Aha Mukura Gwaitu gwa Intaneeti Nihashangwaho Ki?

Yesu Kristo akagambira abakuratsi be ati: “Omushana gwanyu gube nikwo gwajwa gutyo omu maisho g’abantu, bareebe emicwe yaanyu emirungi, babone kuhimbisa Shoimwe ori omu iguru.” (Matayo 5:16) Kubaasa kuhikiiriza ekyo, nitukoresa ebintu bitari bimwe, otwariiremu na Intaneeti. Omukura gwaitu gwa Intaneeti, jw.org, guriho bingi ebirikukwata aha murimo gwaitu n’ebi turikwikiriza. Ni bintu ki ebiriho?

Eby’okugarukamu kuruga omu Baibuli eby’ebibuuzo ebirikukira kubuuzibwa. Aha mukura gwaitu noobaasa kushangaho eby’okugarukamu by’ebibuuzo ebimwe ebi abantu barikukira kwebuuza. Nk’eky’okureeberaho, turaakiti Okubonabona Kuryahwaho? na Abaafiire buzima baryazooka? buri aha mukura omu ndiimi ezirikurenga 600. Noobaasa n’okushangaho Baibuli eya New World Translation omu ndimi ezirikurenga 130 zitari zimwe n’ebitabo ebirikushoboorora ahari Baibuli nka Niki Eki Baibuli Buzima Erikwegyesa? na zaamagaziini ensya ­Watchtower na Awake! Bingi aha bitabo ebi noobaasa kubishomera aha Intaneeti nari obitungyeho omu maraka, n’omu muringo gwa PDF nari EPUB. Noobaasa n’okwihaho ebitabo ebimwe obihe orikwenda kumanya ebirikukiraho omu rurimi rwe. Aha mukura gwaitu hariho n’ebitabo ebimwe ebiri omu vidiyo omu ndimi z’abafiire amatu. Noobaasa n’okwihaho emizaano erikukwata ahari Baibuli, ebirikushomwa omu Baibuli ebiri omu muringo gw’omuzaano n’ebyeshongoro birungi by’okuhurikiza.

Ebirikukwata aha Bajurizi ba Yehova. Aha mukura gwaitu nihaba hariho ebirikukwata aha murimo gwaitu omu nsi yoona nk’amakuru na bwavidiyo bugufu, ebirikukwata aha Bajurizi ba Yehova n’okuteeraho kwaitu kuha obuhwezi abahikirweho ebihikiirizi. Noobaasa n’okushangaho ebirikukwata aha nteerane empango ezirikuza kubaho n’endagiriro za ofiisi z’amataagi.

Kurabira omuri ebi byona, nituhitsya amazima omu bicweka by’ensi ebya hare. Abantu kuruga omu mahanga goona nibagasirwa, otwariiremu n’abo abarikuruga omu mahanga ga Antarctica. Nitushaba ngu “ekigambo kya Mukama kirahukye kubuga” omu nsi yoona kubaasa kuhaisa Ruhanga ekitiinisa.—2  Abatesalonika 3:1.

• Omukura gwa jw.org niguhwera guta abantu baingi kwega amazima ga Baibuli?

• Niki eki orikubaasa kushanga aha mukura gwaitu gwa Intaneeti?