Ebijuriziibwe omu Katabo k’Obuheereza Bwaitu n’Oku Turikutwaza
DESEMBA 7-13
EBY’OMUHENDO EBIRI OMU KIGAMBO KYA RUHANGA | ABALEEVI 10-11
“Bakaba Nibakunda Yehova Okukira Abanyabuzaare”
it-1-E 1174
Ekitahikire
Omuriro n’Obubaane Ebitarikwikirizibwa. Omu Abaleevi 10:1 ekigambo ky’Oruheburaayo zar (nari za·rahʹ ekirikumanyisa ekitarikwetegyerezibwa) nikikoresibwa aha bikwatiraine “n’omuriro ogu [Ruhanga] atarabaragiire” ogu batabani ba Arooni Nadabu na Abihu baahaireyo ahari Yehova ekyamureeteire yaabacwekyereza. (Lev 10:2; Kub 3:4; 26:61) Yehova akagambira Arooni ati: “Mutarinywa viinyo nari eky’okunywa eky’amaani, iwe na batabani baawe mwaba nimutaaha omu Ihema ry’okubugaabuganiramu, mutakaafa; ekyo n’ekiragiro ky’ebiro byona omu busingye bwanyu bwona, mubone kutaanisa ebirikwera n’ebitarikwera, kandi ebirikuzira n’ebitarikuzira, n’okwegyesa Abaisraeli ebiragiro byona, ebi Mukama yaabagambiire naaraba omuri Musa.” (Lev 10:8-11) Kurugiirira ahari eki, nikireebeka Nadabu na Abihu bakaba basinzire, ekyabareetaire kwoterera omuriro ogu Ruhanga atarabaragiire. Omuriro ogwo gukaba gutahikire ahakuba nikireebeka bakaguhayo omu bwire butahikire, omu mwanya gugwire, n’omu muringo gutahikire, nari tibarakoreise ebi baabaire bashemereire kukoresa nk’oku birikworekwa omu Okuruga 30:34, 35. Okugira ngu bakaba basinzire kikaba kitarikubaasa kubeihisaho orubanja.
w11-LU 7/15 31 kacw. 16
Oyingidde mu Kiwummulo kya Katonda?
Alooni muganda wa Musa yeesanga mu mbeera enzibu olw’ekyo batabani be ababiri kye baakola. Lowooza ku ngeri gye yawuliramu nga batabani be, Nadabu ne Abiku, battiddwa Yakuwa oluvannyuma lw’okuwaayo omuliro ogutakkirizibwa. Kya lwatu nti oluvannyuma lw’okufa kwa batabani be, Alooni yali takyasobola kwogera nabo. Naye waliwo n’ekintu ekirala kye tulina okulowoozaako. Yakuwa yagamba Alooni awamu ne batabani be abaali basigaddewo nti: “Temusumulula nviiri za ku mitwe gyammwe, so temuyuza byambalo byammwe [nga mukungubaga], muleme okufa, era [Yakuwa] aleme okusunguwalira ekibiina kyonna.” (Leev. 10:1-6) Ekyo kituyigiriza ki? Tulina okwagala Yakuwa okusinga ab’omu maka gaffe abatali beesigwa.
Okwongyera Kucondooza aha Bi Turikwega
Twine Kuba Abarikwera omu Mitwarize Yaitu Yoona
Ebyahandiikirwe kandi tukakora ebi Ruhanga arikwenda ngu tukore. Teekateeka ahari batabani ba Arooni Nadabu na Abihu, abaacwekyereziibwe ahabw’okukoresa omuriro ogu Ruhanga atarabaragiire,’ obundi ahabw’okugira ngu bakaba basinzire. (Lev. 10:1, 2) Yetegyereze eki Ruhanga yaagambiire Arooni. (Shoma Abaleevi 10:8-11.) Mbwenu shi ekyahandiikirwe eki nikimanyisa ngu titushemereire kunywa ekintu kyona ekirikusinza twaba turi haihi kuza omu nteerane? Teekateeka ahari eki: Titwakiri hansi y’Ebiragiro. (Rom. 10:4) Omu mahanga agamwe, ab’eishe-emwe bagyenzi baitu nibanywa otwarwa tukye baaba nibarya eby’okurya bari haihi kuza omu nteerane. Ebikopo bina bya viinyo bikakoresibwa aha Kuhingurwaho. Obu Yesu yaatandikaho omukoro gw’Ekiijutsyo, entumwa ze zikanywa viinyo eyaabaire neejwekyera eshagama ye. (Mat. 26:27) Baibuli neeyanga okunywa amaarwa maingi n’obusinzi. (1 Kor. 6:10; 1 Tim. 3:8) Kandi Abakristaayo abamwe omuntu waabo ow’omunda tarikubaikiriza kunywa ebirikusinza barikuza kwejumba omu buheereza oburikwera. Kwonka, embeera tizirikushushana omu mahanga gatari gamwe na gamwe, kandi ekikuru kiri ngu Abakristaayo baine “kutaanisa ebirikwera n’ebitarikwera” kugira ngu babaase kushemeza Ruhanga ahabw’okutwaza nk’abarikwera.
it-1-E 111 kacw. 5
Enyamaishwa
Ekiragiro eki eky’okutarya eby’okurya ebimwe kikaba nikikwata ahari abo abaabaire bari ahansi y’Ebiragiro bya Musa, nk’oku kirikworekwa omu Abaleevi 11:8: “Ezo n’ezizira ahariimwe,” aha Baisraeli. Ahabw’okugira ngu ekitambo kya Kristo kikaihaho Ebiragiro bya Musa, hakaba hatakiriho ekirikubazibira kurya eby’okurya ebimwe, n’ahabw’ekyo abantu bakaba nibabaasa kugaruka kurya eby’okurya by’emiringo mingi nk’ebi Ruhanga yaabaire agambiire Noa bwanyima y’omwegyemure.—Kol 2:13-17; Kut 9:3, 4.
DESEMBA 14-20
EBY’OMUHENDO EBIRI OMU KIGAMBO KYA RUHANGA | ABALEEVI 12-13
“Yegyera aha Biragiro Ebirikukwata aha Bibembe”
Ehaangwire Nari Ekagamba Ebitakamanyirwe?
• Okushoroora abarwaire.
Ebiragiro bya Musa bikaba nibyoreka ngu abarwaire ebibembe bashoroorwe omu bandi. Kwonka omu myaka etari ya ira abashaho nibwo baatandika kugyendera aha musingye ogwo, ogurikukora gye na hati.—Abaleevi, eshuura 13 na 14.
wp16.4-E 9 kacw. 1
Eki Waaba Nookimanya?
Abayudaaya aba ira bakaba nibatiina ebibembe ebyabaire biriho omu bwire obwo. Endwara mbi egyo ekaba eita emitsi y’omu mubiri erikutwara obutumwa omu bwongo n’ebicweka by’omubiri ebindi kandi ekaba neebaasa kureetera omubiri kuguma gwine akamogo. Kandi hakaba hatariho mubazi gw’ebibembe. Abaabaire baba bakwatsirwe endwara egyo bakaba baguma bonka kandi bagambira abandi ngu basiisikaire.—Abaleevi 13:45, 46.
it-2-E 238 kacw. 3
Ebibembe
Ku byabaire biba biri omu kijwaro nari omu nju. Ebibembe bikaba nibibaasa n’okushiisha ekijwaro ky’ebyoya by’entaama nari ekya kitaani nari oruhu. Endwara egi ekaba neebaasa kuhwa omu bijwaro bwanyima y’okubyoza, kandi hakaba hariho entebeekanisa y’okushoroora byona ebyabaire biine endwara. Kwonka ekintu kyona ekyabaire kiguma kiineho erangi ya kijubwe nari erikutukura, ekirikumanyisa ngu kikaba kiine endwara y’ebibembe erikurya, kikaba kyokibwa. (Lev 13:47-59) Erangi ya kijubwe nari erikutukura ku yaabaire ereebeka aha kisiika ky’enju, omunyamurwa akaba akinga enju egyo. Obumwe kikaba kyetengyesa kwiha omuri ekyo kisiika amabaare agaabaire garimu endwara egyo kandi enju yoona bakaba bagiharagata omunda, reero ebi baabaire baharagatamu bakaba babyata aheeru y’orurembo omu mwanya gutashemeire. Egyo ndwara ku yaabaire egaruka yaasheesha omu nju egyo, enju bakaba bagiranga ngu esiisikaire kandi bakaba bagisheenya, kandi ebisheenyuka byayo bakaba babitwara aheeru y’orurembo omu mwanya gutashemeire. Kwonka enju kubaasa kurangwa ngu ekaba etasiisikaire hakaba hariho entebeekanisa y’okugishemeza. (Lev 14:33-57) Abamwe nibagira ngu ebibembe ebyabaire biri aha bijwaro nari omu nju bikaba biri ebirikusya-nyamwenga nari ebiine oruhumbwe; kwonka eki tikiine buhame.
Okwongyera Kucondooza aha Bi Turikwega
w04-LU 6/1 21 kacw. 2
Ebikulu Okuva mu Kitabo ky’Eby’Abaleevi
12:2, 5—Lwaki okuzaala kwafuulanga omukazi ‘obutaba mulongoofu’? Ebitundu ebisobozesa okuzaala byali bya kuzaala abantu abatuukiridde. Kyokka, olw’ebyo ebyava mu kibi ekisikire, abantu abatatuukiridde baazaalibwa. Omuntu okumala akaseera nga si ‘mulongoofu’ olw’okuzaala, oba olw’ensonga endala yonna, gamba ng’okulwala kw’abakazi okwa buli mwezi, n’okufulumya amazzi ag’ekisajja, byajjukizanga Abaisiraeri nti baasikira ekibi. (Eby’Abaleevi 15:16-24; Zabbuli 51:5; Abaruumi 5:12) Amateeka agakwata ku kwetukuza gandiyambye Abaisiraeri okutegeera nti baali beetaaga ekinunulo okubikka ku bibi n’okusobozesa abantu okuba abatuukiridde nate. Bwe kityo Amateeka gaafuuka “omutwazi eri Kristo.”—Abaggalatiya 3:24.
Ehaangwire Nari Ekagamba Ebitakamanyirwe?
• Obwire bw’okusharwa.
Ebiragiro bya Ruhanga bikaba nibyoreka ngu omwana w’omwojo asharwe aha kiro kya munaana aherize kuzaarwa. (Abaleevi 12:3) Abaana abaherize kuzaarwa, nikyetegyerezibwa ngu eshagama yaabo kubaasa kwekwata haine kuhinguraho saabiiti emwe. Omu kuhandiikwa kwa Baibuli, obu haabaire hatakabaireho kutunguuka omu by’obujanjabi, kikaba kiri ekikorwa ky’obwengye kutegyereza hakahinguraho obwire oburengire saabiiti emwe omwana atakashazirwe.
DESEMBA 21-27
EBY’OMUHENDO EBIRI OMU KIGAMBO KYA RUHANGA | ABALEEVI 14-15
“Okuramya okw’Amazima Nikwetengyesa Obwecumi”
it-1-E 263
Okunaaba Omubiri
Abaisraeli kunaaba omubiri kikaba nikyetengyesa ahabw’enshonga zitari zimwe. Owaabaire akira ebibembe, owaabaire akwata aha kintu ekyabaire kikwatwaho abo abaabaire nibarugwamu “amahira omu mubiri,” aha mushaija orikurugwamu amaizi agarikuzaara, omukazi ori omu kwezi, nari owaabaire ateerana n’ondiijo akaba ahinduka ‘otashemeire’ kandi akaba aine kunaaba. (Lev 14:8, 9; 15:4-27) Owaabaire aba omu ihema rimwe n’omutumbi, nari owaagukwataho akaba aba “otashemeire” kandi akaba aine kushemezibwa akanaaba. Omuntu ku yaabaire ayanga kworobera ekiragiro eki, akaba ‘acuubwa, aihwa omu ihanga, ahabw’okuba akaba aba asiisire omwanya ogurikwera gwa Mukama.’ (Kub 19:20) Ekirikumanyisa ngu, okunaaba nikikoresibwa omu muringo gw’akamanyiso kworeka ngu oshemeire omu maisho ga Yehova. (Zab 26:6; 73:13; Isa 1:16; Ezk 16:9) Okunaaba ekigambo kya Yehova eky’amazima, ekirikujwekyerewa amaizi, nikibaasa kutweza.—Efe 5:26.
it-2-E 372 kacw. 2
Okuza omu Kwezi
Omukazi akaba areebwa nk’otashemeire ku yaabaire aba arwaire ekyejwiso nari ku yaabaire ‘arenzya ebiro ebi yaabaire ashangwa amara omu kwezi,’ kandi byona ebi yaabaire abyamaho nari ashutamaho bikaba biba ebitashemeire kandi weena owaabaire abikoraho akaba aba otashemeire. Bwanyima y’okukira ekyejwiso, akaba aine kumara ebiro mushanju, reero agaruka aba oshemeire. Aha kiro kya munaana omukazi akaba atwara obwiba bubiri nari enkombe ibiri ow’omunyamurwa, owaabaire amurihiirira, arikuhonga emwe aha mpongano ahari Yehova nk’empongano y’ekibi kandi endiijo ekaba eba ekitambo ky’okwotsya.—Lev 15:19-30; reeba CLEAN, CLEANNESS.
it-1-E 1133
Omwanya Ogurikwera
2. Omu kubanza gukaba guri eihema ry’okubuganiramu, bwanyima, gukaba hekalu. Entebeekanisa egyo yoona otwariiremu n’embuga ya hekalu, ekibuga ky’obutaaho, gukaba guri omwanya gurikwera. (Kur 38:24; 2Bus 29:5; Byak 21:28) Ebintu ebikuru ebyabaire biri omu mbuga rikaba riri eitambiro ry’okwokyezaho ebitambo n’ekinaabiro. Ebi bikaba biri ebirikwera. Abo bonka abaabaire bashemeire nibo baabaire nibabaasa kutaaha omu mbuga ya hekalu obwire bwona; kandi tihaine owaabaire naikirizibwa kutaaha omu hekalu atashemeire. Nk’eky’okureeberaho, omukazi ku yaabaire aba atashemeire akaba atarikwikirizibwa kukwata aha kintu kyona ekirikwera nari kuza omu mwanya ogurikwera. (Lev 12:2-4) Abaisraeli ku baabaire baguma batashemeire bakaba baareebwa nk’abarikushiisha eihema. (Lev 15:31) Abaabaire bahayo ebitambo by’okubariihirira ahabw’ebibembe bakaba bareeta ebitambo byabo bagarukira aha muryango gw’embuga ya hekalu. (Lev 14:11) Tihaine omuntu otashemeire owaabaire aikirizibwa kurya aha kitambo ky’empongano aha itambiro nari aha eihema, ahakuba akaba naabaasa kufa.—Lev 7:20, 21.
Okwongyera Kucondooza aha Bi Turikwega
it-1-E 665 kacw. 5
Okutu
Aha izooba ry’okutaho abanyamurwa omuri Israeli, Yehova akagambira Musa kutwara ekicweka ky’eshagama y’omwana gw’entaama ey’okutamba reero agite aha kutu kwa buryo okwa Arooni n’aha matu g’abatabani ba Arooni, n’aha mukono gwa buryo n’aha kigyere kya buryo, ekirikworeka ngu byona ebi baabaire baahurikiza, byona ebi baabaire bakora, n’omuringo ogu baabaire nibagyendamu bikaba biine kuba nibihikaana n’ebyabaire nibikorwa. (Lev 8:22-24) Omu muringo nigwo gumwe, ekyo nikyo kyabaire kikorwa aha kushemeza owaabaire aba arwaire ebibembe, Ekiragiro kikaba nikigira ngu omunyamurwa akaba aine kuta eshagama y’omwana gw’entaama eyaabaire eheebwayo nk’ekitambo ky’ekibi, na gamwe aha majuta agaabaire gaheebwayo, aha kutu kwa buryo okw’omubembe. (Lev 14:14, 17, 25, 28) Kandi omuhuuku ku yaabaire aba naayenda kuguma na mukama we ebiro byona bakaba bakora entebeekanisa nk’egi. Omu mbeera egi, omuhuuku bakaba bamureeta aha muryango, reero mukama we amufumura okutu arikukoresa empindu. Akamanyiso aka aku baabaire bata aha kutu, kakaba nikooreka ngu omuhuuku naayenda kugumizamu naayorobera mukama we.—Kur 21:5, 6.
g-E 1/06 14, akabokusi
Oruhumbwe—Ni Kurungi nari ni Kubi!
ORUHUMBWE OMU BWIRE BWA IRA?
Baibuli neegamba aha ‘ndwara y’ebibembe aha nju,’ ekirikumanyisa enju yoona. (Abaleevi 14:34-48) Nikigambwa ngu endwara egi, erikumanywa ‘nk’ebibembe ebirikurya,’ ekaba eri omu muringo gw’ebirikusya-nyamwenga nari ebiine oruhumbwe, kwonka eki tikiine buhame. Omu miringo yoona, Ekiragiro kya Ruhanga kikaba nikigira ngu bakama b’enju bakaba biine kwihamu amabaare agaabaire gaine endwara egyo, bagiharagata omunda, reero ebi baabaire baharagatamu bakaba babyata aheeru y’orurembo omu “mwanya gutashemeire.” Egyo ndwara ku yaabaire egaruka yaasheesha omu nju, egyo enju bakaba bagiranga ngu esiisikaire kandi bakaba bagisheenya. Obuhabuzi obu Yehova yaabagambiire bukaba nibworeka ngu naakunda abaheereza be kandi naabafaho.
DESEMBA 28–JENWARI 3
EBY’OMUHENDO EBIRI OMU KIGAMBO KYA RUHANGA | ABALEEVI 16-17
“Izooba ry’Okuhongyereraho Ebibi N’oku Orikukwatwaho”
Amashomo Agu Turikwega omu Kitabo ky’Abaleevi
Shoma Abaleevi 16:12, 13. Teekateeka aha kyabaire kibaho aha Izooba ry’Okurihiirira Ebibi: Omunyamurwa omukuru akaba ataaha omu ihema. Ogu n’orundi gw’okubanza ahari eshatu ei yaabaire aine kutaaha Aharikwera Munonga eizooba eryo. Akaba akwata obubaane bw’omugaju omu mukono ogumwe, kandi ogundi gukwata ekyoterero ekiriho amakara g’omuriro. Akaba abanza ayemerera aha rutimbe rw’omuryango ogurikutaaha Aharikwera Munonga. Reero omu muringo gw’ekitiinisa, akaba ataaha Aharikwera Munonga ayemerera omu maisho g’eshanduukye y’endagaano. Omu muringo gw’akamanyiso akaba aba ari nk’oyemereire omu maisho ga Yehova Ruhanga! Omunyamurwa akaba ashuka obubaane aha makara g’omuriro reero ekishengye kyona kizamu omugaju murungi. Bwanyima akaba agaruka ataaha Aharikwera Munonga aine eshagama y’ebitambo by’okwihaho ebibi. Yetegyereze ngu akaba abanza kwoterera obubaane atakataireyo eshagama y’ebitambo by’ebibi.
Amashomo Agu Turikwega omu Kitabo ky’Abaleevi
Nitubaasa kwegyera ki aha kukoresa obubaane aha Izooba ry’Okurihiirira Ebibi? Baibuli neeyoreka oku okushaba kw’omuheereza wa Yehova okurikusiimwa kurikugyeragyeranisibwa n’obubaane bw’omugaju. (Zab. 141:2; Kush. 5:8) Ijuka ngu omu muringo gw’ekitiinisa omunyamurwa omukuru akaba areeta obubaane omu maisho ga Yehova. Omu muringo nigwo gumwe, twaba nitushaba Yehova twine kukikora omu muringo gw’ekitiinisa. Nitusiima munonga kureeba ngu Omuhangi w’ebintu byona naatwikiriza kumushaba n’okumwirira haihi, nk’oku omwana arikuba ari na ishe. (Yak. 4:8) Yehova naatwikiriza kuba banywani be! (Zab. 25:14) Nitusiima omugisha ogwo n’ahabw’ekyo titurikwenda kukora ebirikumugwisa kubi.
Amashomo Agu Turikwega omu Kitabo ky’Abaleevi
Ijuka ngu omunyamurwa omukuru akaba ayoterera obubaane atakahaireyo ebitambo. Omu muringo ogwo, akaba ahamya ngu naasiimwa Yehova atakahaireyo ebitambo. Ekyo nitukyegyeraho ki? Obu Yesu yaabaire ari omu nsi, akaba aine kukora ekintu kikuru munonga kukira okucungura abantu, atakahaireyo amagara ge nk’ekitambo. Ni kintu ki ekyo? Yesu ahabw’okuguma ataine kamogo kandi ahamiire ahari Yehova, ekyo kikareetera Yehova kusiima ekitambo kye. Omu muringo ogwo, Yesu akooreka ngu okukora ebintu omu muringo ogu Yehova arikusiima nikyo kihikire. Kandi akooreka ngu omuringo ogu Ishe arikutegyekamu nigwo guhikire kandi ogw’oburingaaniza.
Okwongyera Kucondooza aha Bi Turikwega
it-1-E 226 kacw. 3
Azazeeli
Nk’oku entumwa Paulo yaashobooroire, Yesu okuhayo amagara ge agahikiirire nk’ekitambo ahabw’ebibi by’abantu, akakora ekirikukirira kimwe eki “eshagama y’enimi n’ey’embuzi” yaabaire ekora. (Heb 10:4, 11, 12) Akaba nk’embuzi ei baabaire boohereza omu ihamba ‘arikwekorera enaku zaitu,’ ‘akahutaazibwa aha bw’eby’okushiisha byaitu.’ (Isa 53:4, 5; Mat 8:17; 1Pet 2:24) Akeekorera ebibi byabo boona abarikwikiriza omu muhendo gw’ekitambo. Akooreka entebeekanisa ya Ruhanga ey’okumariraho kimwe okushiisha. Omu miringo egi yoona embuzi ya “Azazeeli” ekaba neejwekyera ekitambo kya Yesu Kristo.
Ekishemereire Kutureetera Kuba Abarikwera
Shoma Abaleevi 17:10. Yehova akaragiira Abaisraeli kutarya “eshagama yoona.” Abakristaayo nabo nibaragiirwa kwetantara eshagama y’abantu nari ey’enyamaishwa. (Byak. 15:28, 29) Twateekateeka ngu Ruhanga naabaasa kututa aha kaso kandi atucwe omu kibiina kye, nikitureetera kutiina. Nitumukunda kandi nitwenda kumworobera. Nangwa n’obu amagara gaitu gaakuba gari omu kabi, nitumariirira kutakuratira abo abatarikumanya Yehova kandi abatarikufayo kumworobera. Buzima, nitubaasa kujumwa twayanga kuteebwamu eshagama, kwonka nitucwamu kworobera Ruhanga. (Yud. 17, 18) Niki ekirikwija kutuhwera kumariirira kutarya nari kutateebwamu eshagama?—Bir. 12:23.