“Ni Bwire Ki obu Nshemereire Kubara?”

Oreebuurizeho ekibuuzo eki? Obuhabuzi oburikukwata aha kubara obwire nibushangwa omu katabo Organized aha rupapura 86-87. Obundi obuhabuzi nibukira kuheebwa, nk’obwo oburi omu Kabokisi k’Ebibuuzo akari omu Obuheereza Bwaitu obw’Obukama, aka Sebutemba 2008. Obu embeera zirikuba zitarikushushana, tituterairweho biragiro by’okukuratira. N’ahabw’ekyo nikiba kitahikire abareeberezi nari abandi kuha obuhabuzi obundi.

Haabaho ekibuuzo kandi hatariho ebihandiikirwe ebirikukigambaho, buri mubuurizi naabaasa kwebuuza ati: Obwire obwo naabumara omu kubuurira? Nari naabumara ndikukora ebindi ebitaine kakwate n’okubuurira? Obwire obu turikuhandiika ahari ripoota y’okubuurira buri kwezi bushemereire kutureetera kushemererwa beitu kutari kureetera omuntu w’omunda kutushinja. (Byak. 23:1) Buzima ekigyendererwa kyaitu ekikuru ti kubara bwire kureka n’okukoresa gye obwire turikuba abeeziriki omu kubuurira.—Heb. 6:11.