Omukoro Ogu Otashemereire Kufeerwa

Aha kiro ekyahereerukireyo Yesu akahayo amagara ge, akaragiira abakuratsi be abeesigwa kuguma nibaijuka ekitambo kye. Arikukoresa viinyo n’omugaati ogutarimu kitumbisa, akatandikaho omukoro ogwaizire kwetwa kyakiro y’aha muheru nari Ekiihuro kya Mukama waitu kandi yaabaragiira ati: “Mugume mukore mutyo okuunyijukiraho.”​—Luka 22:19.

Buri mwaka, Abajuriza ba Yehova omu nsi yoona nibeeteeranira omu myanya etari emwe n’emwe kwijuka okufa kwa Yesu. Omu mwaka 2014, Ekiijutsyo nikiija kubaho Okwakana, Orwokubanza 14, bwanyima y’eizooba kurenga.

Na rukundo mpango nooyetwa kwija kubaho aha mukoro ogu, ahu bingi ebirikworeka obukuru bw’ekitambo kya Yesu biraashoboororweho. Aha mukoro ogu tihariho kushorooza sente. Omuntu okuhaire magaziini egi naija kukugambira eshaaha n’omwanya ahu Ekiijutsyo eki kiraabe omu kicweka kyanyu, nari noobaasa kuza aha Mukura gwaitu, jw.org. Nyabura ‘we guma noijuka omukoro ogu, kandi twine amatsiko ngu torikwija kugufeerwa.