba Yehova ab’ebiro ebi nibatooreza bata Hezekia omu biro by’obusaasi? (2 Bag. 19:1, 2; Enf. 3:5, 6; Heb. 10:24, 25; Yak. 5:14, 15)
(b) Ni kusingurwa ki okw’emirundi eshatu oku Omugabe Senakeribu yaatungire, kandi n’oha ou arikukiikirira omu burangi? (2 Bag. 19:32, 35, 37; Kush. 20:2, 3)
3. Shoma 2 Abagabe 21:1-6, 16.
Ahabw’enki kirikubaasa kugambwa ngu Manaase akaba ari omwe aha bagabe abarikukirayo obubi abaategyekireho omuri Yerusaalemu? (2 Bus. 33:4-6, 9)
Omugabe Murungi wa Israeli ow’Aha Muheru
1. Yosia akaba aine emyaka engahi obu yaahinduka omugabe, kandi n’enki eki yaatandikire kukora obu yaabaire amazire emyaka mushanju nk’omugabe?
2. N’enki eki orikureeba Yosia naakora aho omu kishushani ky’okubanza?
3. N’enki eki omunyamurwa omukuru yaaboine obu abashaija baabaire nibagarura busya hekalu?
4. Ahabw’enki Yosia naataguratagura ebijwaro bye?
5. Ni butumwa ki kuruga ahari Yehova obu omurangikazi Hulida yaareetaire Yosia?
Ebindi bibuuzo:
1. Shoma 2 Obusingye 34:1-28.
(a) Ni ky’okureeberaho ki eki Yosia arikuteeraho abo abaakuba baabaire baine kugumisiririza oburemeezi omu buto bwabo? (2 Bus. 33:21-25; 34:1, 2; Zab. 27:10)
(b) Ni bintu ki ebikuru ebi Yosia yaakozire okubaasa kwongyera omu maisho okuramya okw’amazima omu mwaka gwa 8, 12, n’ogwa 18 ey’obutegyeki bwe? (2 Bus. 34:3, 8)
(c) Ni by’okwega ki ebikwatiraine n’okurinda emyanya yaitu ey’okuramizamu ebi turikwega omu ky’okureeberaho kya Yosia n’Omunyamurwa Omukuru Hilukia? (2 Bus. 34:9-13; Enf. 11:14; 1 Kor. 10:31)
Omushaija Otarikutiina
1. Ogu mwojo muto omu kishushani n’oha?
2. Yeremia naayeteekateekaho ki aha ky’okuba omurangi, kwonka n’enki eki Yehova yaamugambiire?
3. Ni butumwa ki obu Yeremia yaagumire naagambira abantu?
4. Abanyamurwa bakagyezaho bata kuzibira Yeremia, kwonka akooreka ata ngu tarikutiina?
5. N’enki ekyabaireho Abaisraeli ku baayangire kuhindura aha mitwarize yaabo mibi?
Ebindi bibuuzo:
1. Shoma Yeremia 1:1-8.
(a) Nk’oku eky’okureeberaho kya Yeremia kirikworeka, n’enki ekirikureetera omuntu kuba ohikire omu buheereza bwa Yehova? (2 Kor. 3:5, 6)
(b) Eky’okureeberaho kya Yeremia nikigaruramu kita eminyeeto amaani omu bunaku obu? (Mub. 12:1; 1 Tim. 4:12)
2. Shoma Yeremia 10:1-5.
Ni ky’okureeberaho ki eky’amaani eki Yeremia yaayejuniise okworeka obushema oburi omu kwesiga ebishushani? (Yer. 10:5; Isa. 46:7; Hab. 2:19)
3. Shoma Yeremia 26:1-16.
(a) Omu kurangirira amakuru g’okurabura omu ebiro ebi, abashukirwe amajuta abatsigaireho bakuratiire bata ekiragiro kya Yehova ahari Yeremia ‘okutagira kigambo na kimwe eki yaatsigayo’? (Yer. 26:2; Bir. 4:2; Byak. 20:27)
(b) Ni ky’okureeberaho ki ekirungi eki Yeremia yaateeraireho Abajurizi ba Yehova omu kurangirira okurabura kwa Yehova aha mahanga ebiro ebi? (Yer. 26:8, 12, 14, 15; 2 Tim. 4:1-5)
4. Shoma 2 Abagabe 24:1-17.
N’ebiki eby’enaku ebyarugire omu butari bwesigwa bwa Yuda ahari Yehova? (2 Bag. 24::22-4, 14)
Abatsigazi Bana Omuri Babulooni
1. Aba batsigazi bana aho omu kishushani ni baahi, kandi ahabw’enki bari omuri Babulooni?
2. Ni puraani ki ezi Nebukadeneeza ainiire aba batsigazi baana, kandi nibiragiro ki ebi yaahaire abaheereza be?
3. Niki eki Danieli yaashabire aha bikwatiraine n’eby’okurya n’eby’okunywa ebye hamwe n’ebya banywani be bashatu?
4. Ahanyima y’okurya ebihimba kumara ebiro ikumi, Danieli na bagyenzi be bashatu bakaba nibareebeka bata obagyeraniise n’abandi batsigazi?
5. Danieli na banywani be bashatu bakaija bata kweshanga omu kikaari ky’omugabe, kandi ni mu muringo ki ogu barikukiramu abanyamurwa hamwe n’abanyabwengye?
Ebindi bibuuzo:
1. Shoma Danieli 1:1-21.
(a) Ni maani ki agu turikwetenga twaba twine amatsiko gw’okwangira okugyezesibwa hamwe n’okusingura obweremwa? (Dan. 1:8; Kut. 39:7, 10; Gal. 6:9)
(b) Ni mu miringo ki ei eminyeeto ebiro ebi erikubaasa kugyezibwa nari kuharirizibwa kwejumba omu bi abamwe barikutwara kuba ‘ebirikurigirwa’? (Dan. 1:8; Enf. 20:1; 2 Kor. 6:17–7:1)
(c) Ebyahandiikirwe ebirikukwata ahari aba batsigazi bana Abaheburaayo nibituhwera kwetegyereza ki aha ky’okutunga obwegyese bw’ensi? (Dan. 1:20; Isa. 54:13; 1 Kor. 3:18-20)
Yerusaalemu Yaacwekyerezibwa
1. N’enki ekiriyo nikihika ahari Yerusaalemu hamwe n’aha Baisraeli omu kishushani?
2. Ezekieli n’oha, kandi ni bintu ki ebirikutangaaza ebi Yehova yaamworeka?
3. Ahabw’okuba Abaisraeli tibarikuheereza Yehova ekitiinisa, n’enki eki yaaraganiise?
4. N’enki eki Omugabe Nebukadeneeza yaakozire bwanyima y’Abaisraeli kumugomera?
5. Ahabw’enki Yehova naareka okucwekyerera kubi nk’oku kuhika aha Baisraeli?
6. Ensi ya Israeli ekarekwa eta etarimu muntu, kandi nikumara bwire ki?
Ebindi bibuuzo:
1. Shoma 2 Abagabe 25:1-26.
(a) Zedekia akaba ari oha, n’enki ekyamubaireho, kandi eki kikahikiiriza kita oburangi bwa Baibuli? (2 Bag. 25:5-7; Ezk. 12:13-15)
(b) N’oha ou Yehova yaajunaine ahabw’obutesigwa bwa Israeli? (2 Bag. 25:9, 11, 12, 18, 19; 2 Bus. 36:14, 17)
2. Shoma Ezekieli 8:1-18.
Amakanisa gaatooreize gata Abaisraeli abaayehagwire bakahinduka abaramya b’eizooba? (Ezk. 8:16; Isa. 5:20, 21; Yoh. 3:19-21; 2 Tim. 4:3)
Bakaba Batarikubaasa Kwinama
1. Ni kiragiro ki eki Nebukadeneeza omugabe wa Babulooni, ahaire abantu?
2. Ahabwaki Danieli na banywani abe bashatu batarikwinamira ekishushani ky’ezaabu?
3. Obu Nebukadeneeza yaaheereza aba batsigazi bashatu ab’Abaheburaayo ogundi mugisha gw’okwinamira ekishushani, bo bakooreka bata obwesigye bwabo omuri Yehova?
4. N’enki eki Nebukadeneeza yaaragiire abashaija be kukorera Seduraaka, Mesaaki, na Abedeneego?
5. Niki eki Nebukadeneeza yaareebire obu yaaringuriza omu kikoomi ky’omuriro?
6. Ahabw’enki omugabe yaasingiize Ruhanga wa Seduraaka, Mesaaki na Abedeneego, kandi nibatuteeraho ky’okureeberaho ki?
Ebindi bibuuzo:
1. Shoma Danieli 3:1-30.
(a) Ni miteekateekyere ki ei aba batsigazi bashatu Abaheburaayo baayorekire ei abaheereza ba Ruhanga boona bashemereire kugira bayorekyerera embeera erikugyeza obwesigwa bwabo? (Dan. 3:17, 18; Mat. 10:28; Rom. 14:7, 8)
(b) Ni eishomo ki erikuru eri Yehova yaayegyeise Nebukadeneeza? (Dan. 3:28, 29; 4:34, 35)
Ekihandiiko aha Kisiika
1. N’enki ekyabaireho obu omugabe wa Babulooni yaabaire aine obugyenyi buhango kandi arikukoresa ebikopo n’enyabya ebyaihirwe omu hekalu ya Yehova omuri Yerusaalemu?
2. N’enki eki Belishaza yaagambiire abanyabwengye be, kwonka niki eki baaremirwe kukora?
3. Niki eki nyina w’omugabe yaagambiire omugabe kukora?
4. Kurugiirira aha bi Danieli yaagambiire omugabe, ahabw’enki Ruhanga yaayohereza omukono kuhandiika aha kisiika?
5. Danieli akashoborora ata amakuru g’ebigambo by’aha kisiika?
6. N’enki ekyabaireho Danieli ku yaabaire akyagamba?
Ebindi bibuuzo:
1. Shoma Danieli 5:1-31.
(a) Gyeragyeranisa okutiina Ruhanga n’okutiina oku Belishaza yaagizire obu yaareeba ekihandiiko aha kisiika. (Dan. 5:6, 7; Zab. 19:9; Rom. 8:35-39)
(b) Danieli akooreka ata obumanzi bw’amaani omu kugamba na Belishaza n’abashaija be? (Dan. 5:17, 18, 22, 26-28; Byak. 4:29)
(c) Danieli eshuura 5 neegumya eta obukuru bw’obutegyeki bwa Yehova? (Dan. 4:17, 25; 5:21)
Danieli omu Kiina Ky’Entare
1. Dario n’oha, kandi naatwara ata Danieli?
2. Niki eki abashaija b’eihari baareetaire Dario kukora?
3. N’enki eki Danieli yaakozire ku yaamanyire eby’ekiragiro kisya?
4. Ahabw’enki Dario yaagizire amaganya okuhika n’aha kutagwejegyera, kandi n’enki eki yaakozire omu kasheeshe akaakuratiireho?
5. Danieli akagarukamu ata Dario?
6. N’enki ekyahikire aha bashaija bari ababi abagyerizeho kwita Danieli, kandi n’enki eki Dario yaahandiikiire abantu boona omu bukama bwe?
Ebindi bibuuzo:
1. Shoma Danieli 6:1-28.
(a) Orukwe rwakoreirwe Danieli nirutwijutsya ki eki abahakanisa bakozire okugyezaho kumaraho omurimo gw’Abajurizi ba Yehova omu bunaku obu? (Dan. 6:7; Zab. 94:20; Isa. 10:1; Rom. 8:31)
(b) Abaheereza ba Yehova ebiro ebi nibabaasa bata kutooreza Danieli omu kuguma niboorobera ‘ab’obushoboorozi abarikutegyeka’? (Dan. 6:5, 10; Rom. 13:1; Byak. 5:29)
(c) Nitubaasa kutooreza tuta eky’okureeberaho kya Danieli omu kuguma nituheereza Yehova “obutoosha”? (Dan. 6:16, 20; Fil. 3:16; Kush. 7:15)
Abantu ba Ruhanga Nibaruga Omuri Babulooni
1. Nk’oku kirikworekwa omu kishushani, n’enki eki Abaisraeli bariyo nibakora?
2. Kuuro akahikiiriza ata oburangi bwa Yehova obu yaarabize omuri Isaaya?
3. Niki eki Kuuro yaagambiire Abaisraeli abatarikubaasa kugaruka Yerusaalemu?
4. N’enki eki Kuuro yaahaire abantu kutwara Yerusaalemu?
5. Nikitwara bwire ki Abaisraeli kuhika Yerusaalemu?
6. Hahingwireho emyaka engahi okwiha obu ensi yaarekwa etarimu muntu n’omwe?
Ebindi bibuuzo:
1. Shoma Isaaya 44:28 na 45:1-4.
(a) Yehova akahamya obwesigwa bw’okuhikirizibwa kw’oburangi oburikukwata ahari Kuuro? (Isa. 55:10, 11; Rom. 4:17)
(b) Oburangi bwa Isaaya oburikukwata ahari Kuuro nibworeka ki aha bushoboorozi bwa Yehova okuragura eby’omu maisho? (Isa. 42:9; 45:21; 46:10, 11; 2 Pet. 1:20)
2. Shoma Ezera 1:1-11.
Turikukuratira eky’okureeberaho ky’abo abatarabaasize kugaruka Yerusaalemu, itwe ebiro ebi nitubaasa tuta okugumya abo ababaasize kwejumba omu buheereza obw’obutwire bwona? (Ezr. 1:4, 6; Rom. 12:13; Kol. 4:12)
Okwesiga Obuhwezi bwa Ruhanga
1. Ni bangahi abaagiire omu rugyendo ruraingwa orw’okuruga Babulooni kugaruka Yerusaalemu, kwonka n’enki eki baashangire ku baahikireyo?
2. Niki eki Abaisraeli baatandikiireho kwombeka, kwonka n’enki eki abazigu baabo baakozire?
3. Hagai na Zekaria ni baahi, kandi n’enki eki baagambiire abantu?
4. Ahabw’enki Tatenai yaayohereize ebaruha Babulooni, kandi akatunga kugarukwamu ki?
5. N’enki eki Ezera yaakozire ku yaamanyire ebirikukwata aha kyetengo ky’okuhunduura hekalu ya Ruhanga?
6. Aho omu kishushani, n’enki eki Ezera ariyo naashabira, eshaara ye ekagarukwamu eta, kandi eki nikitwegyesa ki?
Ebindi bibuuzo:
1. Shoma Ezera 3:1-13.
Ku twakweshanga omu mwanya ogutarimu kibiina ky’abantu ba Ruhanga, n’enki eki tushemereire kugumizamu nitukora? (Ezr. 3:3, 6; Byak. 17:16, 17; Heb. 13:15)
2. Shoma Ezera 4:1-7.
Ni ky’okureeberaho ki eki Zerubabeeli yaateraireho abantu ba Ruhanga aha bikwatiraine n’okujwanza enyikiriza? (Kur. 34:12; 1 Kor. 15:33; 2 Kor. 6:14-17)
3. Shoma Ezera 5:1-5, 17 na 6:1-22.
(a) Ahabw’enki abahakani batarabaasize kwemereza omurimo gw’okwombeka hekalu? (Ezr. 5:5; Isa. 54:17)
(b) Ebi abakuru b’Abayudaaya baakozire nibigaruramu bita abareeberezi Abakristayo amaani okusherura obuhabuzi bwa Yehova baabugana n’abahakanisa? (Ezr. 6:14; Zab. 32:8; Rom. 8:31; Yak. 1:5)
4. Shoma Ezera 8:21-23, 28-36.
Tutakatandikire kukora ekintu kyona, ni ky’okureeberaho ki ekya Ezera ekyakubaire kirungi ahariitwe okutooreza? (Ezr. 8:23; Zab. 127:1; Enf. 10:22; Yak. 4:13-15)
Morodekai na Esteeri
1. Morodekai na Esteeri nibo baahi?
2. Ahabw’enki Omugabe Ahasuero arikwenda omukazi ondiijo, kandi n’oha ou yaatoraine?
3. Hamani n’oha, kandi n’enki ekimureetera okugira ekiniga?
4. Ni kiragiro ki ekyakozirwe, kandi n’enki eki Esteeri yaakozire bwanyima y’okutunga obutumwa kuruga ahari Morodekai?
5. N’enki ekyahikire ahari Hamani, kandi n’enki ekyabaire ahari Morodekai?
6. Abaisraeli bakajunwa bata kuruga aha bazigu baabo?
Ebindi bibuuzo:
1. Shoma Esteeri 2:12-18.
Esteeri akooreka ata obukuru bw’okutunguura “omwoyo omucureezi ogutuurize”? (Est. 2:15; 1 Pet. 3:1-5)
2. Shoma Esteeri 4:1-17.
Nk’oku Esteeri yaahairwe omugisha gw’okugira eki yaakoraho omu kushagika okuramya okw’amazima, ni mugisha ki ogu tuhairwe ebiro ebi okworeka okwehayo n’obwesigwa bwaitu ahari Yehova? (Est. 4:13, 14; Mat. 5:14-16; 24:14)
3. Shoma Esteeri 7:1-6.
Abantu ba Ruhanga abaingi eri izooba nka Esteeri bataire bata amagara gaabo omu kabi k’okuhiiganisibwa? (Est. 7:4; Mat. 10:16-22; 1 Pet. 2:12)
Ebisiika by’Orugo rwa Yerusaalemu
1. Abaisraeli bakahurira bata okutagira engo zeetoroire orurembo Yerusaalemu?
2. Nehemia n’oha?
3. Omurimo gwa Nehemia ni guuha, kandi ahabwaki ni mukuru?
4. Ni makuru ki agaagwisize Nehemia kubi, kandi n’enki eki yaakozire?
5. Omugabe Aruta-gizakiseesi akooreka ata Nehemia embabazi?
6. Nehemia akateekateeka ata omurimo gw’okwombeka kugira ngu abazigu b’Abaisraeli tibabaasa kugwemereza?
Ebindi bibuuzo:
1. Shoma Nehemia 1:4-6 na 2:1-20.
Nehemia akasherura ata obuhabuzi bwa Yehova? (Neh. 2:4, 5; Rom. 12:12; 1 Pet. 4:7)
2. Shoma Nehemia 3:3-5.
Niki eki abareeberezi n’abaheereza barikwega kuruga aha mbaganisa eriho ahagati y’Aba Tekoa hamwe “n’abakungu” baabo? (Neh. 3:5, 27; 2 Tes. 3:7-10; 1 Pet. 5:5)
3. Shoma Nehemia 4:1-23.
(a) N’enki ekyahaire Abaisraeli omujinya gw’okuguma nibombeka n’obu baraabe baabugaine okuhakanisibwa okw’amaani? (Neh. 4:6, 8, 9; Zab. 50:15; Isa. 65:13, 14)
(b) Ni mu muringo ki ogu eky’okureeberaho ky’Abaisraeli kirikutugaruramu amaani obwahati?
4. Shoma Nehemia 6:15.
Eky’okugira ngu ebisiika by’engo za Yerusaalemu bikamarwa kwombekwa omu myezi ebiri, nikyoreka ki aha bikwatiraine n’okuba okwikiriza? (Zab. 56:3, 4; Mat. 17:20; 19:26)
Maraika Okutaayaayira Mariamu
1. Ogu mukazi omu kishushani n’oha?
2. N’enki eki Gaburieli yaagambiire Mariamu?
3. Gaburieli akashobororera ata Mariamu ngu akaba naaza kutunga omwana n’obu araabe yaabaire ataine mushaija?
4. N’enki ekyabaireho obu Mariamu yaataayaayira Elizaabeesi?
5. Niki eki Yosefu yaateekateekire obu yaamanya ngu Mariamu naaza kuzaara omwana, kwonka n’ahabw’enki yaahindwire omu nteekateeka ye?
Ebindi bibuuzo:
1. Shoma Luka 1:26-56.
(a) Luka 1:35 nirworeka ki aha butahikirira obwahungwirwe kuruga ahari Adamu omuri nyinenda ya Mariamu obu amagara g’Omwana wa Ruhanga gaafururwa kuruga omu butuuro bw’emyoyo? (Hag. 2:11-13; Yoh. 6:69; Heb. 7:26; 10:5)
(b) Yesu akatunga ata ekitiinisa hoona na atakazairwe? (Luk. 1:41-43)
(c) Ni ky’okureeberaho ki ekirungi eki Mariamu yaateraireho Abakristaayo abarikutunga emigisha y’omutaano omu buheereza? (Luk. 1:38, 46-49; 17:10; Enf. 11:2)
2. Shoma Matayo 1:18-25.
N’obu Yesu araabe atarayetsirwe eiziina Emanueli kuba erye, omurimo gwe nk’omuntu gukahikiiriza guta amakuru g’eiziina eryo? (Mat. 1:22, 23; Yoh. 14:8-10; Heb. 1:1-3)
Yesu Okuzaarirwa Omu Kihongore
1. Ogu mwereere omu kishushani n’oha, kandi Mariamu amubyamyi nkahi?
2. Ahabw’enki Yesu yaazaariirwe omu kihongore n’amatungo?
3. Aha omu kishushani, abashaija abariyo nibataaha omu kihongore ni baahi, kandi niki eki maraika abagambiire?
4. Ahabwaki Yesu ari ow’omutaano?
5. Ahabw’enki Yesu naabaasa kwetwa Omwana wa Ruhanga?
Ebindi bibuuzo:
1. Shoma Luka 2:1-20.
(a) Ni mwanya ki ogu Kaisaari Agusto yaazaanire omu kuhikiiriza oburangi oburikukwata aha kuzaarwa kwa Yesu? (Luk. 2:1-4; Mik. 5:2)
(b) Omuntu naabaasa ata kuba omuri abo abarikwetwa abu Ruhanga ‘ashemerererwa munonga’? (Luk. 2:14; Mat. 16:24; Yoh. 17:3; Byak. 3:19; Heb. 11:6)
(c) Abo barisa b’Abayudaaya abacureezi ku baraabe baashemerereirwe okuzaarwa kw’Omujuni, ni nshonga ki enkuru ey’okushemererwa ei abaheereza ba Ruhanga bashemereire kugira obunaku obu? (Luk. 2:10, 11; Efe. 3:8, 9; Kush. 11:15; 14:6)
Abashaija Okwebemberwa Enyonyoozi
1. Abo bashaija omu kishushani ni baahi, kandi ahabw’enki omwe arikworekyesa enyonyoozi erikwaka orukumu?
2. Ahabw’enki Omugabe Heroode yaagwirwe kubi, kandi n’enki eki yaakozire?
3. Enyonyoozi ekebeebembera abashaija kubahitsya nkahe, kwonka ahabw’enki baagarukireyo nibatoora ogundi muhanda?
4. Ni kiragiro ki eki Heroode yaahaire, kandi n’ahabw’enki?
5. N’enki eki Yehova yaagambiire Yosefu kukora?
6. N’oha owaareetaire enyonyoozi kwaka, kandi n’ahabw’enki?
Ebindi bibuuzo:
1. Shoma Matayo 2:1-23.
Yesu akaba ari mukuru kwingana ki kandi ni nkahi ei yaabaire naatuura obu abanyabwengye baamutaayaayira? (Mat. 2:1, 11, 16)
Yesu Omuto omu Hekalu
1. Omu kishushani aha, Yesu aine emyaka engahi, kandi ari nkahi?
2. N’enki eki Yosefu n’eka ye barikukora buri mwaka?
3. Bwanyima y’orugyendo rw’eizooba rimwe kugaruka omu ka, ahabwaki Mariamu na Yosefu baagarukire Yerusaalemu?
4. Ni nkahi ei Yosefu na Mariamu baashangire Yesu, kandi ahabw’enki abantu aho baatangaara?
5. N’enki eki Yesu yaagambiire nyina, Mariamu?
6. Nitubaasa kuba nka Yesu tuta omu kwega ebirikukwata ahari Ruhanga?
Ebindi bibuuzo:
1. Shoma Luka 2:41-52.
(a) N’obu Ebiragiro biraabe byabaire nibyetengyesa abashaija bonka kuba nibo baabaho omu magyenyi ga buri mwaka, ni ky’okureeberaho ki eki Yosefu na Mariamu baateeraireho abazaire b’obunaku obu? (Luk. 2:41; Bir. 16:16; 31:12; Enf. 22:6)
(b) Yesu akateeraho ata abato eky’okureeberaho kirungi eky’okworobera abazaire baabo? (Luk. 2:51; Bir. 5:16; Enf. 23:22; Kol. 3:20)
2. Shoma Matayo 13:53-56.
Barumuna ba Yesu bana ab’omubiri abarikugambwaho omuri Baibuli ni baahi, kandi bwanyima babiri ahari bo bakejunisibwa bata omu kibiina Ekikristayo? (Mat. 13:55; Byak. 12:17; 15:6, 13; 21:18; Gal. 1:19; Yak. 1:1; Yuda 1)
Yohaana Okubatiza Yesu
1. Aba bashaija babiri omu kishushani ni baahi?
2. Omuntu naabatizibwa ata?
3. Ni baahi abu Yohaana yaabaire abatiza obutoosha?
4. Ni nshonga ki ey’omutaano eyaaretaire Yesu kushaba Yohaana okumubatiza?
5. Ruhanga akooreka ata ngu Akashemerererwa okubatizibwa kwa Yesu ?
6. N’enki ekyabaireho obu Yesu yaagiire omu mwanya gwehereire kumara ebiro 40?
7. Bamwe aha bakuratsi nari abeegi ba Yesu ab’okubanza ni baahi, kandi eky’okutangaaza kye ky’okubanza ni kiiha?
Ebindi bibuuzo:
1. Shoma Matayo 3:13-17.
Ni ky’okureeberaho ki eki Yesu yaataireho omu kubatizibwa kw’abakuratsi be? (Zab. 40:7, 8; Mat. 28:19, 20; Luk. 3:21, 22)
2. Shoma Matayo 4:1-11.
Omuringo gw’obwengye ogu Yesu yaayejuniisemu ebyahandiikirwe nigutuhiga guta okwega Baibuli obutoosha? (Mat. 4:5-7; 2 Pet. 3:17, 18; 1 Yoh. 4:1)
3. Shoma Yohaana 1:29-51.
N’oha ou Yohaana Omubatizi yaabaire naayoherezaho abeegi be, kandi nitubaasa kumutooreza tuta ebiro ebi? (Yoh. 1:29, 35, 36; 3:30; Mat. 23:10)
4. Shoma Yohaana 2:1-12.
Eky’okutangaaza kya Yesu eky’okubanza nikyoreka kita ngu Yehova tarikwima abaheereza Be ekintu kyona ekirungi? (Yoh. 2:9, 10; Zab. 84:11; Yak. 1:17)
Yesu Okuboneza Hekalu
1. Ahabw’enki amatungo nigagurizibwa omuri hekalu?
2. N’enki ekyareetera Yesu kugira ekiniga?
3. Nk’oku orikureeba omu kishushani, n’enki eki Yesu yaakora, kandi n’enki eki yaaragiira abashaija abarikuguza enkombe?
4. Abakuratsi ba Yesu ku bareebire eki Yesu yaakozire, n’enki eki baijukire?
5. Ni kyanga ki eki Yesu yaarabiremu obwo arikugaruka Galilaaya?
Ebindi bibuuzo:
1. Shoma Yohaana 2:13-25.
Turikwijuka ekiniga ki Yesu yaagiriire abaabaire nibahiinganisa empiiha omu hekalu, ni nteekateeka ki ehikire eshemereire kugirwa aha bikorwa by’obushuubuzi omu Nju y’Obukama? (Yoh. 2:15, 16; 1 Kor. 10:24, 31-33)
Ari n’Omukazi aha Iziba
1. Ahabw’enki Yesu yaayemereraho aha eiziba omuri Samaria, kandi n’enki eki ariyo naagambira ogwo mukazi?
2. Ahabw’enki ogu mukazi yaatangaara, n’enki eki Yesu yaamugambira, kandi n’ahabw’enki?
3. Ni maizi ga muringo ki agu omukazi arikuteekateeka ngu Yesu ariyo naagambaho, kwonka buzima Yesu naamanyisa ki?
4. Ahabw’enki omukazi yaatangaarira ebi Yesu arikumumanyaho, kandi Yesu ebi akabimanya ata?
5. Nitubaasa kwega ki kuruga omu bihandiikirwe ebirikukwata aha mukazi ow’aha eiziba?
Ebindi bibuuzo:
1. Shoma Yohaana 4:5-43.
(a) Turikukuratira eky’okureeberaho kya Yesu, ni nteekateeka ki ei tushemereire kworeka aha bantu b’eihanga erindi? (Yoh. 4:9; 1 Kor. 9:22; 1 Tim. 2:3, 4; Tit. 2:11)
(b) Ni migisha ki ey’eby’omwoyo ei omuntu arikutunga ku arikuhinduka omwegyesibwa wa Yesu? (Yoh. 4:14; Isa. 58:11; 2 Kor. 4:16)
(c) Nitubaasa kworeka tuta okusiima nk’okwo okw’Omusamariakazi, owaabaire aine ekihika ky’okubagana n’abandi ebi yaayegire? (Yoh. 4:7, 28; Mat. 6:33; Luk. 10:40-42)
Yesu Okwegyesa ari aha Rushozi
1. Omu kishushani, Yesu naayegyesa ari nkahe, kandi abo abashutami haihi nawe ni baahi?
2. Amaziina g’entumwa 12 ni gaahi?
3. Obukama obu Yesu arikubuuriraho n’enki?
4. N’enki eki Yesu yaayegyeise abantu kushaba?
5. Niki eki Yesu yaagambire aha ku abantu bashemereire kutwaza bataahi baabo?
Ebindi bibuuzo:
1. Shoma Matayo 5:1-12.
Ni mumiringo ki ei turikubaasa kworekyeramu ngu nitufayo aha byetengo byaitu eby’omwoyo? (Mat. 5:3; Rom. 10:13-15; 1 Tim. 4:13, 15, 16)
2. Shoma Matayo 5:21-26.
Matayo 5:23, 24 nizigumya zita ngu enkorengana yaitu n’ab’eishe-emwe neekwata aha mukago gwaitu na Yehova? (Mat. 6:14, 15; Zab. 133:1; Kol. 3:13; 1 Yoh. 4:20)
3. Shoma Matayo 6:1-8.
Ni miringo ki ey’okwetwara nk’ohikiriire ei Abakristaayo bashemereire kwetantara? (Luk. 18:11, 12; 1 Kor. 4:6, 7; 2 Kor. 9:7)
4. Shoma Matayo 6:25-34.
Niki eki Yesu yaayegyeise aha bikwatiraine n’obukuru bw’okwesiga Yehova okutuheereza ebyetengo by’omubiri? (Kur. 16:4; Zab. 37:25; Fil. 4:6)
5. Shoma Matayo 7:1-11.
Eky’okureeberaho kirungi ekirikushangwa omuri Matayo 7:5 nikitwegyesa ki? (Enf. 26:12; Rom. 2:1; 14:10; Yak. 4:11, 12)
Yesu Okuzoora Abafu
1. Ishe w’omwishiki ogu omu kishushani n’oha, kandi ahabw’enki we n’omukazi we beerakiriire munonga?
2. N’enki eki Yairo yaakozire ku yaaboine Yesu?
3. N’enki ekyabaireho Yesu obu yaabaire naaza omu ka owa Yairo, kandi ni butumwa ki obu Yairo yaatungire akiri omu muhanda?
4. Ahabw’enki abantu omu nju ya Yairo baashekyereire Yesu?
5. Bwanyima y’okutwara bashatu aha beegi be, ishe hamwe na nyina w’omwishiki omu kishengye ky’omwishiki, n’enki eki Yesu yaakozire?
6. Ni baahi abandi abu Yesu azoire kuruga omu bafu, kandi eki nikyoreka ki?
Ebindi bibuuzo:
1. Shoma Luka 8:40-56.
Yesu akooreka ata omukazi owaabaire arwaire ekyejweiso embabazi n’oburyo, kandi n’enki eki abareeberezi Abakristaayo barikubaasa kwega omuri eki? (Luk. 8::43, 44, 47, 48; Lev. 15:25-:27; Mat. 9:12, 13; Kol. 3:12-14)
2. Shoma Luka 7:11-17.
Ahabwaki abo abafeereirwe abakundwa baabo barikushanga okuhumuurizibwa omu muringo gu Yesu yaagarukiremu omukazi wa Naini? (Luk. 7:13; 2 Kor. 1:3, 4; Heb. 4:15)
3. Shoma Yohaana 11:17-44.
Yesu akooreka ata ngu n’ekya butoosha okucura waafeerwa omukundwa? (Yoh. 11:33-36, 38; 2 Sam. 18:33; 19:1-4)
Yesu Okuriisa Abantu Baingi
1. Ni kintu ki ekibi munonga ekibaire ahari Yohaana Omubatizi, kandi kikwatsire kita ahari Yesu?
2. Yesu akariisa ata omutwe muhango gw’abantu abaamukuratiire, kandi ni by’okurya birikwingana ki ebyashagire?
3. Ahabw’enki abeegi baatiinire nyekiro, kandi n’enki ekyahikire ahari Petero?
4. Yesu akariisa ata enkumi n’enkumi z’abantu omurundi gwa kabiri?
5. Ahabw’enki kiriba eky’omutaano obu Yesu aritegyeka ensi nk’Omugabe wa Ruhanga?
Ebindi bibuuzo:
1. Shoma Matayo 14:1-32.
(a) Ebiri omuri Matayo 14:23-32 nibitumanyisa ki aha mitwarize ya Petero?
(b) Ebyahandiikirwe nibyoreka bita ngu Petero akakura omu by’omwoyo kandi yaasingura emitwarize ye y’okurahukiiriza? (Mat. 14:27-30; Yoh. 18:10; 21:7; Byak. 2:14, 37-40; 1 Pet. 5:6, 10)
2. Shoma Matayo 15:29-38.
Yesu akooreka ata ngu akaba naasiima ebintu eby’omubiri ebirikuruga ahari Ishe? (Mat. 15:37; Yoh. 6:12; Kol. 3:15)
3. Shoma Yohaana 6:1-21.
Ebiro ebi, Abakristaayo nibabaasa kukuratira bata eky’okureeberaho kya Yesu aha bikwatiraine n’obutegyeki? (Yoh. 6:15; Mat. 22:21; Rom. 12:2; 13:1-4)
Naakunda Abaana Bato
1. N’enki eki abeegi baaba nibahakanaho omu muhanda nibaruga omu rugyendo ruraingwa?
2. Ahabw’enki Yesu yaayeta omwana muto akamwemereza ahagati y’abeegi?
3. Ni mu muringo ki ogu entumwa zishemereire kuba nk’abaana bato?
4. Bwanyima y’emyezi mikye, Yesu akooreka ata ngu naakunda abaana bato?
Ebindi bibuuzo:
1. Shoma Matayo 18:1-4.
Ahabw’enki Yesu yaayejuniise enfumu omu kwegyesa? (Mat. 13:34, 36; Mak. 4:33, 34)
2. Shoma Matayo 19:13-15.
Ni mitwarize ki ey’abaana ei twena tushemereire kutooreza twaba nitwenda kutunga emigisha y’Obukama? (Zab. 25:9; 138:6; 1 Kor. 14:20)
3. Shoma Mako 9:33-37.
N’enki eki Yesu yaayegyeise abakuratsi be aha by’okwenda emyanya y’ekitiinisa? (Mak. 9:35; Mat. 20:25, 26; Gal. 6:3; Fil. 2:5-8)
4. Shoma Mako 10:13-16.
Yesu akaba ayanguhi ata okuhikiirirwa, kandi n’enki eki abareeberezi Abakristaayo barikwega omu ky’okureeberaho kye? (Mak. 6:30-34; Fil. 2:1-4; 1 Tim. 4:12)
Omuringo ogu Yesu Arikwegyesamu
1. Ni kibuuzo ki eki omushaija abuuza Yesu, kandi n’ahabwaki?
2. Niki ebi Yesu bumwe-na-bumwe arikwejunisa omu kwegyesa, kandi n’enki eki twaherize kwega aha Bayudaaya n’Abasamaria?
3. Omu kitebyo eki Yesu arikutebya, n’enki ekyahikire aha Muyudaaya owaabaire naaza Yeriko?
4. N’enki ekyabaireho obu omunyamurwa Omuyudaaya n’Omuleevi baizire nibahingura?
5. Omu kishushani, n’oha orikuhwera Omuyudaaya ohutaire?
6. Bwanyima ya Yesu kuheza kutebya, ni kibuuzo ki eki yaabuurize, kandi omushaija akagarukamu ata?
Ebindi bibuuzo:
1. Shoma Luka 10:25-37.
(a) Omu mwanya gw’okumuha eky’okugarukamu ahonaaho, Yesu akahwera ata omushaija owaabaire naamanya Ebiragiro okuteekateeka aha nshonga? (Luk. 10:26; Mat. 16:13-16)
(b) Yesu akeejunisa ata eby’okureeberaho okusingura okushoroora kw’abaabaire nibamuhurikiza? (Luk. 10:36, 37; 18:9-14; Tit. 1:9)
Yesu Okutambira Abarwaire
1. N’enki eki Yesu yaakozire obu yaabaire naagyendagyenda omu nsi?
2. Bwanyima y’emyaka nk’eshatu Yesu aherize kubatizibwa, n’enki eki Yesu yaagambiire abeegi be?
3. Abantu aba omu kishushani ni baahi, kandi n’enki eki Yesu yaakorera omukazi?
4. Ahabw’enki oku Yesu yaagarukiremu okwetomboita kw’abeebembezi b’ediini kwabareeteire okushwara?
5. Yesu n’abeegi be ku bairiire haihi na Yeriko, n’enki eki Yesu yaakoreire empumi ibiri ensheegi?
6. Ahabw’enki Yesu naakora eby’okutangaaza?
Ebindi bibuuzo:
1. Shoma Matayo 15:30, 31.
Ni kweyoreka ki okw’amaani ga Yehova okw’omutaano okwareebekiire omuri Yesu, kandi eki kishemereire kukwata kita aha kwetegyereza kwaitu aha bi Yehova araganiise omu nsi ensya? (Zab. 37:29; Isa. 33:24)
2. Shoma Luka 13:10-17.
Eky’okugira ngu Yesu akakora bimwe aha by’okutangaaza bye ebikuru aha Sabato nikyoreka kita okuruhuuka oku arireetera abantu omu Butegyeki bwe obw’Emyaka Rukumi? (Luk. 13:10-13; Zab. 46:9; Mat. 12:8; Kol. 2:16, 17; Kush. 21:1-4)
3. Shoma Matayo 20:29-34.
Ekyahandiikirwe eki nikyoreka kita ngu n’obu Yesu yaabaire naakora munonga akaba atakaburahoga bwire bw’okuhwera abantu, kandi n’enki eki turikwega omuri eki? (Bir. 15:7; Yak. 2:15, 16; 1 Yoh. 3:17)
Yesu Okwija nk’Omugabe
1. Yesu ku yaahikire omu kaaro ka haihi na Yerusaalemu, n’enki eki yaagambiire abeegi kukora?
2. Omu kishushani, n’enki ekyabaireho Yesu ku yairiire haihi n’orurembo Yerusaalemu?
3. N’enki eki abaana bato baakozire ku baareebire Yesu naatambira abantu abaabaire bahumire n’abazingami?
4. N’enki eki Yesu yaagambiire abanyamurwa abaabaire baine ekiniga?
5. Nitubaasa kuba tuta nk’abaana abaahimbiise Yesu?
6. N’enki eki abeegi barikwenda kumanya?
Ebindi bibuuzo:
1. Shoma Matayo 21:1-17.
(a) Okutaaha kwa Yesu omuri Yerusaalemu nk’Omugabe kwine ntaaniso ki n’okw’okusingura kw’abakungu b’obunaku bw’Abarooma? (Mat. 21:4, 5; Zek. 9:9; Fil. 2:5-8; Kol. 2:15)
(b) Niki eki abato barikubaasa kwega aha boojo b’Abaisraeli abaajuriize Zaaburi 118 obu Yesu yaatahire omu hekalu? (Mat. 21:9, 15; Zab. 118:25, 26; 2 Tim. 3:15; 2 Pet. 3:18)
2. Shoma Yohaana 12:12-16.
Abantu okukoresa amataagi g’enkindo omu kutangirira Yesu nikikiikirira ki? (Yoh. 12:13; Fil. 2:10; Kush. 7:9, 10)
Aha Kibungo kya Zeituuni
1. Aha omu kishushani, Yesu n’oha omuri abo bashaija, kandi ni baahi abari nawe?
2. Niki eki abanyamurwa baagyerizeho kukora ahari Yesu omuri hekalu, kandi n’enki eki yaabagambiire?
3. Niki eki abeegi baabuurize Yesu?
4. Ahabw’enki Yesu yaagambiire bamwe aha beegi ebiriba nibibaho omu nsi obu ariba naategyeka nk’Omugabe omu iguru?
5. N’enki eki Yesu yaagizire ngu nikiija kubaho atakareetsire emperu y’obubi bwona omu nsi?
Ebindi bibuuzo:
1. Shoma Matayo 23:1-39.
(a) N’obu ebyahandiikirwe birikworeka ngu okwejunisa ebitiinisa by’ensi nikibaasa kuba kitari kibi, ebigambo bya Yesu eby’omuri Matayo 23:8-11 nibyoreka ki aha kukoresa ebitiinisa by’ekimama omu Kibiina ekikristaayo? (Byak. 26:25; Rom. 13:7; 1 Pet. 2:13, 14)
(b) Niki eki Abafarisaayo baakoreise omu kugyezaho kuzibira abantu kuba Abakristaayo, kandi abeebembezi b’ediini bakoreise bata oburingaringo obwo omu biro ebi? (Mat. 23:13; Luk. 11:52; Yoh. 9:22; 12:42; 1 Tes. 2:16)
2. Shoma Matayo 24:1-14.
(a) Obukuru bw’okugumisiriza nibuhamibwa buta ahari Matayo 24:13?
(b) Ekigambo “aha muheru” omuri Matayo 24:13 nikimanyisa ki? (Mat. 16:27; Rom. 14:10-12; 2 Kor. 5:10)
3. Shoma Mako 13:3-10.
Ni bigambo ki omuri Mako 13:10 ebirikworeka obukuru bw’okubuurira amakuru marungi, kandi ebigambo bya Yesu bishemereire kutukwataho bita? (Rom. 13:11, 12; 1 Kor. 7:29-31; 2 Tim. 4:2)
Omu Kishengye ky’Ahaiguru Omuri Kaanyinaibiri
1. Nk’oku kirikworekwa omu kishushani, ahabw’enki Yesu n’abeegi be 12 bari omu kishengye kihango omuri kaanyinaibiri?
2. Omushaija ogwo oriyo naashohora n’oha, kandi n’enki eki ariyo naaza kukora?
3. Ni kiihuro ki eky’omutaano eki Yesu atandikaho bwanyima y’ekiihuro ky’Okuhingurwaho kuhwa?
4. Okuhingurwaho kukaba kwijutsya ki Abaisraeli, kandi ekiihuro eki eky’omutaano nikiijutsya ki abakuratsi ba Yesu?
5. Bwanyima y’Ekiihuro kya Mukama waitu, niki eki Yesu yaagambiire abakuratsi be, kandi n’enki eki baakozire?
Ebindi bibuuzo:
1. Shoma Matayo 26:14-30.
(a) Matayo 26:15 nirworeka ruta ngu ekikorwa kya Yuda okureebya Yesu kikaba kigyendereirwe?
(b) Eshagama ya Yesu esheeshekire eine kigyendererwa ki eky’emirundi ebiri? (Mat. 26:27, 28; Yer. 3131-33; Efe. 1:7; Heb. 9:19, 20)
2. Shoma Luka 22:1-39.
Ni mu muringo ki ogu Sitaane yaataahire omuri Yuda? (Luk. 22:3; Yoh. 13:2; Byak. 1:24, 25)
3. Shoma Yohaana 13:1-20.
(a) Kurugiirira aha bihandiikirwe omuri Yohaana 13:2, Yuda naabaasa kujunaanwa ahabw’eki yaakozire, kandi niki eki abaheereza ba Yehova barikubaasa kwega omuri eki? (Kut. 4:7; 2 Kor. 2:11; Gal. 6:1; Yak. 1:13, 14)
(b) N’eishomo ki erikuru eri Yesu yaaheereize? (Yoh. 13:15; Mat. 23:11; 1 Pet. 2: 21)
4. Shoma Yohaana 17:1-26.
Ni mu muringo ki ogu Yesu yaashabiiremu abeegi be ngu “babe bamwe”? (Yoh. 17:11, 21-23; Rom. 13:8; 14:19; Kol. 3:14)
Yesu omu Musiri
1. Yesu n’abeegi be bakaza nkahi bwanyima y’okuruga omu kishengye ky’ahaiguru omuri kaanyinaibiri, kandi n’enki eki yaabagambiire kukora?
2. Yesu ku yaagarukire, akashanga abeegi be bari bata, kandi eki kikabaho emirundi engahi?
3. Ni baahi abaizire omu musiri, kandi n’enki eki Yuda Iskaryota yaakozire, nk’oku ekishushani kirikworeka?
4. Ahabw’enki Iskaryota yaanywegyeire Yesu, kandi n’enki eki Petero yaakozire?
5. N’enki eki Yesu yaagambiire Petero, kandi n’ahabwaki Yesu atarashabire Ruhanga kumwoherereza maraika weena?
Ebindi bibuuzo:
1. Shoma Matayo 26:36-56.
(a) Omuringo gu Yesu yaahabwiremu abeegi be n’eky’okureeberaho kirungi kita aha bareeberezi Abakristaayo ebiro ebi? (Mat. 20:25-28; 26:40, 41; Gal. 5:17; Efe. Efe. 4:29, 31, 32)
(b) Yesu akatwara ata okwejunisa ebikwato omu kurwanisa omuntu mutaahi waawe? (Mat. 26:52; Luk. 6:27, 28; Yoh. 18:36)
2. Shoma Luka 22:39-53.
Obu maraika yaabonekiire Yesu omu musiri gwa Gesesemaani okumugumya, eki shi kikooreka ngu Yesu akaba atahamire omu kwikiriza? Shoborora. (Luk. 22:41-43; Isa. 49:8; Mat. 4:10, 11; Heb. 5:7)
3. Shoma Yohaana 18:1-12.
Yesu akarinda ata abeegi be kuruga ahari abo abaabaire nibamuhakanisa, kandi n’enki eki turikubaasa kwega omu ky’okureeberaho kye? (Yoh. 10:11, 12; 18:1, 6-9; Heb. 13:6; Yak. 2:25)
Yesu Okwitwa
1. Okukira munonga, n’oha orikujunaanwa okufa kwa Yesu?
2. N’enki eki abeegi baakozire obu Yesu yaatwarwa abeebembezi b’ediini?
3. N’enki ekyabaireho owa Kayaafa, omunyamurwa omukuru?
4. Ahabw’enki Petero yaashohoire akatandika kurira?
5. Bwanyima obu Yesu yaagarwirwe owa Pilaato, abanyamurwa bakayomba nibagira ngw’enki?
6. N’enki ekyahikire ahari Yesu omu ihangwe ry’Orwakataano, kandi n’enki eki Yesu yaaraganiise enkozi y’ebibi eyabaire ehanikirwe aha rubaju rwe?
7. Ekibanja kya Ruhanga eki Yesu yaagambireho kiryaba nkahe?
Ebindi bibuuzo:
1. Shoma Matayo 26:57-75.
Ni mu muringo ki ogu ab’omu eicwero rikuru ry’emanja ery’Abayudaaya baayorekiremu ngu bakaba baine emitima mibi? (Mat. 26:59, 67, 68)
2. Shoma Matayo 27:1-50.
Ahabw’enki turikubaasa kugira ngu okwefuuza oku Yuda yaagizire kukaba kutari kwa buzima? (Mat. 27:3, 4; Mak. 3:29; 14:21; 2 Kor. 7:10, 11)
3. Shoma Luka 22:54-71.
Niki eki turikubaasa kwega omu kya Petero kwehakana Yesu omu kiro ki baamureebiizemu n’okumukwata? (Luk. 22:60-62; Mat. 26:31-35; 1 Kor. 10:12)
4. Shoma Luka 23:1-49.
Yesu akatwaza ata obu baamukoraho eby’obutari buringaaniza, kandi n’enki eki turikwega omuri eki? (Luk. 23:33, 34; Rom. 12:17-19; 1 Pet. 2:23)
5. Shoma Yohaana 18:12-40.
N’obu Petero araabe yaasangirwe okutiina abantu kumara omwanya mukye, n’enki ekirikworeka ngu bwanyima akahinduka entumwa nkuru? (Yoh. 18:25-27; 1 Kor. 4:2; 1 Pet. 3:14, 15; 5:8, 9)
6. Shoma Yohaana 19:1-30.
(a) Ni nteekateeka ki ehikire ei Yesu yaabaire aine aha bintu? (Yoh. 2:1, 2, 9, 10; 19:23, 24; Mat. 6:31, 32; 8:20)
(b) Ebigambo bya Yesu arikufa bikooreka bita ngu akasingura omu kuhamya obutegyeki bwa Yehova? (Yoh. 16:33; 19:30; 2 Pet. 3:14; 1 Yoh. 5:4)
Yesu Ahuriire
1. Ogwo mukazi omu kishushani n’oha, abashaija babiri abo bo ni baahi, kandi bari nkahi?
2. Ahabw’enki Pilaato naagambira abanyamurwa kwohereza abaserikare kurinda ekituuro kya Yesu?
3. N’enki eki maraika yaakozire kare munonga aha kiro kya kashatu Yesu aherize kufa, kwonka n’enki eki abanyamurwa baakozire?
4. Ahabw’enki bamwe aha bakazi baatangaire obu baija aha kituuro kya Yesu?
5. Ahabw’enki Petero na Yohaana bairukire kuza aha kituuro kya Yesu, kandi n’enki eki baashangire?
6. N’enki ekyahikire aha mubiri gwa Yesu, kwonka n’enki eki Yesu yaakozire okworeka abeegi be ngu ahuriire?
Ebindi bibuuzo:
1. Shoma Matayo 27:62-66 na 28:1-15.
Obu Yesu yaazooka, abanyamurwa abakuru, abafarisaayo hamwe n’abandi bakuru bakashiisha bata aha mwoyo orikwera? (Mat. 12:24, 31, 32; 28:11-15)
2. Shoma Luka 24:1-12.
Ebihandiikirwe ebirikukwata aha kuzooka kwa Yesu nibyoreka bita ngu Yehova naatwara abakazi nk’abajurizi abarikwesigwa? (Luk. 24:4, 9, 10; Mat. 28:1-7)
3. Shoma Yohaana 20:1-12.
Yohaana 20:8, 9 nizituhwera zita okureeba obukuru bw’okugumisiriza, ku turaabe tutarikwetegyereza omu bwijwire okuhikiirizibwa kw’oburangi bwa Baibuli? (Enf. 4:18; Mat. 17:22, 23; Luk. 24:5-8; Yoh. 16:12)
Omu Kishengye Kikiingire
1. N’enki eki Mariamu yaagambira ou arikuteekateeka ngu n’omuhingi, kwonka n’enki ekyamureetaire kwetegyereza ngu buzima ni Yesu?
2. N’enki ekyahikire aha beegi babiri abaabaire nibaza omu kyaro kya Emau?
3. Ni kintu ki ekirikutangaaza ekyabaireho obu abeegi babiri baagambiire entumwa ngu bareebire Yesu?
4. Yesu yaahitsya emirundi engahi arikubonekyera abakuratsi be?
5. N’enki eki Tomasi yaagambire obu yaahurira ngu abeegi baareeba Mukama, kwonka n’enki ekyabaireho ebiro munaana bwanyima?
Ebindi bibuuzo:
1. Shoma Yohaana 20:11-29.
Omuri Yohaana 20:23, Yesu akaba naamanyisa ngu abantu baine obushoboorozi bw’okusaasira ebibi? Shoborora. (Zab. 49:2, 7; Isa. 55:7; 1 Tim. 2:5, 6; 1 Yoh. 2:1, 2)
2. Shoma Luka 24:13-43.
Nitubaasa kuteekateeka tuta emitima yaitu kugira ngu yaayakiira amazima ga Baibuli? (Luk. 24:32, 33; Ezr. 7:10; Mat. 5:3; Byak. 16:14; Heb. 5:11-14)
Yesu Okugaruka omu Iguru
1. N’abeegi bangahe abaareebire Yesu omurundi gumwe, kandi n’enki eki yaagambire nabo?
2. Obukama bwa Ruhanga n’enki, kandi amagara omu nsi garyashusha ki obu Yesu aritegyeka nk’Omugabe kumara emyaka rukumi?
3. Yesu amazire ebiro bingahe arikweyoreka abakuratsi be, kwonka hati n’obunaku bwe bw’okukora ki?
4. Ari haihi kutsigaho abakuratsi be, n’enki eki Yesu yaabagambiire kukora?
5. N’enki ekirikubaho omu kishushani, kandi Yesu akaburaho ata?
Ebindi bibuuzo:
1. Shoma 1 Abakorinso 15:3-8.
Ahabw’enki Paulo yaabaire naagamba n’obumanzi aha kuzooka kwa Yesu, kandi ni bintu ki ebi Abakristaayo barikubaasa kugambaho n’obumanzi ebiro ebi? (1 Kor. 15:4, 7, 8; Isa. 2:2, 3; Mat. 24:14; 2 Tim. 3:1-5)
2. Shoma Ebyakozirwe 1:1-11.
Omurimo gw’okubuurira gukajanjaara kuhika nkahi, nk’oku kyarangirwe omu Ebyakozirwe 1:8? (Byak. 6:7; 9:31; 11:19-21; Kol. 1:23)
Bategyereize Omuri Yerusaalemu
1. Nk’oku ekishushani kirikworeka, n’enki ekyahikire aha bakuratsi ba Yesu abaabaire barindiriire omuri Yerusaalemu?
2. Ni kutangaara ki oku abaabaire baizire Yerusaalemu baatungire?
3. N’enki eki Petero yaashobororoire abantu?
4. Abantu bakakwatwaho bata bwanyima y’okuhurikiza ebigambo bya Petero, kandi n’enki eki yaabagambiire kukora?
5. Ni bangahe abaabatiziibwe aha izooba eryo erya Pentekoote, 33 C.E.?
Ebindi bibuuzo:
1. Shoma Ebyakozirwe 2:1-47.
(a) Ebigambo bya Petero ebirikushangwa omu Ebyakozirwe 2:23, 36 nibyoreka bita ngu eihanga rya Buyudaaya ryona rikajunaanwa ahabw’okufa kwa Yesu? (1 Tes. 2:14, 15)
(b) Petero akataho ata eky’okureeberaho kirungi omu kushoboorora naihirira omu Byahandiikirwe? (Byak. 216, 17, 29, 31, 36, 39; Kol. 4:6)
(c) Petero akakoresa ata “ebishumuruzo by’obukama bw’omu iguru,” ebi Yesu yaabaire amuraganiise kumuheereza? (Byak. 2:14, 22-24, 37, 38; Mat. 16:19)
Baarekurwa Kuruga omu Kihome
1. N’enki ekyahikire ahari Petero na Yohaana eihangwe rimwe obu baabaire nibaza omu hekalu?
2. Niki eki Petero yaagambiire omushaija ekimuga, kandi niki eki Petero yaamuhaire ekyabaire kirikukira empiiha?
3. Ahabw’enki abeebembezi b’ediini baine ekiniga, kandi niki eki baakoreire Petero na Yohaana?
4. Niki eki Petero yaagambiire abeebembezi b’ediini, kandi nikurabura ki oku entumwa zaatungire?
5. Ahabw’enki abeebembezi b’ediini baine eihari, kandi n’enki ekyabaireho obu entumwa zaakwatwa zikateebwa omu kihome omurundi gwa kabiri?
6. Entumwa zikagarukamu ki obu zaareetwa omu Ishengyero?
Ebindi bibuuzo:
1. Shoma Ebyakozirwe 3:1-10.
N’obu turaabe obwahati tutaine maani g’okukora eby’okutangaaza, ebigambo bya Petero ebihandiikirwe omu Ebyakozirwe 3:6 nibituhwera bita okusiima omugasho gw’amakuru g’Obukama? (Yoh. 17:3; 2 Kor. 5:18-20; Fil. 3:8)
2. Shoma Ebyakozirwe 4:1-31.
Twabugana oburemeezi omu buheereza, ni mu muringo ki ogu tushemereire kutoorezamu ab’eishe-emwe Abakristaayo ab’omu kyasha ky’okubanza? (Byak. 4:29, 31; Efe. 6:18-20; 1 Tes. 2:2)
3. Shoma Ebyakozirwe 5:17-42.
Abantu abamwe abatari Bajurizi abaira n’ab’obunaku obu, boorekire bata oburyo aha bikwatiraine n’omurimo gw’okubuurira? (Byak. 5:34-39)
Stefano Okuteerwa Amabaare
1. Stefano niwe oha, kandi n’enki eki Ruhanga atwire naamuhwera kukora?
2. N’enki eki Stefano yaagambire ekyareetaire abeebembezi b’ediini kugira ekiniga kingi?
3. Abashaija ku baaharwire Stefano kumushohoza aheeru y’orurembo, n’enki eki baamukozire?
4. Omu kishushani, ogwo mushaija oyemereire haihi n’ekooti n’oha?
5. Atakafiire, niki eki Stefano yaashabire Yehova?
6. Omu kutooreza Stefano, n’enki eki tushemereire kukora omuntu yaatukora kubi?
Ebindi bibuuzo:
1. Shoma Ebyakozirwe 6:8-15.
Ni bintu ki ebirikuhabya ebi abeebembezi b’ediini bakoreise okugyezaho kwemereza omurimo gw’Abajurizi ba Yehova ogw’okubuurira? (Byak. 6:9, 11, 13)
2. Shoma Ebyakozirwe 7:1-60.
(a) N’enki ekyahwereire Stefano okukora gye omu kurwanirira amakuru marungi omu maisho g’Ishengyero, kandi n’enki eki turikwega omu ky’okureeberaho kye? (Byak. 7:51-53; Rom. 15:4; 2 Tim. 3:14-17; 1 Pet. 3:15)
(b) Ni miteekateekyere ki ei tushemereire kugira aha barikuhakanisa omurimo gwaitu? (Byak. 7:58-60; Mat. 5:44; Luk. 23:33, 34)
Omu Ruguuto Rurikuza Damasiko
1. Niki eki Saulo yaakozire bwanyima y’okwitwa kwa Stefano?
2. Saulo obu yaabaire ari omu muhanda naaza Damasiko, ni kintu ki ekirikutangaaza ekyabaireho?
3. N’enki eki Yesu yaagambiire Saulo kukora?
4. N’ebiki ebi Yesu yaagambiire Anania, kandi Saulo akabaasa ata kugaruka kureeba?
5. Saulo akaija kumanywa mu iziina ki, kandi akejunisibwa ata?
Ebindi bibuuzo:
1. Shoma Ebyakozirwe 8:1-4.
Okuhiiganisibwa okwahikire omu ekibiina Ekikristaayo ekyabaire kiherize kubaho kukahwera kuta omu kujanjaaza enyikiriza y’Ekikristaayo, kandi ni mbeera ki erikweshushanisa nk’egi ebaireho omu bunaku obu? (Byak. 8:4; Isa. 54:17)
2. Shoma Ebyakozirwe 9:1-20.
Ni murimo ki ogw’emirundi eshatu ogu Yesu yaayorekire ngu akaba ateekateekiire Saulo? (Byak. 9:15; 13:5; 26:1; 27:24; Rom. 11:13)
3. Shoma Ebyakozirwe 22:6-16.
Nitubaasa tuta naitwe kuba nka Anania, kandi ahabw’enki ekyo kiri kikuru? (Byak. 22:12; 1 Tim. 3:7; 1 Pet. 1:14-16; 2:12)
4. Shoma Ebyakozirwe 26:8-20.
Okuhinduka kwa Saulo okuba Omukristaayo nikugaruramu kuta abashweraine n’abatari baikiriza amaani? (Byak. 26:11; 1 Tim. 1:14-16; 2 Tim. 4:2; 1 Pet. 3:1-3)
Petero Okutaayaayira Koruneelio
1. Omushaija ogu oriyo nainama omu kishushani n’oha?
2. N’enki eki maraika yaagambiire Koruneelio?
3. N’enki eki Yehova yaayorekire Petero obu yaabaire ari ahaiguru y’enju ya Simooni omuri Yoopa?
4. Ahabw’enki Petero naagambira Koruneelio ngu tashemereire kwinama kumuramya?
5. Ahabw’enki abeegi Abayudaaya abari na Petero baatangaara?
6. Niki ekikuru eki tushemereire kwega ahari Petero kutaayaayira Koruneelio?
Ebindi bibuuzo:
1. Shoma Ebyakozirwe 10:1-48.
Ebigambo bya Petero ebirikushangwa omu Ebyakozirwe 10:42 nibyoreka ki aha murimo gw’okubuurira amakuru marungi g’Obukama? (Mat. 28:19; Mak. 13:10; Byak. 1:8)
2. Shoma Ebyakozirwe 11:1-18.
Ni miteekateekyere ki ei Petero yaayorekire obu yaayetegyereize enteekateeka i Yehova aine aha Banyamahanga, kandi nitubaasa kutooreza tuta eky’okureeberaho kye? (Byak. 11:17, 18; 2 Kor. 10:5; Efe. 5:17)
Timoseo—Omuhwezi wa Paulo Omusya
1. Ogu mutsigazi omu kishushani n’oha, naatuura nkahi, kandi amaziina ga nyina na nyinenkuru ni gaahi?
2. Niki eki Timoseo yaagambire Paulo ku yaamubuurize yaaba arikwenda kwegaita ahari Paulo na Siila omu kubuurira abantu ba hare?
3. Ni nkahe ei abakuratsi ba Yesu baabandiize kweterwa Abakristaayo?
4. Bwanyima ya Paulo, Siila na Timoseo kuruga Lisitura, ni ndembo ki ezimwe ezi baataayaayiremu?
5. Timoseo akahwera ata Paulo, kandi ni kibuuzo ki eki abato bashemereire kwebuuza eri izooba?
Ebindi bibuuzo:
1. Shoma Ebyakozirwe 9:19-30.
Paulo entumwa akooreka ata obwengye obu yaahakanisibwa omu kubuurira engiri? (Byak. 9:22-25, 29, 30; Mat. 10:16)
2. Shoma Ebyakozirwe 11:19-26.
Ebihandiikirwe omu Ebyakozirwe 11:19-21, 26 nibyoreka bita ngu omwoyo wa Yehova naahabura kandi naayebembera omurimo gw’okubuurira?
3. Shoma Ebyakozirwe 13:13-16, 42-52.
Ebyakozirwe 13:51, 52 nizooreka zita ngu abeegi tibaraikiriize okuhakanisibwa kubamaramu amaani? (Mat. 10:14; Byak. 18:6; 1 Pet. 4:14)
4. Shoma Ebyakozirwe 14:1-6, 19-28.
Ebigambo ebi, ‘baabakwatsa Yehova’ nibituruhuura bita okwerarikirira okurengyesereize twaba nituhwera abasya? (Byak. 14:21-23; 20:32; Yoh. 6:44)
5. Shoma Ebyakozirwe 16:1-5.
Okwekundira kwa Timoseo kusharwa nikugumya kuta obukuru bw’okukora ebintu ‘byona ahabw’engiri’? (Byak. 16:3; 1 Kor. 9:23; 1 Tes. 2:8)
6. Shoma Ebyakozirwe 18:1-11, 18-22.
Ebyakozirwe 18:9, 10 nizooreka ki aha bikwatiraine na Yesu okwejumba omu kwebeembera omurimo gw’okubuurira, kandi ekyo nikutuha bwesigye ki ebiro ebi? (Mat. 28:20)
Omwojo Owaagwejegyeire
1. Omu kishushani, omwojo ogwo obyami ahansi n’oha, kandi n’enki ekyamubaireho?
2. N’enki eki Paulo yaakozire ku yaareebire ngu omwojo afiire?
3. Paulo, Timoseo, n’abo abarikugyenda nabo nibaza nkahi, kandi n’enki ekyabaireho obu baayemereraho ahari Mileeto?
4. Ni kurabura ki oku omurangi Agabo yaahaire Paulo, kandi kikabaho kita kwo nk’oku omurangi yaagambire?
Ebindi bibuuzo:
1. Shoma Ebyakozirwe 20:7-38.
(a) Nitubaasa tuta kuguma turi “mwere ahaby’eshagama y’abantu boona,” okurugiirira aha bigambo bya Paulo eby’omu Ebyakozirwe 20:26, 27? (Ezk. 33:8; Byak. 18:6, 7)
(b) Ahabw’enki abareeberezi bashemereire kuba ‘abarikuhamira aha kigambo ky’okwesigwa’ baaba nibeegyesa? (Byak. 20:17, 29, 30; Tit. 1:7-9; 2 Tim. 1:13)
2. Shoma Ebyakozirwe 26:24-32.
Paulo akeejunisa ata obutuuzi bwe bw’omuri Rooma okuhikiiriza omurimo gw’okubuurira ogu yaatungire kuruga ahari Yesu? (Byak. 9:15; 16:37, 38; 25:11, 12; 26:32; Luk. 21:12, 13)
Okushenyagurika kw’Emeeri aha Kirwa
1. N’enki ekyabaire aha bwato obu Paulo yaabaire arimu obu bwabaire niburaba haihi n’ekirwa kya Kureete?
2. N’enki eki Paulo yaagambiire abo abaabaire bari omu bwato?
3. Obwato bukagangabuka buta omu bicweka?
4. Ni kiragiro ki eki omukuru w’amahe yaahaire, kandi ni bangahi abaahikire aha nkungu buhooro?
5. Eiziina ry’ekirwa ei baagiire ni riiha, kandi n’enki ekyahikire ahari Paulo embeera y’obwire ku yaacureire?
Ebindi bibuuzo:
1. Shoma Ebyakozirwe 27:1-44.
Obwesigye bwaitu omu kuhika kw’ebihandiikirwe omu Baibuli nibuhamizibwa buta ku turikushoma eby’orugyendo rwa Paulo kuza Rooma? (Byak. 27:16-19, 27-32; Luk. 1:3; 2 Tim. 3:16, 17)
2. Shoma Ebyakozirwe 28:1-14.
Abantu ba Melita abakaafiire ku baraabe baagiriire Paulo n’abu yaabaire ari nabo “embabazi ezitagirwa bantu boona” obu obwato bwashenyagurika, n’enki eki Abakristaayo bashemereire kworeka na munomuno mu muringo ki? (Byak. 28:1, 2; Heb. 13:1, 2; 1 Pet. 4:9)
Paulo Omuri Rooma
1. N’oha ou Paulo yaabuuriire obu yaabaire ari omusibe omuri Rooma?
2. Omu kishushani, ogwo mugyenyi ori aha meeza n’oha, kandi n’enki eki ariyo naakorera Paulo?
3. Epafurodiito niwe oha, kandi niki eki yaagyendaine obu yaagaruka Filipi?
4. Ahabw’enki Paulo naahandiikira Filemooni munywani we ow’ahamara ebaruha?
5. N’enki eki Paulo yaakozire obu yaarekurwa, kwonka n’enki ekyamubaireho bwanyima?
6. N’oha ou Yehova yaayejuniise kuhandiika ebitabo ebirikuhererukayo omu Baibuli, kandi ekitabo ky’Okushuuruurwa nikigamba ahari ki?
Ebindi bibuuzo:
1. Shoma Ebyakozirwe 28:16-31 na Abafilipi 1:13.
Paulo akakoresa ata obwire bwe obu yaabaire asibiirwe omuri Rooma, kandi okwikiriza kwe okutarikutengyesibwa kukakora ki aha kibiina Ekikristaayo? (Byak. 28:23, 30; Fil. 1:14)
2. Shoma Abafilipi 2:19-30.
Ni bigambo ki eby’okusiima ebi Paulo yaagambire ahari Timoseo na Epafurodiito, kandi nitubaasa kutooreza tuta eky’okureeberaho kya Paulo? (Fil. 2:20, 22, 25, 29, 30; 1 Kor. 16:18; 1 Tes. 5:12, 13)
3. Shoma Filemooni 1-25.
(a) Paulo akaihirira ahari ki okwehanangiriza Filemooni okukora ebyabaire bihikire, kandi eki nikihabura kita abareeberezi ebiro ebi? (Fil. 9; 2 Kor. 8:8; Gal. 5:13)
(b) Ebigambo bya Paulo ebirikushangwa ahari Filemooni 13, 14 nibyoreka bita ngu akaba naafayo aha miteekateekyere y’abandi omu kibiina? (1 Kor. 8:7, 13; 10:31-33)
4. Shoma 2 Timoseo 4:7-9.
Nk’omutume Paulo, nitubaasa tuta kugira obwesigye ngu Yehova naija kutuha ekiconco ku turaagume turi abeesigwa kuhika aha muheru? (Mat. 24:13; Heb. 6:10)
Omuheru gw’Obubi Bwona
1. Ahabw’enki Baibuli neegamba aha mbaraasi omu iguru?
2. Eiziina ry’orutaro rwa Ruhanga n’abantu ababi omu nsi ni riiha, kandi ekigyendererwa ky’orutaro oru niki?
3. Kurugiirira aha kishushani, n’Oha oryebeembera omu kurwana, ahabw’enki ajwaire ekirunga, kandi rurara ye nemanyisa ki?
4. Turikwijuka eby’enyima omu kitebyo 10 na 15, ahabw’enki tutashemereire kutangaara ngu Ruhanga naija kuhwerekyereza abantu ababi?
5. Ekitebyo 33, 36, na 76 nibyoreka bita ngu Ruhanga naija kuhwerekyereza abantu ababi n’obu baraabe nibegambaho kuba nibamuramya?
Ebindi bibuuzo:
1. Shoma Okushuuruurwa 19:11-16.
(a) Ebyahandiikirwe nibyoreka kurungi bita ngu Yesu Kristo niwe atembire aha mbaraasi erikwera? (Kush. 1:5; 3:14; 19:11; Isa. 11:4)
(b) Eshagama emiisiirwe aha kijwaro kya Yesu neehamya eta ngu obusinguzi bwe ni bukuru kandi ngu n’obw’aha muheru? (Kush. 14:18-20; 19:13)
(c) Ni baahi abaakubaasa kuba bari omu ihe erikuratiire Yesu aha mbaraasi ye erikwera? (Kush. 12:7; 19:14; Mat. 25:31, 32)
Ekibanja kya Ruhanga Ekisya omu Nsi
1. Ni mituurire ki ei Baibuli erikworeka ngu nitwija kushemerererwa omu Kibanja kya Ruhanga omu nsi?
2. Baibuli neeraganisa ki abo abarituura omu Kibanja kya Ruhanga?
3. Ni ryari obu Yesu arihamya ngu empindahinduka egi ey’omutaano yaabaho?
4. Obu Yesu yaabaire ari omu nsi, n’ebiki ebi yaakozire okworeka ebi arikora nk’Omugabe w’Obukama bwa Ruhanga?
5. N’enki eki Yesu n’abarikutegyeka nawe omu iguru barihamya ku baritandika kutegyeka ensi nibeema omu iguru?
Ebindi bibuuzo:
1. Shoma Okushuuruurwa 5:9, 10.
Ahabw’enki turikubaasa kugira obwesigye ngu abo abariba nibategyeka ensi omu Myaka Rukumi baryaba abagabe kandi abanyamurwa abaine esaasi n’embabazi? (Efe. 4:20-24; 1 Pet. 1:7; 3:8; 5:6-10)
2. Shoma Okushuuruurwa 14:1-3.
Eky’okugira ngu eiziina rya Ishe n’ery’omwana gw’Entaama gahandiikirwe aha buso bwa 144,000 nikimanyisa ki? (1 Kor. 3:23; 2 Tim. 2:19; Kush. 3:12)
Oku Twakubaasa Kugumaho Ebiro Byona
1. N’enki eki turikwetenga kumanya twaba turi ab’okugumaho ebiro byona?
2. Nitubaasa kwega tuta ebirikukwata ahari Yehova Ruhanga na Yesu, nk’oku ogu mwishiki muto n’abagyenzi be barikworeka aha omu kishushani?
3. Ni kitabo ki ekindi eki orikureeba aho omu kishushani, kandi ahabw’enki tushemereire kukishoma obutoosha?
4. Oyihireho okwega ahari Yehova na Yesu, niki ekindi ekirikwetengyesa okubaasa kutunga amagara agatahwaho?
5. Ni eishomo ki eri turikwega omu kitebyo 69?
6. Eky’okureeberaho kirungi kya Samueli omuto omu Kitebyo 55 nikyoreka ki?
7. Nitubaasa kukuratira tuta eky’okureeberaho kya Yesu Kristo, kandi twakikora, n’enki eki turibaasa kukora omu biro ebiriija?
Ebindi bibuuzo:
1. Shoma Yohaana 17:3.
Ebyahandiikirwe nibyoreka bita ngu okumanya Yehova Ruhanga na Yesu Kristo nikikira aha kubimanya omu mutwe kwonka? (Mat. 7:21; Yak. 2:18-20; 1 Yoh. 2:17)
2. Shoma Zaaburi 145:1-21.
(a) Zimwe aha nshonga ezirikutureetera okuhimbisa Yehova ni ziiha? (Zab. 145:8-11; Kush. 4:11)
(b) Yehova ni “murungi ahari boona” ata, kandi eki kishemereire obutoosha kutwiriza kita haihi nawe? (Zab. 145:9; Mat. 5:43-45)
(c) Yehova ku araabe ari ow’omuhendo omu mitima yaitu, eki nikiija kutureetera kukora ki? (Zab. 119:171, 172, 175; 145:11, 12, 21)