Yeta Buri Omwe omu Kicweka Kyanyu Kwija aha Kiijutsyo!

Nitwija kuteeraho kweta abantu baingi abari omu kicweka kyaitu kwija aha Kiijutsyo ky’okufa kwa Yesu, omu kampeyini eraatandike Febwari 27. Kandi, ni kirungi kugarukayo aha barikwenda kumanya ebirikukiraho kwongyera kubahiga.

EBI TURIKUBAASA KUKORA

OKUGABA AKAPAPURA

“Nitugaba akapapura k’okweta abantu kwija aha mukoro mukuru. Maaci 23, abantu baingi omu nsi yoona nibaija kuteeranira omu myanya etari emwe kwijuka okufa kwa Yesu Kristo n’okuhurikiza orubazo kuruga omu Baibuli kumanya oku okufa kwe kurikutugasira. Akapapura aka nikooreka eshaaha n’omwanya ahu omukoro ogu guraabe omu kicweka eki. Nyabura ‘we teeraho kureeba ngu waija.”

Ou oraayete yaayoreka ngu naayenda kumanya ebirikukiraho . . .

• MUHE OMUNAARA GW’OMURINZI

  Kora nawe entebeekanisa kugarukayo.

• MWOREKYE VIDIYO ERIKUKWATA AHA KIIJUTSYO

  Kora nawe entebeekanisa kugarukayo.

Waagarukayo noobaasa . . .

• KU MWOREKA VIDIYO AHABW’ENKI OSHEMEREIRE KWEGA BAIBULI?

  Reero omuhe akatabo aku turikukoresa kwegyesa abantu Baibuli.

• KU MUHA AKATABO NIKI EKI BAIBULI BUZIMA ERIKWEGYESA?

  Hikaanisa nawe ebiteekateeko aha bikwatiraine n’Ekiijutsyo, orikukoresa ebiri aha rupapura 206-208. Reero omuhe akatabo.

• KU MUHA AKATABO HURIKIZA RUHANGA

  Muhikaanise ebiteekateeko aha bikwatiraine n’okufa kwa Yesu, orikukoresa ebiri aha rupapura 18-19. Reero omuhe akatabo.