EBIBUUZO AHA BY’OMU BAIBULI NIBIGARUKWAMU
Niki eki Yesu araakore omu biro by’omumaisho?
Yesu akafa omu gwa 33, yaazooka kandi yaatemba omu iguru. Ku haahingwireho obwire, Yesu akaheebwa obushoboorozi kutegyeka nk’Omugabe. (Danieli 7:13, 14) Omu biro by’omumaisho, Yesu naija kukoresa obushoboorozi bwe nk’Omugabe kureetaho obusingye n’okwihaho obworo.—Shoma Zaaburi 72:7, 8, 13.
Yesu ku araabe naategyeka, naija kuboneza ensi arikwihaho obubi
Yesu ku araabe naategyeka abantu naija kukora ebintu bingi ebirungi. Naija kukoresa amaani agu Ishe amuhaire kubaasisa abantu kugaruka kuba abahikiriire. Nibaija kugumaho ebiro byona batarikukaikura nari kufa.—Shoma Yohaana 5:26-29; 1 Abakorinso 15:25, 26.
Yesu naakora ki hati?
Yesu naayebembera omurimo gw’okubuurira ogurikukorwa abakuratsi be omu nsi yoona. Nibataayaayira abantu kubooreka eki Baibuli erikugamba aha Bukama bwa Ruhanga. Yesu akagira ngu akaba naija kuguma naashagika abakuratsi be kuhitsya obu Obukama bwa Ruhanga buraacwekyereze obutegyeki bw’abantu.—Shoma Matayo 24:14; 28:19, 20.
Yesu naahwera abantu kugira amagara marungi arikukoresa ekibiina Ekikristaayo. Kandi naija kugumizamu arikubeebembera kuhitsya obu baraarugye omu nsi egi embi bakataaha omu nsi ensya.—Shoma 2 Petero 3:7, 13; Okushuuruurwa 7:17.