Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Gyuni

“Buri omwe ou turikugamba nawe naba naayenda ngu habeho obusingye omu nsi. Kwonka hakiriho entaro. Iwe noogira ngu ahabw’enki kigumire kugira obusingye omu nsi?” Tegyereza agarukyemu. Mworekye ebiri enyima ya Watchtower eya Gyuni 1, reero muhikaanise ebiteekateeko aha kibuuzo eky’okubanza, mushome n’ekyahandiikirwe kimwe aha byorekirwe. Muhe na Awake! kandi otebeekanise kugarukayo mugarukemu ekibuuzo ekindi. Mwaba mutaine Watchtower eya Gyuni, okorese Watchtower ezi muhereerukire kutunga n’enyanjura ezirikuhikaana nazo eziri omu Obuheereza Bwaitu obw’Obukama.

Eby’okwetegyerezibwa: Enyanjura egi eshemereire kukoresibwa omu ky’okureeberaho omu ruteerane rw’okwetebeekanisa kuza kubuurira ahari 1 Gyuni.

The Watchtower Gyuni 1

“Abantu nibashoroorwa omu miringo etarikushushana. Iwe nooteekateeka ngu hariho ahu okushoroorwa kutari? [Tegyereza agarukyemu.] Yetegyereze oku Ruhanga arikutwara abantu boona. [Shoma Ebyakozirwe 10:34.] Magaziini egi neeshoboorora oku Ruhanga araije kwihiraho kimwe okushoroora omu bantu.”

Awake! Gyuni

“Niitukushaba kutugambira eki orikuteekateeka ahari eki. Butoosha buri omwe naaba naayenda kutunga okumarwa omu magara. Nooteekateeka ngu nitubaasa kutunga okumarwa ahabw’okugira ebintu bingi? [Tegyereza agarukyemu.] Yetegyereze eki Yesu yaagambire. [Shoma Luka 12:15.] Magaziini egi neeyoreka omuringo murungi ogu twine kutwaramu eby’obugaiga n’oku turikubaasa kwetantara kushohoza munonga.”