Ebi Turikubaasa Kugamba Turikugaba Zaamagaziini

The Watchtower Jenwari 1

Shoma Okutandika 2:16, 17, reero ogire oti: “Abamwe nibagira ngu Ruhanga akaba naamanya ngu Adamu naija kushiisha. Kandi abandi nibateekateeka ngu okurabura kwa Ruhanga kukaba kuri okw’oburyarya obu yaabaire yaamanyire ekyabaire nikiija kurugamu. Iwe ekyo nokigambaho ki [Tegyereza agarukyemu.] Ebiri ahansi y’omutwe ogurikutandikira aha rupapura 1 nibishoboorora oku Ruhanga arikukoresa obushoboorozi bwe bw’okumanya eby’omu biro by’omumaisho.”

Awake! Jenwari

“Abamwe nibagira ngu eby’ediini noofa waikiriza n’obu waakuba otaine buhame. Iwe ekyo nokigambaho ki [Tegyereza agarukyemu.] Okurugiirira ahari Baibuli, abantu tibashemereire kwikiririza eryo. [Shoma 1 Yohaana 4:1.] Ebirikutandikira aha rupapura 28 nibishoboorora oku turikuhamya ngu buzima okwikiriza kwaitu kwegamiire aha nshonga ezihikire.”

The Watchtower Febwari 1

“Okugaitururwa ebiro ebi kukanyire. Nooteekateeka ngu niki ekirikukira kureetera abantu kugaitururwa [Tegyereza agarukyemu.] Yetegyereze oku obuhabuzi obu buhwereire abari omu bushwere baingi. [Shoma 1 Abakorinso 10:24.] Magaziini egi neegamba aha nshonga mukaaga ezikizire kureetera abashaija n’abakazi baabo kugira oburemeezi omu bushwere bwabo kandi eyoreka oku okugyendera aha misingye ya Baibuli kirikubaasa kubahwera.”

Awake! Febwari

“Nikireebeka abantu nibeyongyera kukunda eby’obufumu, eby’emizimu n’oburogo. Nooteekateeka ngu okubyejumbamu tiky’akabi [Tegyereza agarukyemu.] Yetegyereze okurabura oku, oku Ruhanga yaahaire Abaisraeli aba ira. [Shoma Eky’Ebiragiro 18:10-12.] Magaziini egi neeyoreka eki Baibuli erikugamba aha bintu ebyo.”